ଆଜି ମଧ୍ୟ ପ୍ରବର୍ତ୍ତନ ନିର୍ଦ୍ଦେଶାଳୟରେ ହାଜର ହେବେନି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ। ଏଜେନ୍ସିର ପଞ୍ଚମ ସମନକୁ ଏଡାଇ ଦେଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ। ଦିଲ୍ଲୀ ମଦ ନୀତିରେ ଅର୍ଥ ହେରଫେର୍ ମାମଲାରେ ଇଡି ତାଙ୍କୁ ବାରମ୍ବାର ସମନ ପଠାଉଥିଲେ ମଧ୍ୟ ସେ ହାଜର ହେଉନାହାନ୍ତି।
ଗତ ଚାରିମାସ ମଧ୍ୟରେ ଇଡି କେଜ୍ରିୱାଲଙ୍କୁ ଚାରିଟି ସମନ ପଠାଇ ସାରିଲାଣି। ପ୍ରବର୍ତ୍ତନ ନିର୍ଦ୍ଦେଶାଳୟ, କେଜ୍ରିୱାଲଙ୍କୁ ଗତ ବର୍ଷ ନଭେମ୍ବର ୨, ଡିସେମ୍ବର ୨୧ ଏବଂ ଚଳିତ ବର୍ଷ ଜାନୁୟାରୀ ୩ ଏବଂ ଜାନୁୟାରୀ ୧୮ ରେ ଜେରା ପାଇଁ ସମନ ପଠାଇଥିଲା। କିନ୍ତୁ ଇଡିର ସମନକୁ ବେଆଇନ ଏବଂ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଦର୍ଶାଇ କାର୍ଯ୍ୟାଳୟକୁ ଯାଉନାହାନ୍ତି କେଜ୍ରିୱାଲ।
Also Read
ଏହାପରେ ବୁଧବାର (ଜାନୁଆରୀ ୩୧) ରେ ଇଡି ପୁନର୍ବାର ସମନ ପଠାଇଥିଲା ଏବଂ ଶୁକ୍ରବାର (ଫେବ୍ରୁଆରୀ ୨)ରେ କାର୍ଯ୍ୟାଳୟରେ ହାଜର ହେବାକୁ ନିର୍ଦ୍ଦେଶ ଦେଇଥିଲା, ଯାହାକୁ ପଞ୍ଚମ ଥର ପାଇଁ ଏଡାଇ ଦେଇଛନ୍ତି କେଜ୍ରିୱାଲ।
ସେପଟେ, କେଜ୍ରିୱାଲଙ୍କୁ ଗିରଫ କରିବା ପାଇଁ ଆପ୍ ଜାଣି ଶୁଣି ଏପରି ବାରମ୍ବାର ସମନ ପଠାଉଥିବା ଆପ୍ ନେତାମାନେ କହିଛନ୍ତି। 'କେଜ୍ରିୱାଲଙ୍କୁ ଗିରଫ କରିବା ମୋଦିଜୀଙ୍କ ଉଦ୍ଦେଶ୍ୟ' ବୋଲି ସେମାନେ କହିଛନ୍ତି। ଏଥିସହ ଦଳର ସୁପ୍ରିମୋଙ୍କୁ ଗିରଫ କରି ସେମାନେ ଆପକୁ ଟପିଯିବାକୁ ଚାହୁଁଥିବା କହିଛନ୍ତି। ଆପ୍ ଏକ ବିବୃତ୍ତିରେ କହିଛି ଯେ, 'ଆମେ ଏହା କେବେ ବି ଘଟିବାକୁ ଦେବୁ ନାହିଁ।'
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
