ପୋଲ୍ ଖୋଲି ଦେଲେ ବିଜେଡି ନେତା। କୃଷକ ସମାବେଶରେ ଯୋଗଦେଇ ନକହିବା କଥା କହିଦେଲେ ବିଜେଡି ନେତା ପ୍ରଦୀପ ମାଝି। ୨୦ ବର୍ଷ ପରେ ମଧ୍ୟ ନବରଙ୍ଗପୁର ଜିଲ୍ଲାର ଝରିଗାଁ ବ୍ଲକ୍ ରତାଖଣ୍ଡିଗୁଡ଼ା ପଞ୍ଚାୟତରେ କୌଣସି ଉନ୍ନୟତ କାମ ହୋଇନାହିଁ ବୋଲି କୃଷକ ସମାବେଶରେ କହିଦେଲେ। ଯାହାର ଭିଡିଓ ଏବେ ସୋଶାଲ୍ ମିଡିଆରେ ଭାଇରାଲ୍ ହେବାରେ ଲାଗିଛି।
ମିଳିଥିବା ସୂଚନା ଅନୁସାରେ ଶନିବାର ରତାଖଣ୍ଡିଗୁଡ଼ା ପଞ୍ଚାୟତରେ ହୋଇଥିଲା କୃଷକ ସମାବେଶ। ଏଥିରେ ରାଜ୍ୟ ସ୍ୱତନ୍ତ୍ର ବିକାଶ ପରିଷଦ ଉପଦ୍ଦେଷ୍ଟା ତଥା ବରିଷ୍ଠ ବିଜେଡି ନେତା ପ୍ରଦୀପ ମାଝୀ ଯୋଗଦେଇଥିଲେ। କୃଷକଙ୍କୁ ସମ୍ୱୋଧିତ କରି ଶ୍ରୀ ମାଝି କହିଥିଲେ, ୨୦ ବର୍ଷ ତଳେ ରତାଖଣ୍ଡିଗୁଡ଼ା ପଞ୍ଚାୟତର ଅବସ୍ଥା ଯେମିତି ଥିଲା, ଆଜି ସେମିତି ରହିଛି। ପଞ୍ଚାୟତ ଓ ଲୋକଙ୍କର କୌଣସି ଉନ୍ନତି ହୋଇନାହିଁ। ଆଜି ମଧ୍ୟ ୯୦ରୁ ୯୫% ଲୋକ ରାସନ୍କାର୍ଡ, ଭତ୍ତା, ଆବାସ ଗୃହ ଓ ସ୍ୱାସ୍ଥ୍ୟ ବ୍ୟବସ୍ଥା ପାଇଁ ପ୍ରଶାସନ ପାଖକୁ ଦୌଡ଼ି ନିରାଶ ହୋଇ ଫେରୁଛନ୍ତି। କ’ଣ ଆମକୁ ଏ ଜଞ୍ଜାଳରୁ ମୁକ୍ତି ମଳିବ ନାହିଁ? ଆଗାମୀ ପିଢ଼ି ଯେମିତି ଏ ସମସ୍ୟ ନଭୋଗିବେ ସେଥିପାଇଁ ଚିନ୍ତା କରିବାକୁ ପଡ଼ିବ ବୋଲି ଚାଷୀ ସମାବେଶରେ ପ୍ରଦୀପ ମାଝି ପ୍ରଶ୍ନ କରିଥିଲେ। ଯାହାର ଭିଡିଓ ସୋଶାଲ୍ ମିଡ଼ିଆରେ ଭାଇରାଲ୍ ହେବାରେ ଲାଗିଛି। ମୋବାଇଲ୍ରୁ ମୋବାଇଲ ଘୂରି ବୁଲୁଛି।
Also Read
ସେପଟେ ନିଜ ମନ୍ତବ୍ୟକୁ ନେଇ ଶ୍ରୀ ମାଝି ଆଜି କହିଛନ୍ତି, ରତାଖଣ୍ଡିଗୁଡ଼ାରେ ହୋଇଥିବା ଚାଷୀ ସମାବେଶରେ ଯୋଗଦେଇଥିଲି। ସେହି ଅଞ୍ଚଳରେ ଚାଷୀମାନଙ୍କର କୌଣସି ପରିବର୍ତ୍ତନ ହୋଇନାହିଁ। ବହୁ ଅଞ୍ଚଳରେ ଜଳସେଚନ ବ୍ୟବସ୍ଥା କରିବାର ରହିଛି। ଦେଖିବାକୁ ଗଲେ ରାଜ୍ୟ ସରକାର ଚାଷୀଙ୍କ ପାଇଁ ବହୁ କାମ କରୁଛନ୍ତି ବୋଲି ଶ୍ରୀ ମାଝି କହିଛନ୍ତି।
ରିପୋର୍ଟ-ଉମରକୋଟରୁ କାର୍ତ୍ତିକ ମଲ୍ଲିକ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
