ଭାରତୀୟ ନିର୍ବାଚନ କମିଶନଙ୍କ ନିକଟରେ ଆଜି ବିଜେପି ପକ୍ଷରୁ କଂଗ୍ରେସ ନେତା ରାହୁଲ ଗାନ୍ଧିଙ୍କ ବିରୋଧରେ ଗୋଟିଏ ଅଭିଯୋଗ ଦାଖଲ କରାଯାଇଛି। ଶକ୍ତି ଓ ଇଭିଏମ ସମ୍ପର୍କରେ ସେ ଦେଇଥିବା ବୟାନକୁ ବିଜେପି ବିରୋଧ କରି ଇସିଙ୍କ ନିକଟରେ ପହଞ୍ଚି ଯାଇଛି।
ଫେବୃଆରୀ ୧୭ରେ ମୁମ୍ବାଇ ଠାରେ ଆୟୋଜିତ ଭାରତ ଯୋଡ଼ୋ ନ୍ୟାୟ ଯାତ୍ରା ସମୟରେ ରାହୁଲ ଗୋଟିଏ ଜନସମାବେଶକୁ ସମ୍ବୋଧନ କରିଥିଲେ। ଏହି ସମୟରେ ସେ କହିଥିଲେ, ହିନ୍ଦୁ ଧର୍ମରେ ଗୋଟିଏ ଶବ୍ଦ ରହିଛି ଶକ୍ତି। ଆମେ ଗୋଟିଏ ଶକ୍ତି ବିରୋଧରେ ଲଢ଼େଇ କରୁଛୁ। ପ୍ରଶ୍ନ ହେଉଛି ଶକ୍ତି କ’ଣ?
Also Read
ଇଭିଏମରେ ରାଜାଙ୍କର ଆତ୍ମା ରହିଛି। ଏହା ସତ୍ୟ। ଇଭିଏମରେ ରାଜାଙ୍କ ଆତ୍ମା ରହିଛି। ଦେଶର ସବୁ ସଂସ୍ଥାରେ ରାଜାଙ୍କ ଆତ୍ମା ରହିଛି। ଇଡି, ସିବିଆଇ ଓ ଆୟକର ବିଭାଗ ସବୁଥିରେ ଏହା ରହିଛି।” ରାହୁଲ ଗାନ୍ଧି ଆହୁରି ଦାବି କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିନା ଇଭିଏମରେ ଜିତି ପାରିବେ ନାହିଁ।
ଏହାକୁ ବିଜେପି ବିରୋଧ କରିଛି। ଆଜି ଏଥିପାଇଁ କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ଦିଲ୍ଲୀ ସ୍ଥିତ ନିର୍ବାଚନ କମିଶନଙ୍କ ମୁଖ୍ୟାଳୟରେ ପହଞ୍ଚିଥିଲେ। ଏହାପରେ ସେ ୱାୟନାଡ ସାଂସଦ ରାହୁଲଙ୍କ ବିରୋଧରେ ଅଭିଯୋଗ ଦାଖଲ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
