Advertisment
ସବସ୍କ୍ରାଇବ କରନ୍ତୁ
ad_close_btn
Advertisment
ଓଡ଼ିଶା ରାଜନୀତି

ମେଣ୍ଟ ଚର୍ଚ୍ଚାରେ ପୂର୍ଣ୍ଣଚ୍ଛେଦ: ସବୁ ସିଟରେ ଏକାକୀ ଲଢ଼ିବ ବିଜେପି, ନବୀନଙ୍କୁ ଜଣାଇଲେ କୃତଜ୍ଞତା

ଓଡ଼ିଶାରେ ବିଜେପି ସମସ୍ତ ୨୧ ଲୋକସଭା ଓ ୧୪୭ ବିଧାନସଭା ଆସନରେ ଏକାକୀ ନିର୍ବାଚନ ଲଢ଼ିବ।

author-image
Ordigital Desk
ଅଦ୍ୟତନ ହୋଇଛି
Manmohan Samal

Manmohan Samal

ରାଜ୍ୟରେ ବିଜେପି ଓ ବିଜେଡି ମଧ୍ୟରେ ନିର୍ବାଚନୀ ମେଂଟକୁ ନେଇ ଗତ ୧୭ଦିନ ଧରି ଚାଲିଥିବା ଅଚଳାବସ୍ଥାରେ ପୂର୍ଣ୍ଣଚ୍ଛେଦ ପଡ଼ିଛି । ବିଜେପି ସଭାପତି ମନମୋହନ ସାମଲ ଆଜି ଏହି ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇବା ସହ ବିଜେପି ରାଜ୍ୟର ସମସ୍ତ ୨୧ଲୋକସଭା ଓ ୧୪୭ ବିଧାନସଭା ଆସନରେ ଏକାକୀ ଲଢ଼ିବ ବୋଲି ଘୋଷଣା କରିଛନ୍ତି । ଏହାସହିତ ବିଗତ ୧୦ବର୍ଷ ଧରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାରକୁ ରାଷ୍ଟ୍ରୀୟ ମହତ୍ୱ ପ୍ରସଙ୍ଗରେ ସମର୍ଥନ ଦେଉଥିବାରୁ ସେ ନବୀନ ପଟ୍ଟନାୟକଙ୍କ ନେତୃତ୍ୱାଧୀନ ବିଜେଡିକୁ କୃତଜ୍ଞତା ଜଣାଇଛନ୍ତି ।

Advertisment

ଗତକାଲି ଦିଲ୍ଲୀରୁ ଫେରିଥିବା ବିଜେପି ରାଜ୍ୟ ସଭାପତି ଶ୍ରୀ ସାମଲ ଆଜି ଉଭୟ ହିନ୍ଦୀ ଓ ଓଡ଼ିଆରେ ଟ୍ୱିଟ୍ କରି ଓଡ଼ିଶାରେ ବିଜେପି ସମସ୍ତ ୨୧ ଲୋକସଭା ଓ ୧୪୭ ବିଧାନସଭା ଆସନରେ ଏକାକୀ ନିର୍ବାଚନ ଲଢ଼ିବ ବୋଲି କହିଛନ୍ତି। ସାଢ଼େ ୪କୋଟି ଓଡ଼ିଶାବାସୀଙ୍କ ଆଶା, ଅଭିଳାଷା ଓ ଆକାଂକ୍ଷାକୁ ପୂରଣ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦର୍ଶୀ ନେତୃତ୍ୱରେ ବିକଶିତ ଭାରତ ତଥା ବିକଶିତ ଓଡ଼ିଶା ଗଠନ ନିମନ୍ତେ ବିଜେପି ଚଳିତ ଥର ଏକାକୀ ସବୁ ଆସନରେ ଲଢ଼ିବ ବୋଲି ସେ ଘୋଷଣା କରିଛନ୍ତି ।

ସମଗ୍ର ଦେଶରେ ଯେଉଁଠି ଡବଲ ଇଞ୍ଜିନର ସରକାର ରହିଛି ସେଠାରେ ବିକାଶ ଓ ଗରିବ କଲ୍ୟାଣ କାର୍ଯ୍ୟ ତ୍ୱରାନ୍ୱିତ ହୋଇଛି ଓ ରାଜ୍ୟ ପ୍ରତ୍ୟେକ କ୍ଷେତ୍ରରେ ଆଗକୁ ବଢ଼ିଛି । କିନ୍ତୁ ଏବେ ଓଡ଼ିଶାରେ ମୋଦି ସରକାରଙ୍କ ଅନେକ କଲ୍ୟାଣକାରୀ ଯୋଜନା ତୃଣମୂଳସ୍ତରରେ ପହଂଚି ପାରୁନି । ଯେଉଁଥିପାଇଁ ଓଡ଼ିଶାର ଗରିବ ଭାଇଭଉଣୀମାନଙ୍କୁ ଏହାର ଫାଇଦା ମିଳିପାରୁନି । ଓଡ଼ିଶାର ଅସ୍ମିତା, ଓଡ଼ିଶା ଗୌରବ ଓ ଓଡ଼ିଶା ଲୋକଙ୍କ ସ୍ୱାର୍ଥ ସହ ଜଡ଼ିତ ଅନେକ ବିଷୟକୁ ନେଇ ଆମର ଚିନ୍ତା ରହିଛି । ସେଥିପାଇଁ ବିଜେପି ଏକାକୀ ରାଜ୍ୟରେ ଲଢ଼ିବ ବୋଲି ଶ୍ରୀ ସାମଲ ଘୋଷଣା କରିଛନ୍ତି ।

Advertisment

ଶ୍ରୀ ସାମଲ ଚଳିତ ଥର ହିନ୍ଦୀ ଭାଷାରେ ଟ୍ୱିଟ୍ (ଏକ୍ସ ହ୍ୟାଣ୍ଡଲରେ) କରିଥିବା ଓ ରୋକଠୋକ୍ ଭାବେ ଏକାକୀ ଲଢ଼ିବ ବୋଲି ସୂଚନା ଦେଇଥିବାରୁ ରାଜ୍ୟରେ ମେଂଟ ଚର୍ଚ୍ଚା ଉପରେ ସମ୍ପୂର୍ଣ୍ଣ ପୂର୍ଣ୍ଣଚ୍ଛେଦ ପଡ଼ିଛି ।

ଏହାସହିତ ଗତ କିଛିଦିନ ଧରି ମେଂଟକୁ ନେଇ ଜାରି ରହିଥିବା ରାଜନୀତିକ ଅଚଳାବସ୍ଥା ଦୂର ହେବ ବୋଲି ଜଣାପଡ଼ିଛି । ବିଜେଡି ଓ ବିଜେପି ମଧ୍ୟରେ ସମ୍ଭାବ୍ୟ ମେଂଟକୁ ନେଇ ଉଭୟ ଦଳର କର୍ମୀ ଓ ନେତାମାନେ ଦ୍ୱନ୍ଦ୍ୱରେ ରହିଥିଲେ । ଏକପ୍ରକାର ରାଜନୀତିକ ଅଚଳାବସ୍ଥା ଲାଗି ରହିଥିଲା । ଗତ ଦୁଇଦିନ ତଳେ ବିଜେପି ଚାଣକ୍ୟ ତଥା କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ମେଂଟକୁ ନେଇ ମଧ୍ୟ କିଛି ବି ହୋଇପାରେ ବୋଲି ମତ ଦେଇଥିଲେ । ଯଦି ମେଂଟ ନହୁଏ, ତା’ହେଲେ ବିଜେପି ରାଜ୍ୟରେ ସରକାର ଗଠନ କରିବାକୁ ହିଁ ଲଢ଼ିବ ବୋଲି ସେ ସ୍ପଷ୍ଟ କରିଥିଲେ ।

Bjp Loka Sabha Election 2024