କର୍ଣ୍ଣାଟକା ବିଜେପି ଆଜି ବିଦ୍ରୋହୀ ନେତା କେଏସ ଈଶ୍ୱରପ୍ପାଙ୍କୁ ଦଳ ନିଲମ୍ବିତ କରିଛି। ସେ ଦଳ ବିରୋଧରେ ଯାଇ ଶିବମୋଗାରୁ ସ୍ୱାଧୀନ ଭାବେ ନିର୍ବାଚନ ଲଢ଼ିବେ ବୋଲି ଘୋଷଣା କରିବା ପରେ ବିଜେପି ପକ୍ଷରୁ ତାଙ୍କୁ ୬ ବର୍ଷ ପାଇଁ ଦଳରୁ ନିଲମ୍ବିତ କରାଯାଇଛି।
ଈଶ୍ୱରପ୍ପା କର୍ଣ୍ଣାଟକାର ଉପ ମୁଖ୍ୟମନ୍ତ୍ରୀ ଓ ରାଜ୍ୟ ବିଜେପି ସଭାପତି ଭାବେ ଏକଦା କାମ କରିଥିଲେ। ଦଳ ପକ୍ଷରୁ ଜାରି ଗୋଟିଏ ବିବୃତିରେ କୁହାଯାଇଛି ଯେ “କେଏସ୍ ଈଶ୍ୱରପ୍ପାଙ୍କୁ ୬ ବର୍ଷ ପାଇଁ ଦଳରୁ ନିଲମ୍ବିତ କରାଯାଇଛି। ସେ ବିଜେପିର ପ୍ରୋଟକଲ ବିରୋଧରେ ଯାଇଛନ୍ତି ଓ ସ୍ୱାଧୀନ ଭାବେ ନିର୍ବାଚନ ଲଢ଼ିବାକୁ ଘୋଷଣା କରିଛନ୍ତି। ଏହା ଦଳ ପ୍ରତି ଅସମ୍ମାନ।”
Also Read
କିଛି ଦିନ ତଳେ ଈଶ୍ୱରପ୍ପା ଖୋଲାଖୋଲି ଭାବେ ବିଜେପି ବିରୋଧରେ ବିଦ୍ରୋହ ଘୋଷଣା କରିଥିଲେ। ସେ ଦଳ ସହ ଆଉ ନାହାନ୍ତି ଓ କୌଣସି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ ଡରନ୍ତି ନାହିଁ ବୋଲି କହିଥିଲେ।
ପ୍ରକୃତରେ ଈଶ୍ୱରପ୍ପା ତାଙ୍କ ପୁଅ ହାଭେରୀରୁ ବିଜେପି ଟିକେଟ ପାଆନ୍ତୁ ବୋଲି ଚାହୁଁଥିଲେ। କିନ୍ତୁ ଦଳ ତାଙ୍କ ପୁଅକୁ ଟିକେଟ ଦେଇ ନଥିଲା। କର୍ଣ୍ଣାଟକା ବିଜେପି ମୁଖ୍ୟ ବି ବିଜୟେନ୍ଦ୍ର ଓ ତାଙ୍କ ବାପା ବିଏସ୍ ୟେଦ୍ୟୁରପ୍ପାଙ୍କ ଯୋଗୁ ଈଶ୍ୱରପ୍ପାଙ୍କ ପୁଅ କେଇ କାନତେଶଙ୍କୁ ଟିକେଟ ମିଳି ନଥିବା ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
