୩ ରାଜ୍ୟ ପାଇଁ ବିଜେପି ବାଛିପାରିନି ମୁଖ୍ୟମନ୍ତ୍ରୀ, କାଲି ନିଯୁକ୍ତ ହେବେ ପର୍ଯ୍ୟବେକ୍ଷକ

ପର୍ଯ୍ୟବେକ୍ଷକମାନେ ସଂପୃକ୍ତ ରାଜ୍ୟମାନଙ୍କୁ ଯାଇ ନବନିର୍ବାଚିତ ବିଧାୟକଙ୍କ ବୈଠକରେ ଯୋଗ ଦେବେ। ସେହି ବୈଠକରେ ନେତା ଚୟନ କରାଯିବ ବୋଲି ଜଣାପଡ଼ିଛି।

Nadda, Modi and Shah

ବିଜେପି ରାଷ୍ଟ୍ରୀୟ ଅଧ୍ୟକ୍ଷ, ପ୍ରଧାନମନ୍ତ୍ରୀ ଓ କେନ୍ଦ୍ର ଗୃହ ମନ୍ତ୍ରୀ

Jitendra Garnayak
  • Published: Thursday, 07 December 2023
  • Updated: 07 December 2023, 08:30 PM IST

Sports

Latest News

ରାଜସ୍ଥାନ, ମଧ୍ୟ ପ୍ରଦେଶ ଓ ଛତିଶଗଡ଼ରେ କିଏ ମୁଖ୍ୟମନ୍ତ୍ରୀ ହେବେ, ସେ ନେଇ କୌଣସି ନିଷ୍ପତ୍ତି ନେଇ ପାରିନାହିଁ ବିଜେପି। ସେଥିପାଇଁ ବିଚାରବିମର୍ଶ ଜାରି ରହିଛି। ତିନି ରାଜ୍ୟ ପାଇଁ ମୁଖ୍ୟମନ୍ତ୍ରୀ ବାଛିବାକୁ ଆସନ୍ତାକାଲି ଦଳ ପର୍ଯ୍ୟବେକ୍ଷକ ନିଯୁକ୍ତ କରିବ ବୋଲି ସୂଚନା ମିଳିଛି।

ପର୍ଯ୍ୟବେକ୍ଷକମାନେ ସଂପୃକ୍ତ ରାଜ୍ୟମାନଙ୍କୁ ଯାଇ ନବନିର୍ବାଚିତ ବିଧାୟକଙ୍କ ବୈଠକରେ ଯୋଗ ଦେବେ। ସେହି ବୈଠକରେ ନେତା ଚୟନ କରାଯିବ ବୋଲି ଜଣାପଡ଼ିଛି।

ବିଜେପି ନିର୍ବାଚନ ପୂର୍ବରୁ ଏହି ରାଜ୍ୟଗୁଡ଼ିକ ପାଇଁ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରି ନଥିଲା। ମଧ୍ୟ ପ୍ରଦେଶରେ ମୁଖ୍ୟମନ୍ତ୍ରୀ ରେସ୍‌ରେ ଶିବରାଜ ସିଂହ ଚୌହାନ ମଧ୍ୟ ଅଛନ୍ତି। ସେ ୪ଥର ରାଜ୍ୟର ମୁଖ୍ୟମନ୍ତ୍ରୀ ହୋଇସାରିଛନ୍ତି। ତାଙ୍କ ସହିତ ଏହି ରେସରେ କେନ୍ଦ୍ର ମନ୍ତ୍ରୀ ପ୍ରହ୍ଲାଦ ପଟେଲ, ଜ୍ୟୋତିରାଦିତ୍ୟ ସିନ୍ଧିଆ ଓ ନରେନ୍ଦ୍ର ସିଂହ ତୋମାର ଅଛନ୍ତି ‍ବୋଲି କୁହାଯାଉଛି। 

Also Read

ଛତିଶଗଡ଼ରେ ପୂର୍ବତନ ମୁଖ୍ୟମନ୍ତ୍ରୀ ରମଣ ସିଂହ ରେସ୍‌ରେ ଅଛନ୍ତି। ତାଙ୍କ ସହିତ ଛତିଶଗଡ଼ ବିଜେପି ସଭାପତି ଅରୁଣ କୁମାର ସାଓ, ବିରୋଧୀ ଦଳ ନେତା ଧରମଲାଲ କୌଶିକ ଓ ପୂର୍ବତନ ଆଇଏଏସ୍ ଅଫିସର ଓପି ଚୌଧୁରୀ ମୁଖ୍ୟମନ୍ତ୍ରୀ ଦୌଡ଼ରେ ଅଛନ୍ତି। ରମଣ ସିଂହଙ୍କ ବ୍ୟତୀତ ଅନ୍ୟ ତିନି ନେତା ଓବିସି ବର୍ଗର।

ସେହିପରି ରାଜସ୍ଥାନରେ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ପୁଣି ରେସ୍‌ରେ ଅଛନ୍ତି। ସୋମବାର ତାଙ୍କୁ ୨୫ରୁ ଅଧିକ ବିଧାୟକ ଭେଟିଥିଲେ। ସେମାନେ ବସୁନ୍ଧରା ରାଜେଙ୍କୁ ସମର୍ଥନ ଜଣାଇ ତାଙ୍କ ବାସଭବନକୁ ଯାଇଥିଲେ ବୋଲି କୁହାଯାଉଛି। ତେବେ ସେମାନେ କହିଛନ୍ତି ଯେ ଏହା କେବଳ ସୌଜନ୍ୟମୂଳକ ସାକ୍ଷାତ ଥିଲା। ଦଳୀୟ ନେତୃତ୍ୱ ବସୁନ୍ଧରା ରାଜେଙ୍କୁ ମୁଖ୍ୟମନ୍ତ୍ରୀ ପଦ ପାଇଁ ବାଛିଲେ ସେମାନେ ବି ସମର୍ଥନ କରିବେ। 

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos