ବିଜେଡି ଜନସଂପର୍କ ପଦଯାତ୍ରା ବେଳେ ହଟହଟା ହେଲେ ବିଧାୟକ ଦିବ୍ୟଶଙ୍କର ମିଶ୍ର। ବିଧାୟକଙ୍କୁ ପ୍ରଶ୍ନବାଣରେ ଜର୍ଜରିତ କରିପକାଇଲେ ସ୍ଥାନୀୟ ମହିଳା। ଶୁଣାଇଦେଲେ ଅଭିଯୋଗର ଲମ୍ବା ଫର୍ଦ୍ଦ। କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକ ନାନ୍ଦୋଲ ପଞ୍ଚାୟତର ବାଦଲଦେଇ ଗାଁର ପ୍ରାୟ ୮୦ ପରିବାର ତଲଜାରିଙ୍ଗ ମୌଜାରେ ଖାଲି ପଡ଼ିଥିବା ସରକାରୀ ଜମିରେ ଚାଷ କରୁଥିଲେ । ଏଥିସହ ସରକାରଙ୍କୁ ଖଜଣା ମଧ୍ୟ ଦେଉଥିଲେ । ତେବେ ଏଠାରେ ଏକ ଇଥାଇନେଲ ଶିଳ୍ପ କରିବା ପାଇଁ ସରକାର ଇଡକୋକୁ ଏହି ଜମି ହସ୍ତାନ୍ତର କରିବା ପରେ, ଏହାକୁ ସ୍ଥାନୀୟ ଲୋକେ ବିରୋଧ କରିଥିଲେ । ତେବେ ବିଧାୟକ ଦିବ୍ୟଶଙ୍କର ମିଶ୍ର ଦଳୀୟ ଜନ ସଂପର୍କ ପଦଯାତ୍ରା କରୁଥିବା ସମୟରେ, ବାଦଲଦେଇ ଗାଁରେ ତାଙ୍କୁ ଲୋକଙ୍କ ପ୍ରବଳ ବିରୋଧର ସମ୍ମୁଖୀନ ହେବାକୁ ପଡ଼ିଥିଲା। ଏନେଇ ଦିବ୍ୟଶଙ୍କର କିମ୍ବା ବିଜେଡିର କୌଣସି ପ୍ରତିକ୍ରିୟା ମିଳିପାରିନାହିଁ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
