ବାଃ ବାଃରେ ଖେଳ: ଟଙ୍କା ଥିଲେ ଆଇନ୍ ବି ଦିଏ ମାଳ ?

ଲଣ୍ଡନରେ ବାବୁ ବିଜୟ ମାଲ୍ୟା ଗିରଫ ହେଲେ। ମାଲ୍ୟା ବାବୁଙ୍କୁ ତ ଆପଣ ଜାଣିଥିବେ। ଯିଏ ଭାରତୀୟ ବ୍ୟାଙ୍କ ଗୁଡ଼ିକରୁ ମାତ୍ର 9000 କୋଟି ଟଙ୍କା ଚୁନ ଲଗାଇ ଲଣ୍ଡନରେ ଲୁଚିଛନ୍ତି। ତାଙ୍କୁ ଗିରଫ କରିଯିବ, ଭାରତ ଅଣାଯିବ, ଏମିତି କେତେକେତେ ବାହାସ୍ଫୋଟ ମାରୁଛନ୍ତି ସମସ୍ତେ। କିନ୍ତୁ ବାସ୍ତବରେ ଲାଗୁଛି, ସେଥିକୁ କାହାର ଦମ୍ ନାହିଁ। ସାରଙ୍କୁ ଏବେ ଲଂଣ୍ଡନରେ ଗିରଫ କରାଯାଇଥିଲା ଯେ, କାଳେ ଗିରଫ ଖବର ଭାରତରେ ପହଞ୍ଚିଲା ବେଳକୁ, ବେଲ୍ ପାଇବା ଖବର ତା ପୂର୍ବରୁ ଜାଣି ସାରିଥିଲେ ଭାରତୀୟ। ୟାକୁ କହନ୍ତି ଟଙ୍କାର ଖେଳ। ଠନ୍ ଠନ୍ ଥିଲେ ସବୁ ମାଫ୍। ବିଜୟ ମାଲ୍ୟାଙ୍କର ଜୟ ହେଉ। ଏହାକୁ ନେଇ ଓଡ଼ିଶା ରିପୋର୍ଟରର ଏହି କାର୍ଟୁନ୍ ଚିତ୍ର।