ଇସ୍ତଫା ଦେବେ କଂଗ୍ରେସ ନେତା କମଲନାଥ। ପଦ ଛାଡିବାକୁ କହିଲା କଂଗ୍ରେସ। ମଧ୍ୟପ୍ରଦେଶ ବିଧାନସଭା ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ରାଜ୍ୟ ସଭାପତି ପଦରୁ କମଳନାଥଙ୍କୁ ଇସ୍ତଫା ଦେବାକୁ ଦଳ କହିଛି।
ସୂଚନାଯୋଗ୍ୟ ଯେ କମଳନାଥ ଦୀର୍ଘ ଦିନ ଧରି ମଧ୍ୟପ୍ରଦେଶ କଂଗ୍ରେସର ସଭାପତି ଥିଲେ। ଏହାବ୍ୟତୀତ ସେ ଦଳ ପକ୍ଷରୁ ମୁଖ୍ୟମନ୍ତ୍ରୀଙ୍କ ଚେହେରା ମଧ୍ୟ ଥିଲେ। ତେବେ ମଧ୍ୟପ୍ରଦେଶ ବିଧାନସଭା ନିର୍ବାଚନରେ କଂଗ୍ରେସ ଏକ ବଡ଼ ପରାଜୟର ସାମ୍ନା କରିବାକୁ ପଡିଛି। ରବିବାର ପ୍ରକାଶ ପାଇଥିବା ନିର୍ବାଚନ ଫଳାଫଳରେ ବିଜେପି ୧୬୩ଟି ଆସନ ଏବଂ କଂଗ୍ରେସ ମାତ୍ର ୬୬ଟି ଆସନ ଜିତିଛି।
ଏଥର ମଧ୍ୟପ୍ରଦେଶରେ କଂଗ୍ରେସ ଓ ପରାଜୟ ପରେ ଶିବରାଜଙ୍କୁ ଭେଟିବା ଓ ଇଣ୍ଡିଆ ମେଣ୍ଟର ନେତାଙ୍କ ବିରୋଧରେ କମଲନାଥଙ୍କ ବୟାନକୁ ନେଇ କଂଗ୍ରେସ ଶୀର୍ଷ ନେତୃତ୍ୱ ଖପ୍ପା ଥିବା ଜଣାପଡ଼ିଛି। ସମାଜବାଦୀ ପାର୍ଟି ମୁଖ୍ୟ ଅଖିଲେଶ ଯାଦବ ଓ ଜେଡିୟୁ ମୁଖ୍ୟ ନୀତିଶ କୁମାରଙ୍କ ବିରୋଧରେ ସିଟ ସେୟାରିଂ ନେଇ ଦେଇଥିବା ବିବାଦୀୟ ବୟାନକୁ ନେଇ ମଧ୍ୟ କଂଗ୍ରେସ ଖପ୍ପା ଅଛି।
ସୂଚନା ମୁତାବକ, ସୋମବାର ବରିଷ୍ଠ ନେତା ଦିଗ୍ବିଜୟ ସିଂହ, ସୁରେଶ ପଚୌରୀ ଏବଂ ଅନ୍ୟ ଲୋକେ ପ୍ରାର୍ଥୀଙ୍କ ସହ ଦଳର ପରାଜୟର କାରଣ ସମ୍ପର୍କରେ ଚର୍ଚ୍ଚା କରିଛନ୍ତି। ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ୨୩୦ ଜଣ ପ୍ରାର୍ଥୀଙ୍କୁ ନେଇ ମଙ୍ଗଳବାର ଏକ ବୈଠକ ଅନୁଷ୍ଠିତ ହେବ।