ଉତ୍ତର ପ୍ରଦେଶ, କର୍ଣ୍ଣାଟକା ଓ ହିମାଚଳ ପ୍ରଦେଶର ୧୫ଟି ରାଜ୍ୟସଭା ଆସନ ପାଇଁ ହୋଇଥିବା ଭୋଟର ରେଜଲ୍ଟ ଆସିବା ଆରମ୍ଭ ହୋଇଛି। ଆଜି ଭୋଟିଂ ପ୍ରକ୍ରିୟା ସକାଳ ୯ଟାରେ ଆରମ୍ଭ ହୋଇଥିବା ବେଳେ ଏବେ ଗଣତି ଶେଷ ହୋଇଛି।
ବର୍ତ୍ତମାନ ପ୍ରଥମ ପର୍ଯ୍ୟାୟରେ କର୍ଣ୍ଣାଟକାର ୪ ରାଜ୍ୟସଭା ଆସନର ଫଳାଫଳ ସାମ୍ନାକୁ ଆସିଛି। ୪ଟି ଆସନରୁ କ୍ଷମତାସୀନ କଂଗ୍ରେସ ୩ଟିରେ ଜିତିଥିବା ବେଳେ ଗୋଟିଏ ଆସନ ବିଜେପି ପାକୁ ଯାଇଛି।
Also Read
କଂଗ୍ରେସ ପକ୍ଷରୁ ଅଜୟ ମାକେନ, ନାସିର ହୁସେନ ଓ ଜିସି ଚନ୍ଦ୍ରଶେଖର ବେଶ ଚମତ୍କାର ଢଙ୍ଗରେ ଜିତି ରାଜ୍ୟସଭାକୁ ଯାଇଛନ୍ତି। ସେହିପରି ବିଜେପି ପ୍ରାର୍ଥୀ ନାରାୟଣସା ଭାନଡାଗେ ମଧ୍ୟ ବାଜିମାତ କରିଛନ୍ତି।
ତେବେ ୫ମ ପ୍ରାର୍ଥୀ ଜେଡିଏସ୍ର ଡି କୁପେନ୍ଦ୍ର ରେଡ୍ଡୀ ମାତ୍ର ୩୬ ଖଣ୍ଡ ଭୋଟରେ ପରାସ୍ତ ହୋଇଛନ୍ତି। କୁହାଯାଇଛି ଯେ ବିଜେପିର ଜଣେ ବିଧାୟକ କଂଗ୍ରେସ ସପକ୍ଷରେ କ୍ରସ ଭୋଟିଂ କରିଛନ୍ତି।
ଅନ୍ୟପକ୍ଷରେ ୟୁପିରେ ୧୦ଟି ସିଟ୍ ପାଇଁ ୧୧ ଜଣ ପ୍ରାର୍ଥୀ ନାମାଙ୍କନ ଭରିଥିଲେ। ବିଜେପି ୮ଟି ଆସନ ପାଇଁ ପ୍ରାର୍ଥୀ ଦେଇଥିବା ବେଳେ ସମାଜବାଦୀ ପାର୍ଟି ପକ୍ଷରୁ ୩ ଜଣଙ୍କୁ ଟିକେଟ ଦିଆଯାଇଛି।
ସେହିପରି ହିମାଚଳ ପ୍ରଦେଶରେ ଗୋଟିଏ ସିଟ ପାଇଁ ମୁହାଁମୁହିଁ ହେଉଛନ୍ତି ବିଜେପିର ହର୍ଷ ମହାଜନ ଓ କଂଗ୍ରେସର ଅଭିଷେକ ମନୁ ସିଙ୍ଘଭୀ। ଏଠାରେ କଂଗ୍ରେସର ୬ ଜଣ ଓ ୩ ଜଣ ସ୍ୱାଧୀନ ବିଧାୟକ କ୍ରସ ଭୋଟିଂ କରିଥିବାରୁ ଫଳାଫଳ ଉପରେ ସମସ୍ତଙ୍କ ନଜର ରହିଛି। ସ୍ଥିତି ବର୍ତ୍ତମାନ ୩୪-୩୪ରେ ଟାଇ ରହିଥିବା କୁହାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
