କଂଗ୍ରେ ସଭାପତି ମଲ୍ଲିକାର୍ଜୁନ ଖଡଗେ ଆଜି ଦଳର ସବୁଠାରୁ ଗୁରୁତ୍ୱପୂର୍ଣ୍ଣ କେନ୍ଦ୍ରୀୟ ନିର୍ବାଚନ କମିଟି ଗଠନ କରିଛନ୍ତି। ଏହି କମିଟିରେ ୧୬ ଜଣ ସଦସ୍ୟ ରହିଛନ୍ତି। ପୂର୍ବରୁ ଥିବା କେନ୍ଦ୍ରୀୟ ନିର୍ବାଚନ କମିଟିର ୭ ଜଣ ସଦସ୍ୟ ନୂଆ କମିଟିରୁ ବାଦ ପଡ଼ିଛନ୍ତି। ବାଦ ପଡ଼ିଥିବା ନେତାଙ୍କ ମଧ୍ୟରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଓ ଏକେ ଆଣ୍ଟୋନୀଙ୍କ ଭଳି ବରିଷ୍ଠ ନେତା ରହିଛନ୍ତି।
କଂଗ୍ରେସର ନିର୍ବାଚନ କମିଟି(ସିଇସି) ଲୋକସଭା ଓ ବିଧାନସଭା ନିର୍ବାଚନରେ କେଉଁମାନେ ଦଳର ପ୍ରାର୍ଥୀ ହେବେ, ତା’ର ଚୂଡ଼ାନ୍ତ ନିଷ୍ପତ୍ତି ନେଇଥାଏ। ଏଥିସହ ଦଳର ସମସ୍ତ ପ୍ରଚାର ଦାୟିତ୍ୱ କଥା ବୁଝିଥାଏ। ଆଗକୁ ୫ ରାଜ୍ୟର ବିଧାନସଭା ସହ ଲୋକସଭା ନିର୍ବାଚନ ଅଛି। ତେଣୁ ଦଳର ଅଧ୍ୟକ୍ଷ ଖଡଗେ ୧୬ ଜଣିଆ କେନ୍ଦ୍ରୀୟ ନିର୍ବାଚନ କମିଟି ଗଠନ କରିଛନ୍ତି। ଏହି କମିଟିରେ ନିଜେ ଖଡେଗ ରହିଥିବା ବେଳେ ତାଙ୍କ ସହଯୋଗୀ ତଥା କର୍ଣ୍ଣାଟକା ମନ୍ତ୍ରୀ କେଜେ ଜର୍ଜ ରହିଛନ୍ତି।
Also Read
କେବଳ ସୋନିଆ ଗାନ୍ଧି, ରାହୁଲ ଗାନ୍ଧି, ଅମ୍ବିକା ସୋନି ଓ କେସି ଭେନୁଗୋପାଲଙ୍କୁ ଛାଡ଼ି ଦେଲେ ପୁରୁଣା କମିଟିରେ ଥିବା ଆଉ କୌଣସି ସଦସ୍ୟଙ୍କୁ ସିଇସିରେ ସାମିଲ କରାଯାଇ ନାହଁ।
ମନମୋହନ ଓ ଆଣ୍ଟୋନୀଙ୍କ ବ୍ୟତୀତ ଗିରିଜା ବ୍ୟାସ, ଜନାର୍ଦ୍ଦନ ଦ୍ୱିବେଦୀ, ମୁକୁଲ ୱାସନିକ, ଏମ ବୀରାପ୍ପା ମୋଇଲୀ ଓ ମୋହସିନ କିଡୱାଇ କମିଟିରୁ ବାଦ ପଡ଼ିଛନ୍ତି। ପୂର୍ବରୁ ନିର୍ବାଚନ କମିଟିର ସଦସ୍ୟଙ୍କ ସଂଖ୍ୟା ୧୧ ଥିଲା। ଏବେ ଏହାକୁ ୧୬ କରାଯାଇଛି।
. @kharge constitutes Congress Election Committee with 16 members @DeccanHerald pic.twitter.com/BqgnQjF9CL
— Shemin (@shemin_joy) September 4, 2023
ନୂଆ କମିଟିରେ ଅଧୀର ରଞ୍ଜନ ଚୌଧୁରୀ, ସଲମାନ ଖୁର୍ସିଦ, ମଧୁସୂଦନ ମିସ୍ତ୍ରୀ, ଏନ ଉତ୍ତମ କୁମାର, ଟିଏସ୍ ସିଂହ ଦେଓ, ପ୍ରୀତିମ ସିଂହ, ମହମ୍ମଦ ଜାୱେଦ, ଅମୀ ୟାଗନିକ, ପିଏଲ ପୁନିଆ ଓ ଓମକାର ମାରକମ ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
