ମଦ ଦୁର୍ନୀତି ମାମଲାରେ ବଢ଼ିବାରେ ଲାଗିଛି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲଙ୍କ ଅଡୁଆ। ଇଡି ତାଙ୍କ ଘରେ ଚଢ଼ାଉ କରି ତାଙ୍କୁ ଗିରଫ କରିବା ନେଇ ଆଶଙ୍କା କରାଯାଉଛି। ଏହାରି ଭିତରେ କେଜ୍ରିଓ୍ୱାଲ ବିଜେପି ବିରୋଧରେ ଆଣିଛନ୍ତି ବଡ଼ ଅଭିଯୋଗ। ସେ ସାମ୍ବାଦିକ ସମ୍ମିଳନୀ କରି ବିଜେପି ଉପରେ ବର୍ଷିଛନ୍ତି। ବିଜେପି ତାଙ୍କୁ ଗିରଫ କରିବାକୁ ଚାହୁଁଥିବା ନେଇ ସେ ଅଭିଯୋଗ କରିଛନ୍ତି।
କେଜ୍ରିଓ୍ୱାଲ କହିଛନ୍ତି, 'ସିବିଆଇ ମୋତେ ୮ ମାସ ପୂର୍ବେ ଡାକିଥିଲା। ମୁଁ ଯାଇଥିଲି ଓ ତାଙ୍କର ସବୁ ପ୍ରଶ୍ନର ଉତ୍ତର ଦେଇଥିଲି। କିନ୍ତୁ ଏବେ ଲୋକସଭା ନିର୍ବାଚନର ଦୁଇ ମାସ ପୂର୍ବରୁ ମୋତେ ପୁଣି ଥରେ ତଦନ୍ତ ପାଇଁ ଡକାଯାଉଛି। ତେବେ ପଚରାଉଚରା ବାହାନାରେ ବିଜେପି ମୋତେ ଗିରଫ କରିବାକୁ ଚାହୁଁଛି। ଏହାଦ୍ୱାରା ମୁଁ ଆଉ ନିର୍ବାଚନ ପ୍ରଚାର କରିପାରିବି ନାହିଁ। ଯେଉଁମାନେ ବିଜେପି ସହ ସହମତ ନୁହଁନ୍ତି ସେମାନଙ୍କୁ ଏମାନେ ଜେଲକୁ ପଠାନ୍ତି। '
Also Read
ସେ ଆହୁରି କହିଛନ୍ତି, ଗତ ଦୁଇ ବର୍ଷ ବିଜେପିର ସମସ୍ତ ତଦନ୍ତକାରୀ ସଂସ୍ଥା ମଦ ଦୁର୍ନୀତିକୁ ନେଇ ଚଢ଼ାଉ କରୁଛି ଓ ଅନେକ ଗିରଫଦାରୀ ମଧ୍ୟ କରାଯାଇଛି। କିନ୍ତୁ ବର୍ତ୍ତମାନ ସୁଦ୍ଧା ଏଥିରେ ଟଙ୍କା ଟିଏ ବି ହେରଫେର ହୋଇଥିବା କଥା ସାମ୍ନାକୁ ଆସିନାହିଁ। ବିଜେପି ମୋ ନାଁରେ ମିଥ୍ୟା ଅଭିଯୋଗ କରୁଛି। ଏଭଳି ମିଥ୍ୟା ଅଭିଯେଗରେ ପୂର୍ବରୁ ଅନେକ ଆପ୍ ନେତାଙ୍କୁ ଗିରଫ କରି ଜେଲରେ ରଖାଯାଇଛି। ଏବେ ବିଜେପି ମୋତେ ମଧ୍ୟ ଗିରଫ କରି ଲୋକସଭା ନିର୍ବାଚନରେ ପ୍ରଚାରରୁ ଦୂରେଇ ରଖିବାକୁ ଚାହୁଁଛି।
#WATCH | On ED summons in liquor police case, Delhi CM & AAP leader Arvind Kejriwal says, "The truth is that there was no corruption. BJP wants to arrest me. My biggest asset is my honesty & they want to dent it. My lawyers have told me that summons sent to me are illegal. BJP's… pic.twitter.com/jLWmkZ2mxj
— ANI (@ANI) January 4, 2024
ଏହାରି ଭିତରେ ପ୍ରବର୍ତ୍ତନ ନିର୍ଦ୍ଦେଶାଳୟ କେଜ୍ରିଓ୍ୱାଲଙ୍କୁ ଚତୁର୍ଥ ଥର ପାଇଁ ସମନ ପଠାଇବା ଲାଗି ପ୍ରସ୍ତୁତ ହେଉଛି। କେଜ୍ରିଓ୍ୱାଲଙ୍କ ଜବାବର ଇଡି ସମୀକ୍ଷା କରୁଛି। ଏହାପୂର୍ବରୁ ମଦ ଦୁର୍ନୀତି ମାମଲାରେ ଇଡି କେଜ୍ରିଓ୍ୱାଲଙ୍କୁ ତିନି ଥର ସମନ ପଠାଇ ସାରିଛି। କିନ୍ତୁ ସେ ହାଜର ହେବା ପାଇଁ ବାରମ୍ବାର ମନା କରି ଆସୁଛନ୍ତି। ଇଡି ପଚରାଉଚରା ବାହାନାରେ କେଜ୍ରିଓ୍ୱାଲଙ୍କୁ ଗିରଫ କରିବା ପାଇଁ ଷଡ଼ଯନ୍ତ୍ର ରଚାଯାଇଥିବା ତାଙ୍କ ଦଳ ଦାବି କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
