Election Results: କେସିଆର ଓ ଭୂପେଶ ପଛୁଆ, ଆଗରେ ଚାଲିଛନ୍ତି ଶିବରାଜ ଓ ଗେହଲଟ

ପ୍ରାରମ୍ଭିକ ଟ୍ରେଣ୍ଡ ଅନୁଯାୟୀ ରାଜସ୍ଥାନ ଓ ମଧ୍ୟ ପ୍ରଦେଶରେ ବିଜେପି ଆଗରେ ରହିଥିବା ବେଳେ ଛତିଶଗଡ଼ ଓ ତେଲେଙ୍ଗାନାରେ କଂଗ୍ରେସ ଆଗୁଆ ରହିଛି।  

KCR

ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର୍

Jitendra Garnayak
  • Published: Sunday, 03 December 2023
  • Updated: 03 December 2023, 09:33 AM IST

Sports

Latest News

ରାଜସ୍ଥାନ, ମଧ୍ୟ ପ୍ରଦେଶ, ଛତିଶଗଡ଼ ଓ ତେଲେଙ୍ଗାନା ବିଧାନସଭା ପାଇଁ ଅନୁଷ୍ଠିତ ହୋଇଥିବା ନିର୍ବାଚନର ଭୋଟ୍ ଗଣତି ଆଜି ଚାଲିଛି।

ପ୍ରାରମ୍ଭିକ ଟ୍ରେଣ୍ଡ ଅନୁଯାୟୀ ରାଜସ୍ଥାନ ଓ ମଧ୍ୟ ପ୍ରଦେଶରେ ବିଜେପି ଆଗରେ ରହିଥିବା ବେଳେ ଛତିଶଗଡ଼ ଓ ତେଲେଙ୍ଗାନାରେ କଂଗ୍ରେସ ଆଗୁଆ ରହିଛି।  

ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ବୁଧନି ଆସନରେ ଆଗୁଆ ରହିଛନ୍ତି। କଂଗ୍ରେସର କମଲ ନାଥ
ଛିନ୍ଦୱାଡ଼ରେ ଆଗୁଆ ଅଛନ୍ତି। 

ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ସର୍ଦ୍ଦାରପୁର ଆସନରେ ଆଗୁଆ ଅଛନ୍ତି। ସେହିପରି କଂଗ୍ରେସ ବିଧାୟକ ସଚିନ ପାଇଲଟ ଟୋଙ୍କ୍‌ରେ ଆଗୁଆ ଅଛନ୍ତି।

ଅନ୍ୟପକ୍ଷରେ ତେଲେଙ୍ଗାନା ଓ ଛତିଶଗଡ଼ ମୁଖ୍ୟମନ୍ତ୍ରୀ ପ୍ରାରମ୍ଭିକ ଟ୍ରେଣ୍ଡରେ ନିଜ ନିଜ ଆସନରେ ପଛୁଆ ଚାଲିଛନ୍ତି। ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର ଗଜୱେଲ ଆସନରେ ପଛୁଆ ଚାଲିଛନ୍ତି। ସେହିପରି ଛତିଶଗଡ଼ରେ ମୁଖ୍ୟମନ୍ତ୍ରୀ ଭୂପେଶ ବଘେଲ ନିଜ ଆସନରେ ପଛୁଆ ଥିବା ସୂଚନା ଆସିଛି। ଅନ୍ୟପକ୍ଷରେ ଛତିଶଗଡ଼  ଉପମୁଖ୍ୟମନ୍ତ୍ରୀ ଟି.ଏସ୍ ସିଂହଦେଓ ନିଜ ଆସନରେ ଆଗୁଆ ଚାଲିଛନ୍ତି। 

ସକାଳ ୮ଟାରୁ ଭୋଟ୍ ଗଣତି ଆରମ୍ଭ ହୋଇଥିବା ବେଳେ ସକାଳ ସାଢ଼େ ୯ଟା ସୁଦ୍ଧା ଛତିଶଗଡ଼ରେ ୯୦ଟି ଆସନରୁ ୫୫ଟିରେ କଂଗ୍ରେସ ଓ ୩୩ଟିରେ ବିଜେପି ଆଗୁଆ ଅଛନ୍ତି। ତେଲେଙ୍ଗାନାରେ ୧୧୯ଟି ଆସନରୁ କଂଗ୍ରେସ ୬୩, ବିଆରଏସ୍‌ ୩୩ ଓ ବିଜେପି ୧୦ଟି ଆସନରେ ଆଗୁଆ ଅଛନ୍ତି। ରାଜସ୍ଥାନରେ ୧୯୯ଟି ଆସନରୁ ବିଜେପି ୯୯ ଓ କଂଗ୍ରେସ ୮୭ଟି ଆସନରେ ଆଗୁଆ ଅଛନ୍ତି। ମଧ୍ୟ ପ୍ରଦେଶରେ ୧୨୮ଟିରେ ବିଜେପି ଓ ୯୯ଟିରେ କଂଗ୍ରେସ ଆଗରେ ରହିଛନ୍ତି। 
 

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos