OR 
ଏମିତି କେଉଁ ଶକ୍ତି ନାହିଁ ମତେ ଅଟକାଇବ। ମୁଁ ମଲା ପର୍ଯ୍ୟନ୍ତ ରେଢ଼ାଖୋଲ ସହ ରହିଛି, ଆଉ ରହିବି। ମନ୍ତ୍ରୀ ପଦ ଗଲା ପରେ ଆଜି ପ୍ରଥମ ଥର ପାଇଁ ମୁହଁ ଖୋଲି ଏମିତି କହିଛନ୍ତି ପୂର୍ବତନ ମନ୍ତ୍ରୀ ତଥା ରେଢାଖୋଲ ବିଧାୟକ ରୋହିତ ପୂଜାରୀ।
ରେଢ଼ାଖୋଲ କଦଳୀଗଡ଼ରେ ଅର୍ଜୁନ ସ୍ନାତକ ମହାବିଦ୍ୟାଳୟର ଭୂମିପୂଜନ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ରୋହିତ ପୂଜାରୀ। ଆଉ କହିଥିଲେ, ମନ୍ତ୍ରୀପଦ ଗଲା ବୋଲି ମୋର ଦୁଃଖ ନାହିଁ। ମୁଁ କମ୍ ସମୟ ପାଇଁ ରହିଥିଲେ ମଧ୍ୟ ଢେର କିଛି କରିଛି। ବୋଧେ ଆଉ ଟିକେ ଅଧିକ ଚେଷ୍ଟା କରିଥିଲେ ମୁଖ୍ୟମନ୍ତ୍ରୀ ମୋ ଉପରେ ଖୁସି ହୋଇଥାଆନ୍ତେ ବୋଲି କହିଛନ୍ତି ରୋହିତ।
Also Read
ସେହିଛନ୍ତି, ମନ୍ତ୍ରୀ ପଦରେ ଥିବା ସମୟରେ ରେଢାଖୋଲ ପାଇଁ ଯାହା କରିବାକୁ ଚାହୁଁଥିଲି, ତାହା କରିଛି। ମୁଁ ଚେଷ୍ଟା କରିଥିଲି କିସିଣ୍ଡା, ବଡ଼ମାଲ ଓ ପଡ଼ିଆବାହାଲରେ ଗୋଟିଏ ଲେଖାଏଁ +୩ କଲେଜ କରିବା ପାଇଁ। ସେଥିପାଇଁ ବିଶେଷ ଭାବେ ଅନୁରୋଧ ମଧ୍ୟ ଦେଇଥିଲି। ଆଉ କିଛି ଦିନ ମନ୍ତ୍ରୀ ପଦରେ ରହିଥିଲେ ସେହି ୩ଟି ସ୍ଥାନରେ କଲେଜ କରିଦେଇଥାଆନ୍ତି। ସେଇଟା ମୋର ବଡ଼ ଦୁଃଖ। ଆଗକୁ ବିଧାୟକ ଭାବେ ସେଥିପ୍ରତି ଉଦ୍ୟମ କରିବି ବୋଲି ପୂଜାରୀ କହିଛନ୍ତି।
ରୋହିତ ପୂଜାରୀ ଆହୁରି କହିଛନ୍ତି, ଆଜି କିଛି ରାଜନୈତିକ ଦଳ ଭୁଅଁ ବୁଲାଇ ୟୁଏସ୍, କଶ୍ମୀର ଓ ପାକିସ୍ତାନ କଥା କହୁଛନ୍ତି। ହେଲେ ସେମାନେ ରେଢାଖୋଲ ପାଇଁ କ’ଣ କରିଛନ୍ତି? ପିଲାଙ୍କ ପାଇଁ କ’ଣ କରିଛନ୍ତି? ସେ ବିଷୟରେ କିଛି କହୁନାହାନ୍ତି। ମୁଁ ଚାହିଥିଲି ଏଠାରେ ଗୋଟିଏ ଏମ୍ଏସ୍ଏମଇ ପାର୍କ ହେଉ। ହେଲେ କିଛି ଲୋକ ବିରୋଧ କରିଥିଲେ। ସ୍ଥାନୀୟ ଲୋକ ଚାହୁଁନଥିବାରୁ ତାହା ହେଲା ନାହିଁ। ମୋର ବଳ ହେଉଛନ୍ତି ଆପଣମାନେ(ରେଢାଖୋଲବାସୀ)। ମୋତେ ଆପଣମାନେ ଯେତେବଳ ଦେବେ, ସେତେ ସ୍ପଡ୍ରେ ମୁଁ ଦୌଡିବି। ଆପଣ(ରେଢାଖୋଲବାସୀ) ସହଯୋଗ ନରହିଲେ ମୁଁ ହୀରୋରୁ ଜିରୋ ହେବାକୁ ବେଶୀ ସମୟ ଲାଗିବନାହିଁ। ମୁଁ ଆପଣମାନଙ୍କ ସହିତ ରହିଛି ବୋଲି ଶ୍ରୀ ପୂଜାରୀ କହିଛନ୍ତି।
ରିପୋର୍ଟ- ରେଢାଖୋଲରୁ ରମାକାନ୍ତ ମହାନନ୍ଦ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
