ସାମ୍ବିଧାନିକ ସଂସ୍ଥାକୁ କୁଆଡ଼େ ମ୍ୟାନେଜ୍ କରୁଛନ୍ତି ବାବୁ !

ଭୁବନେଶ୍ୱର(ଓଡ଼ିଶା ରିପୋର୍ଟର): ଓଡ଼ିଶାରେ ଥିବା ଏକ ଜାତୀୟ ସଂସ୍ଥାର ରାଜ୍ୟ ଅଫିସକୁ କୁଆଡ଼େ ଜଣେ ପୂର୍ବତନ ପ୍ରଶାସକ ମ୍ୟାନେଜ୍ କରୁଛନ୍ତି ବୋଲି ଚର୍ଚ୍ଚା। ଶୁଣିବାକୁ ମିଳୁଛି, କେନ୍ଦ୍ରରେ ବିଜେପି କ୍ଷମତାସୀନ ଥାଇ ମଧ୍ୟ ଏହି ଜାତୀୟ ସଂସ୍ଥାର ରାଜ୍ୟ କାର୍ଯ୍ୟାଳୟ କୁଆଡ଼େ ବିଜେପି ପକ୍ଷରୁ ଉପସ୍ଥାପନ କରାଯାଉଥିବା ଦୁର୍ନୀତି ଓ ଲୋକଙ୍କ ଅଭିଯୋଗକୁ ଶୁଣିବାକୁ ତତ୍ପରତା ଦେଖାଉନାହିଁ।

ଚର୍ଚ୍ଚା ହେଉଛି, ଜଣେ ପୂର୍ବତନ ପ୍ରଶାସକ କୁଆଡ଼େ ନିଜର ପ୍ରଭାବ ବିସ୍ତାର କରି ଓଡ଼ିଶାରେ ଥିବା ଏହି ସାମ୍ବିଧାନିକ ସଂସ୍ଥାର ରାଜ୍ୟ କାର୍ଯ୍ୟାଳୟକୁ ଦୁର୍ବଳ କରିବାରେ ଲାଗିଛନ୍ତି। ରାଜ୍ୟ ସରକାରଙ୍କ ବିଭିନ୍ନ ଅନିୟମିତତା ସମ୍ପର୍କରେ ବି ଏହି ସଂସ୍ଥାରେ ଅଭିଯୋଗ କଲେ କୌଣସି ସୁଫଳ ମିଳୁନି। ଏପରିକି କେନ୍ଦ୍ରରେ ବିଜେପି କ୍ଷମତାରେ ଥିଲେ ମଧ୍ୟ ସମ୍ପୃକ୍ତ ଦଳ ପକ୍ଷରୁ ରାଜକୋଷକୁ ଖୋଳ କରିବା ପାଇଁ ରାଜ୍ୟ ସରକାର ନେଇଥିବା ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ଖୋଳତାଡ଼ ପାଇଁ ଅଭିଯୋଗ ଦେଲାପରେ ବି ସାମାନ୍ୟତମ ପଦକ୍ଷେପ ନିଆଯାଇପାରୁନି।

ରାଜ୍ୟର କ୍ଷମତାସୀନ ସରକାରରେ ଥିବା କିଛି ସଚିବ କୁଆଡ଼େ ଏବେ ର୍ଦୁନୀତିକୁ ନୀତି କରି ରାଜକୋଷ ପାଣ୍ଠିକୁ ମନଇଚ୍ଛା ଖର୍ଚ୍ଚ କରିବାରେ ଲାଗିଛନ୍ତି । ଏଥିପାଇଁ ଆବଶ୍ୟକ ନିୟମକାନୁନକୁ ବି ସେମାନେ ପାଳନ କରୁନାହାନ୍ତି। ଏସବୁ ଯୋଗୁ ଟିକସଦାତାଙ୍କ କୋଟି କୋଟି ଟଙ୍କା ସେମାନଙ୍କ ତହବିଲକୁ ଯାଉଥିବାର ଆଶଙ୍କା ସୃଷ୍ଟି ହେଉଛି। ଯେଉଁ ଢଙ୍ଗରେ ସେମାନେ ଏଭଳି କୋଟି କୋଟି ଟଙ୍କା ଲୁଟ୍ କରୁଛନ୍ତି ତା’ର ଖୋଳତାଡ଼ କରିବା ପାଇଁ ସମ୍ପୃକ୍ତ ସାମ୍ବିଧାନିକ ସଂସ୍ଥାର ରାଜ୍ୟ କାର୍ଯ୍ୟାଳୟରେ ଆପତ୍ତି କରାଗଲେ କୌଣସି ସୁଫଳ ମିଳିପାରୁନି।

ଚର୍ଚ୍ଚା ହେଉଛି ଶାସକ ବିଜେଡିରେ ସାମିଲ ହୋଇଥିବା ଜଣେ ପୂର୍ବତନ ପ୍ରଶାସକ କୁଆଡ଼େ ନିୟମିତ ଭାବେ ଏହି ସଂସ୍ଥାର ରାଜ୍ୟ କାର୍ଯ୍ୟାଳୟ ସହ ଯୋଗସୂତ୍ରରେ ରହୁଛନ୍ତି। ଆଉ ନିଜର ପାରିବାପଣିଆ ଦେଖାଇବା ପାଇଁ କୁଆଡ଼େ ସମ୍ପୃକ୍ତ ଅଫିସକୁ ମ୍ୟାନେଜ କରୁଛନ୍ତି ବୋଲି ବାହାସ୍ଫୋଟ ମାରୁଛନ୍ତି। ଏହି ଆଳରେ ସିଏ କୁଆଡ଼େ ମୋଟା ଅଙ୍କର ଅର୍ଥ ହରିଲୁଟ୍ କରିବାରେ ଲାଗିଛନ୍ତି।

ସାମ୍ବିଧାନିକ ସଂସ୍ଥାକୁ ଦୁର୍ବଳ କରିବାର ଏହି ପ୍ରଶାସକଙ୍କ କାର୍ଯ୍ୟ ଓ ସମ୍ପୃକ୍ତ ସଂସ୍ଥାର ପଦାଧିକାରୀଙ୍କ ସନ୍ଦେହଜନକ ଭୂମିକା ଯୋଗୁ ରାଜ୍ୟର ସାଧାରଣ ଲୋକ ସରକାରୀ ପାଣ୍ଠିର ବାଟମାରଣା ହେଉଥିବା ଜାଣି ବି ଚୁପ୍ ରହିବାକୁ ବାଧ୍ୟ ହେଉଛନ୍ତି। ନିଜର କିଛି ଆଳୁଦୋଷ ପାଇଁ ଖୁବକମ୍ ଦିନ ମଧ୍ୟରେ ବିବାଦୀୟ ହୋଇପଡ଼ିଥିବା ଏହି ପୂର୍ବତନ ପ୍ରଶାସକଙ୍କୁ ଅବଶ୍ୟ ତୃତୀୟ ମହଲାରୁ ‘ଚେକ୍ ଆଣ୍ଡ ବାଲାନ୍ସ’ ମିଳିଛି।

ତଥାପି ସେ ଏହି ସାମ୍ବିଧାନିକ ସଂସ୍ଥାକୁ ମ୍ୟାନେଜ କରି ସରକାରକୁ ସମାଲୋଚନାରୁ ସୁରକ୍ଷିତ ରଖୁଛନ୍ତି ବୋଲି ସଫେଇ ଦେଉଥିବାରୁ ତାଙ୍କ ଉପରେ ତୃତୀୟ ମହଲା କଠୋର ହୋଇପାରୁନି। ଯେଉଁଥିପାଇଁ ସିଏ କୁଆଡ଼େ ଧୀରେଧୀରେ ଆଉ ଏକ ପାୱାରସେଣ୍ଟର ଭାବେ ଉଭା ହେବାରେ ଲାଗିଛନ୍ତି। ଆଉ ଦଳ ଭିତରେ ତାଙ୍କର ସମର୍ଥକମାନଙ୍କୁ ସିଏ କୁଆଡ଼େ ଏବେ ନିଜ ପାଖରେ ଅବସ୍ଥାପିତ କରୁଛନ୍ତି ବୋଲି ଚର୍ଚ୍ଚା।

ଆହୁରି ପଢ଼ନ୍ତୁ

ନୂଆ ଛାତ୍ରଛାତ୍ରୀ ଭିସା ନିଷ୍ପତ୍ତିକୁ ବିରୋଧ, କାଠଗଡ଼ାରେ ଟ୍ରମ୍ପ ସରକାର

ସ୍ୱର୍ଗଦ୍ୱାରରେ କଟକଣାକୁ ନେଇ ତେଜୁଛି ଅସନ୍ତୋଷ: ଜିଲ୍ଲାପାଳଙ୍କୁ ଘେରିଲେ ବିଜେପି ଓ କଂଗ୍ରେସ

ଓଡ଼ିଶାରେ ପହଞ୍ଚିଲା ୨୦ ହଜାର ରାପିଡ୍‌ ଆଣ୍ଟିଜେନ୍‌ ଟେଷ୍ଟ କିଟ୍‌, କେଉଁଠିକି କେତେ ଗଲା ପଢ଼ନ୍ତୁ

ଶିଶୁ ଭବନରେ ଆଉ ଜଣେ ଶିଶୁକୁ ‘କରୋନା’

ଓଡ଼ିଆ ଆଇପିଏସ ଅଫିସର ବସନ୍ତ ରଥ ନିଲମ୍ୱିତ

ଗଞ୍ଜାମ-ନୟାଗଡ଼ ସୀମା ସିଲ୍‌, ଜଗିଛନ୍ତି ଫୋର୍ସ

ସିବିଏସଇ ସିଲାବସ୍‌ରୁ ସଂଘୀୟ ବ୍ୟବସ୍ଥା, ଧର୍ମନିରପେକ୍ଷତା ଓ ଗଣତାନ୍ତ୍ରିକ ଅଧିକାର ବାଦ୍‌

ଗାନ୍ଧି ପରିବାର ନାଁରେ ଥିବା ୩ ଟ୍ରଷ୍ଟର ତଦନ୍ତ କରିବେ ସରକାର

ବୃଦ୍ଧ ପାଲଟିଲେ ସୁପର ସ୍ପ୍ରେଡର; ୯୫ ଜଣଙ୍କୁ ସଂକ୍ରମିତ କରି ସାରିଲେଣି

ଏ ଲକଡାଉନ ଦେହ ବିକିବାକୁ ବାଧ୍ୟ କରିଛି…. ଦିନକୁ ମିଳୁଛି ୧୫୦ରୁ ୨୦୦ ଟଙ୍କା

ଦେଶରେ ବେକାବୁ କରୋନା, ଦିନକରେ ପ୍ରାୟ ୨୩ ହଜାର ପଜିଟିଭ, ୪୮୨ ମୃତ

ସାଧାରଣ ରୋଗୀଙ୍କୁ ବ୍ରହ୍ମପୁର ବଡ଼ ମେଡିକାଲ ମନା