ସରିଲା ଉତ୍ତରକାଶୀ ସୁଡଙ୍ଗରୁ ଉଦ୍ଧାର କାର୍ଯ୍ୟ, ଆରମ୍ଭ ହେଲା ରାଜନୈତିକ ବୟାନବାଜି। ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଏକ ଭିଡିଓରେ ରାହୁଲ ଓ ପ୍ରିୟଙ୍କା ଗାନ୍ଧୀଙ୍କୁ ଏକ ରାଜନୈତିକ ଗୀତରେ ନାଚୁଥିବାର ଦୃଶ୍ୟକୁ ନେଇ କଂଗ୍ରେସକୁ ସମାଲୋଚନା କରିଛନ୍ତି। ଉତ୍ତରାଖଣ୍ଡର ସୁଡଙ୍ଗ ଭୁଶୁଡ଼ି ପଡ଼ିଥିବା ବେଳେ ଫସି ରହିଥିବା ୪୧ ଜଣ ଶ୍ରମିକଙ୍କୁ ଉଦ୍ଧାର କାର୍ଯ୍ୟ ଚାଲିଥିବା ବେଳେ ଏହି ଭିଡିଓ ସାମ୍ନାକୁ ଆସିଛି।
ହିମନ୍ତ ଶର୍ମା ତାଙ୍କ ଅଫିସିଆଲ ଟ୍ୱିଟର ହ୍ୟାଣ୍ଡେଲରେ କହିଛନ୍ତି, "ଗତକାଲି ଫସି ରହିଥିବା ୪୧ ଶ୍ରମିକଙ୍କ ପାଇଁ ଏକ ଉତ୍କଣ୍ଠାର ସହ ଦେଶ ପ୍ରାର୍ଥନା କରୁଥିଲା। ଏହି ସମୟରେ ଗାନ୍ଧୀ ପରିବାର ନାଚ ଗୀତରେ ମସଗୁଲ ଥିଲା ବୋଲି ସେ ଅଭିଯୋଗ ଆଣିଛନ୍ତି।
Also Read
ଆସାମ ମୁଖ୍ୟମନ୍ତ୍ରୀ ଆହୁରି କହିଛନ୍ତି, "୨୬/୧୧ ଘଟଣା ହେଉ କିମ୍ବା ଅନ୍ୟ କୌଣସି ଗୁରୁତ୍ୱପୂର୍ଣ୍ଣ ଘଟଣା, ଏହା ପରିବାର ପାଇଁ ସର୍ବଦା ମନୋରଞ୍ଜନର ବିଷୟ ହୋଇଥାଏ।
ସୋଶାଲ ମିଡିଆରେ ଭାଇରାଲ ହୋଇଥିବା ଏହି ଭିଡିଓକୁ ନେଇ ଶର୍ମାଙ୍କ ସମେତ ଅନେକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ସମାଲୋଚକମାନେ ଗାନ୍ଧୀ ଭାଇଭଉଣୀଙ୍କୁ ଉତ୍ତରାଖଣ୍ଡରେ ଘଟୁଥିବା ପ୍ରତି ସମ୍ବେଦନହୀନ ଏବଂ ଅସମ୍ମାନିତ ବୋଲି ଅଭିଯୋଗ କରିଛନ୍ତି।
ସୁଡଙ୍ଗ ଭୁଶୁଡ଼ିବା ଖବର ଆସିବା ପୂର୍ବରୁ ଏହି ଭିଡ଼ିଓ ନିଆଯାଇଥିବା ଦର୍ଶାଇ କଂଗ୍ରେସ ଦଳ ନିଜ ନେତାଙ୍କ ସପକ୍ଷରେ ଯୁକ୍ତି ବାଢିଛି। ତେବେ ଭିଡିଓ ରିଲିଜ୍ ହେବାର ସମୟକୁ ଅନୁଚିତ୍ ବୋଲି ଯୁକ୍ତି କରି ଅନେକ ଅବୁଝା ହୋଇ ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
