ସମାଜବାଦୀ ପାର୍ଟିର ରାଜ୍ୟସଭା ସାଂସଦ ଜୟା ବଚ୍ଚନ ସଂସଦ ଧକ୍କା କାଣ୍ଡକୁ ନେଇ ବିଜେପି ସାଂସଦ ପ୍ରତାପ ଷଡ଼ଙ୍ଗୀଙ୍କୁ ଟାର୍ଗେଟ କରିଛନ୍ତି। ପ୍ରତାପ ଷଡ଼ଙ୍ଗୀଙ୍କ ସହ ମୁକେଶ ରାଜପୁତ ମଧ୍ୟ ଗତକାଲି ସଂସଦରେ ହୋଇଥିବା ଦଙ୍ଗାରେ ଆହତ ହୋଇଥିବା ଅଭିଯୋଗ ହୋଇଛି। ଉଭୟଙ୍କୁ ଲୋକସଭାର ବିରୋଧୀ ଦଳ ନେତା ରାହୁଲ ଗାନ୍ଧି ଧକ୍କା ମାରି ଆହତ କରିଥିବା ବିଜେପି ଅଭିଯୋଗ କରିଛି।
ଏପରି କି ପ୍ରତାପ ଷଡ଼ଙ୍ଗୀଙ୍କ ମୁଣ୍ଡ ଫାଟି ଯାଇଥିବା ମଧ୍ୟ କୁହାଯାଉଛି। ହେଲେ ଏସବୁ କେବଳ ଅଭିନୟ ବୋଲି ଜୟା ବଚ୍ଚନ କହିଛନ୍ତି। ଏଥିସହ କ୍ୟାମେରା ଆଗରେ ପ୍ରତାପ ଷଡ଼ଙ୍ଗୀ ଓ ମୁକେଶ ରାଜପୁତ ଯେଉଁଭଳି ଭାବେ ଆହତର ଅଭିନୟ କରିଛନ୍ତି, ସେମାନଙ୍କୁ ଅସ୍କାର ଠାରୁ ଆରମ୍ଭ କରି ସବୁ ପ୍ରକାରର ପୁରସ୍କାର ମିଳିବା ଦରକାର ବୋଲି ସେ କହିଛନ୍ତି।
ବିଜେପି ଆଣିଥିବା ଅଭିଯୋଗ ଉପରେ ଜୟା ବଚ୍ଚନ କହିଛନ୍ତି, “ଷଡ଼ଙ୍ଗୀଜୀ କେବଳ ଡ୍ରାମା କରୁଛନ୍ତି। ସେ ତାଙ୍କ ଜୀବନରେ ଓଡ଼ିଶାରେ କ’ଣ କ’ଣ ସବୁ କରିଥିଲେ? ସେକଥା ସମସ୍ତଙ୍କୁ ଜଣା। ଆମେ ଗୃହକୁ ଯାଉଥିଲୁ। କିନ୍ତୁ ସେମାନେ ଆମ ବାଟ ପାହାଚ ପାଖରେ ଅଟକାଇଥିଲେ।
Also Read
ଏପରି ସ୍ଥିତିରେ କାହା ଦେହରେ କିଛି ଧକ୍କା ଲାଗିବା ସ୍ୱାଭାବିକ ଘଟଣା। ଷଡ଼ଙ୍ଗୀ ଜୀ ଓ ରାଜପୁତ ଜୀ ଓ ନାଗାଲ୍ୟାଣ୍ଡର ମହିଳା ସାଂସଦ ଜଣଙ୍କ ଚମତ୍କାର ଅଭିନୟ କରିଛନ୍ତି। ମୁଁ ମୋ କ୍ୟାରିୟରରେ ଯେତିକି ଅଭିନୟ କରି ନାହିଁ, ସେମାନେ ତା’ ଠାରୁ ଭଲ କରିଛନ୍ତି। ସେମାନେ ନିଜର ଅଭିନୟ ପାଇଁ ଅସ୍କାର ଠାରୁ ଆରମ୍ଭ କରି ସବୁ ପ୍ରକାରର ପୁରସ୍କାର ପାଇବାକୁ ଯୋଗ୍ୟ।”
Delhi: SP MP Jaya Bachchan says, "Sarangi Ji is acting... It's all useless. We were all going inside the House, and the way they were standing; not allowing us to enter... Both Rajput Ji, Sarangi Ji, and the woman from Nagaland have given better performances than I ever have in… pic.twitter.com/7BbtZ2tZGZ
— IANS (@ians_india) December 20, 2024
ଅଭିଯୋଗ ଅନୁଯାୟୀ, ରାହୁଲ ଗାନ୍ଧି ଧକ୍କା ମାରିବାରୁ ପ୍ରତାପ ଓ ମୁକେଶ ଆହତ ହୋଇଛନ୍ତି। ସେହିପରି ରାହୁଲ ଗାନ୍ଧି ନାଗାଲ୍ୟାଣ୍ଡ ସାଂସଦ ଫାନୋନ କୋନୟାକଙ୍କୁ ଦୁର୍ବ୍ୟବହାର କରିଥିବା ମଧ୍ୟ କୁହାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
