ଆଗାମୀ ସାଧାରଣ ନିର୍ବାଚନରେ ବିଜେପି କେଉଁ ଆଧାରରେ ନିଜର ପ୍ରାର୍ଥୀ ଚୟନ କରିବ ତା’ର ସୂଚନା ମିଳିଛି । ଦଳ ଓ ସମାଜ ପ୍ରତି ସମର୍ପିତ, ଜିତିବାର ସମ୍ଭାବନା ଓ ବିଶେଷ କିଛି ଅଭିଯୋଗ ନଥିବା ବ୍ୟକ୍ତିଙ୍କୁ ହିଁ ବିଜେପି ଆଗାମୀ ନିର୍ବାଚନରେ ଦଳୀୟ ଟିକେଟ୍ ଦେବ । ବିରୋଧୀ ଦଳ ନେତା ତଥା ବରିଷ୍ଠ ବିଜେପି ନେତା ଜୟନାରାୟଣ ମିଶ୍ର ଏହି ସୂଚନା ଦେଇଛନ୍ତି।ଏହାସହିତ ଆଗାମୀ ସାଧାରଣ ନିର୍ବାଚନରେ ବିଜେପି ଓଡ଼ିଶାରେ ୨୧ରୁ ୨୧ ଲୋକସଭା ସିଟ୍ ଓ ସଂଖ୍ୟାଗରିଷ୍ଠତା ସହ ରାଜ୍ୟରେ ସରକାର ଗଢ଼ିବାକୁ ଲକ୍ଷ୍ୟ ରଖିଛି ବୋଲି ସେ କହିଛନ୍ତି।
ଗଣମାଧ୍ୟମକୁ ପ୍ରତିକ୍ରିୟା ଦେଇ ଶ୍ରୀ ମିଶ୍ର କହିଛନ୍ତି ଯେ, ଆସନ୍ତା ଜାନୁୟାରୀ ମାସରୁ ସଂଘର୍ଷ ଜୋରଦାର ହେବ । ରାଜ୍ୟରେ ସଂଘର୍ଷକୁ ଶାଣିତ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ପଷ୍ଟ ସନ୍ଦେଶ ଦେଇଛନ୍ତି । ସଂଗଠନକୁ ସୁଦୃଢ଼ ଓ ସଂଘର୍ଷକୁ ଶାଣିତ କରି ମୈଦାନ ପ୍ରସ୍ତୁତ କରିବାକୁ ବିଧାୟକ ଦଳ ବୈଠକରେ ପ୍ରଧାନମନ୍ତ୍ରୀ ମୋଦି ନିର୍ଦ୍ଦେଶ ଦେଇଛନ୍ତି । ଜାନୁୟାରୀ ବେଳକୁ ସବୁ ସାଂଗଠନିକ କାର୍ଯ୍ୟ ଶେଷ କରି ମୈଦାନକୁ ଓହ୍ଲାଇବୁ।
Also Read
ବର୍ଷା ହେବାକ୍ଷଣି ବିହନ ଗଜା ହେବ ଆଉ ମୋଦି ନିଜେ ଜାନୁୟାରୀରେ ଓଡ଼ିଶା ଆସିବେ । ମୈଦାନକୁ ଦେଖି ସାର ପକାଇ ଆମେ ପ୍ରସ୍ତୁତ କରିଥିବା ବିଲକୁ ଅଧିକ ଉର୍ବର କରିବେ ବୋଲି ଶ୍ରୀ ମିଶ୍ର କହିଛନ୍ତି ।
ରତ୍ନଭଣ୍ଡାର ଖୋଲିବା ଦାବି, ଶ୍ରୀମନ୍ଦିର ଭିତରେ ଗୋମାଂସ ଭକ୍ଷଣକାରୀଙ୍କୁ ପୁରାଇ ପ୍ରଚାର କରାଇବା, ନିର୍ବାଚନ ପାଇଁ ବିଜେଡି ନେତାଙ୍କ ଦ୍ୱାରା ମଦବେପାରୀ ଘରେ ଟଙ୍କା ରଖାଯିବା ଆଦି ପ୍ରସଙ୍ଗ ସହ ନାରୀ ନିର୍ଯାତନା, ଶିଶୁ ଚୋରି, ଖଣି ଲୁଟ୍ ଓ ଓଡ଼ିଶା ପଛୁଆ ଭଳି ପ୍ରସଙ୍ଗକୁ ଧରି ବିଜେପି ରାଜ୍ୟ ସରକାରଙ୍କ ବିରୁଦ୍ଧରେ ଲଢ଼େଇକୁ ଜୋରଦାର କରିବ ବୋଲି ଶ୍ରୀ ମିଶ୍ର କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
