ରାହୁଲ ଗାନ୍ଧିଙ୍କ ଜାତି ଏବଂ ସମ୍ପ୍ରଦାୟକୁ ନେଇ ଏକ ବିବାଦୀୟ ପ୍ରଶ୍ନ କରିଛନ୍ତି କର୍ଣ୍ଣାଟକ ବିଜେପି ବିଧାୟକ ବସନଗୌଡା ପାଟିଲ ୟତନାଲ। ସେ ଏକ କାର୍ଯ୍ୟକ୍ରମରେ କଂଗ୍ରେସ ସାଂସଦ ତଥା ବିରୋଧୀ ଦଳ ନେତା ରାହୁଲ ଗାନ୍ଧି ଜଣେ ମୁସଲମାନ ନା ଖ୍ରୀଷ୍ଟିଆନ ବୋଲି ପ୍ରଶ୍ନ କରିଛନ୍ତି।
ରାହୁଲ ଗାନ୍ଧିଙ୍କ ପ୍ରକୃତ ବଂଶ ଜାଣିବା ପାଇଁ ତଦନ୍ତ କରିବାକୁ ଆହ୍ୱାନ କରି ସେ କହିଛନ୍ତି, "ରାହୁଲ ଗାନ୍ଧି ଆମେରିକା ଯାଇ ରାଷ୍ଟ୍ର ବିରୋଧୀ ବିବୃତ୍ତି ଦେଇଛନ୍ତି। ସେ ଜାତିଗତ ଜନଗଣନା କରିବାକୁ ଚାହୁଁଛନ୍ତି, କିନ୍ତୁ ସେ କେଉଁ ଜାତିରେ ଜନ୍ମ ହୋଇଛନ୍ତି ତାହା ମଧ୍ୟ ଜାଣନ୍ତି ନାହିଁ। ସେ ମୁସଲମାନ ନା ଖ୍ରୀଷ୍ଟିଆନଙ୍କ ଦ୍ୱାରା ଜନ୍ମ ହୋଇଛନ୍ତି, ସେ ଜାଣି ନାହାଁନ୍ତି। ଏହାର ତଦନ୍ତ କରାଯିବା ଉଚିତ୍।"
Also Read
ସେ ଆହୁରି କହିଛନ୍ତି, "ଯଦି ସେ ନିଜକୁ ବ୍ରାହ୍ମଣ ବୋଲି ଦାବି କରୁଛନ୍ତି, ତେବେ ସେ କେଉଁ ବ୍ରାହ୍ମଣରୁ ଆସନ୍ତି? କଣ ସେ ଏପରି ଜଣେ ବ୍ରାହ୍ମଣ, ଯିଏ ପଇତା ପିନ୍ଧନ୍ତି ନାହିଁ? କେଉଁ ପ୍ରକାରର ବ୍ରାହ୍ମଣ ସେ? ରାହୁଲ ଗାନ୍ଧି 'ଦେଶ ପିସ୍ତଲ' ପରି, ତାଙ୍କ ଦ୍ୱାରା କୌଣସି ଉନ୍ନତି ହେବ ନାହିଁ।"
ପ୍ରକାଶ ଥାଉକି, ଦୀର୍ଘଦିନ ହେବ ରାହୁଲ ଗାନ୍ଧି ଜାତିଗତ ଜନଗଣନା ପାଇଁ ଦାବି କରି ଆସୁଛନ୍ତି। ଲୋକସଭା ନିର୍ବାଚନ ସମୟରେ ଏହା ତାଙ୍କର ମୁଖ୍ୟ ମୁଦ୍ଦା ଥିଲା। ନିର୍ବାଚନ ଘୋଷଣା ପତ୍ରରେ ସେ କହିଥିଲେ ଯେ, କଂଗ୍ରେସ କ୍ଷମତାକୁ ଆସିଲେ ନିଶ୍ଚିତ ରୂପେ ସାମାଜିକ-ଅର୍ଥନୈତିକ ଜାତିଗତ ଜନଗଣନା କରାଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
