ଦେଶର ସାଧାରଣ ନିର୍ବାଚନ ସହ ଆନ୍ଧ୍ର ପ୍ରଦେଶରେ ବିଧାନସଭା ନିର୍ବାଚନ ମଧ୍ୟ ଅନୁଷ୍ଠିତ ହେବ। ଏହାପୂର୍ବରୁ ଚନ୍ଦ୍ରବାବୁ ନାଇଡୁଙ୍କ ତେଲୁଗୁ ଦେଶମ ପାର୍ଟି ବା ଟିଡିପି ଓ ପବନ କଲ୍ୟାଣଙ୍କ ଜନ ଜେନା ପାର୍ଟି ମଧ୍ୟରେ ସିଟ୍ ଶେୟାରିଂ ଫର୍ମୁଲା ଫାଇନାଲ ହୋଇଛି। ଦୁଇ ଦଳ ପ୍ରଥମ ଦଫାରେ ୧୧୮ ଜଣ ପ୍ରାର୍ଥୀଙ୍କ ନାଁ ମଧ୍ୟ ଘୋଷଣା କରିଛନ୍ତି।
ଦୁଇ ଦଳ ମଧ୍ୟରେ ହୋଇଥିବା ଡିଲ୍ ଅନୁସାରେ ଟିଡିପି ୧୫୧ଟି ଆସନ ଓ ପବନ କଲ୍ୟାଣଙ୍କ ଦଳ ବାକି ୨୪ଟି ଆସନରେ ପ୍ରାର୍ଥୀ ଦେବ। ଉଭୟ ମିଳିତ ଭାବେ କ୍ଷମତାରେ ଥିବା ଜଗନ ମୋହନ ରେଡ୍ଡୀ ସରକାରଙ୍କୁ ଗାଦିଚ୍ୟୁତ କରିବାକୁ ଲକ୍ଷ୍ୟ ରଖିଛନ୍ତି। ୨୦୧୯ରେ ଟିଡିପିକୁ ହରାଇ ଜଗନ କ୍ଷମତା ଦଖଲ କରିଥିଲେ। ୨୦୨୪ରେ ଟିଡିପି ଏହାର ବଦଲା ନେବାକୁ ଲକ୍ଷ୍ୟ ରଖିଛି।
Also Read
ଘୋଷଣା ଅନୁସାରେ, ଚନ୍ଦ୍ରବାବୁ ନାଇଡୁଙ୍କ ପୁଅ ନାଗା ଲୋକେଶ ମଙ୍ଗଲାଗିରି ଓ ଟିଡିପି ସୁପ୍ରିମୋ ଚନ୍ଦ୍ରବାବୁ କୁପ୍ପାମ ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିବେ। ଯଦି ବିଜେପି ଏମାନଙ୍କ ସହ ମେଣ୍ଟ କରେ, ତା’ହେଲେ ସେହି ଅନୁସାରେ ସିଟ୍ ଶେୟାରିଂ ଫର୍ମୁଲାରେ ବୁଝାମଣା କରାଯିବ।
ଚନ୍ଦ୍ରବାବୁ ନାଇଡୁ କହିଛନ୍ତି, “ଏହି ମେଣ୍ଟ ରାଜ୍ୟର ଭବିଷ୍ୟତ। ଗୋଟିଏ ବଡ଼ କାମ ଦିଗରେ ଏହା ପ୍ରଥମ ଉଦ୍ୟମ।” ଟିଡିପି ସୂତ୍ରରୁ ମିଳିଥିବା ସୂଚନା ଅନୁସାରେ, ଏବେ ଦଳ ବିଜେପି ସହ ମେଣ୍ଟ କରିବାକୁ ଗୁପ୍ତ ଭାବେ ଆଲୋଚନା କରିଛି।
ଆଜି ମେଣ୍ଟ ପକ୍ଷରୁ ୧୧୮ଟି ଆସନ ପାଇଁ ପ୍ରାର୍ଥୀଙ୍କ ପାଇଁ ନାଁ ଘୋଷଣା କରାଯାଇଛି। ଟିଡିପି ୯୪ଟି ଆସନରେ ପ୍ରାର୍ଥୀ ଦେଇଛି। ଏମାନଙ୍କ ମଧ୍ୟରେ ୨୩ ଜଣ ନୂଆ ମୁହଁ ରହିଛନ୍ତି। ବାକି ୨୪ଟି ଆସନରେ ଜନ ସେନା ପାର୍ଟି ପ୍ରାର୍ଥୀ ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
