ନିଟ୍ ପରୀକ୍ଷାରେ ବ୍ୟାପକ ଅନିୟମିତତା ଅଭିଯୋଗ ପୂରା ଦେଶରେ ଝଡ଼ ସୃଷ୍ଟି କରିଛି। ବିରୋଧୀ ଏହାକୁ ପ୍ରସଙ୍ଗ କରି କେନ୍ଦ୍ର ଶିକ୍ଷା ମନ୍ତ୍ରୀଙ୍କ ଇସ୍ତଫା ଦାବି କରୁଛନ୍ତି। ଏହାରି ଭିତରେ ଆଜି ଶିକ୍ଷାମନ୍ତ୍ରୀ ଧର୍ମେନ୍ଦ୍ର ଲୋକସଭାରେ ସାଂସଦ ଭାବେ ଶପଥ ଗ୍ରହଣ କରିଛନ୍ତି।
ସେ ଶପଥ ପାଇଁ ପୋଡିୟମ ପାଖକୁ ଯାଉଥିବା ବେଳେ ବିରୋଧୀ ନିଟ ଓ ଲଜ୍ଜା ନାରା ଦେଇଥିଲେ। ବିରୋଧୀ ବେଞ୍ଚରୁ ଏପରି ନାରା ଦିଆଯାଉଥିବା ବେଳେ ଧର୍ମେନ୍ଦ୍ର ଏହାକୁ କର୍ଣ୍ଣପାତ କରି ନଥିଲେ।
Also Read
ତେବେ ସେ ପୋଡିୟମରେ ପହଞ୍ଚିବା ଯାଏ ନିଟ ନିଟ ଓ ଲଜ୍ଜା ଲଜ୍ଜା ନାରା ଶୁଣିବାକୁ ମିଳିଥିଲା। ଏହି ନାରା ଭିତରେ ଧର୍ମେନ୍ଦ୍ର ପ୍ରଧାନ ପୋଡିୟମ ପାଖକୁ ଯାଇଥିଲେ ଓ ପ୍ରୋଟେମ ସ୍ପିକର ଭର୍ତ୍ତୃହରି ମହତାବ ତାଙ୍କୁ ଶପଥ ପାଠ କରାଇଥିଲେ। ଶ୍ରୀ ପ୍ରଧାନ ଓଡ଼ିଶାର ସମ୍ବଲପୁରରୁ ଜିତି ଲୋକସଭାକୁ ଯାଇଛନ୍ତି। ତେଣୁ ସେ ଆଜି ଓଡ଼ିଆରେ ଶପଥ ପାଠ କରିଛନ୍ତି।
ନିଟ ୟୁଜି ପରୀକ୍ଷାରେ ପ୍ରଶ୍ନପତ୍ର ଲିକ ହୋଇଥିବା ଅଭିଯୋଗର ତଦନ୍ତ ଚାଲିଥିବା ବେଳେ ଦେଶର ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ ମଧ୍ୟ କରାଯାଉଛି। କେନ୍ଦ୍ର ସରକାର ଘଟଣାର ସିବିଆଇ ତଦନ୍ତ ନିର୍ଦ୍ଦେଶ ମଧ୍ୟ ଦେଇଛନ୍ତି।
ତେବେ ବିରୋଧୀ ପ୍ରଶ୍ନପତ୍ର ଲିକକୁ ପ୍ରମୁଖ ପ୍ରସଙ୍ଗ କରିଛନ୍ତି। ବର୍ତ୍ତମାନ ଦେଶରେ ଶିକ୍ଷା ଏମର୍ଜେନ୍ସି ସୃଷ୍ଟି ହୋଇଛି ଓ ଶ୍ରୀ ପ୍ରଧାନ ଇସ୍ତଫା ଦିଅନ୍ତୁ ବୋଲି ଦାବି କରିଛନ୍ତି।
शिक्षा मंत्री संसद में शपथ लेने पहुंचे, NEET-NEET के लगे नारे।
— Dr. Niranjan Biswal (@DrNiranjanInc) June 24, 2024
INDIA गठबंधन ने सदन में उठाई छात्रों की आवाज। pic.twitter.com/mVRVoUgAeW
ଧର୍ମେନ୍ଦ୍ର ପ୍ରଧାନ ଆଜି ଶପଥ ନେଉଥିବା ବେଳେ କଂଗ୍ରେସର ଛାତ୍ର ସଂଗଠନ ଏନଏସ୍ୟୁଆଇ ଯନ୍ତରମନ୍ତରରେ ଆନ୍ଦୋଳନ ଜାରି ରଖିଛି। ବିକ୍ଷୋଭକାରୀ ସଂସଦ ଆଡ଼କୁ ଯିବାକୁ ଚାହୁଁଥିଲେ ହେଁ ପୁଲିସ୍ ଏଥିପାଇଁ ଅନୁମତି ଦେଇନାହିଁ।
सेवा परमो धर्म: ॥
— Dharmendra Pradhan (@dpradhanbjp) June 24, 2024
୧୮ତମ ଲୋକସଭାର ସାଂସଦ ସଦସ୍ୟ ଭାବରେ ଶପଥ ଗ୍ରହଣ କରି ଗୌରବ ଅନୁଭବ କରୁଛି । ଲୋକଙ୍କ ଆକାଂକ୍ଷାକୁ ପୂରଣ କରିବା ସହ ନିଜ ସାମର୍ଥ୍ୟ ଅନୁଯାୟୀ ସମାଜର ସେବା କରିବା ପାଇଁ ସବୁବେଳେ ଚେଷ୍ଟା କରିବି ।
Honoured to take oath as a Member of Parliament of the 18th Lok Sabha. Will always strive to… pic.twitter.com/LDc7UwAb5y
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
