ରାହୁଲ ଗାନ୍ଧିଙ୍କୁ ନୂଆ ଯୁଗର ରାବଣ କହି ଫଟୋ ପୋଷ୍ଟ କଲା ବିଜେପି

ଫିଲ୍ମ ପୋଷ୍ଟର ଭଳି ଦିଶୁଥିବା ରାହୁଲଙ୍କ ଏଡିଟେଡ ଫଟୋ ପୋଷ୍ଟ କରି ବିଜେପି ଏହା ଉପରେ ଲେଖିଛି ଯେ ଯେ “ରାବଣ: ଏ କଂଗ୍ରେସ ପାର୍ଟି ପ୍ରଡକ୍ସନ। ଏହାର ନିର୍ଦ୍ଦେଶକ ଜର୍ଜ ସୋରୋସ।”

Rahul Gandhi

ବିଜେପି କରିଥିବା ପୋଷ୍ଟ

Hemant Lenka
  • Published: Thursday, 05 October 2023
  • Updated: 05 October 2023, 06:40 PM IST

Sports

Latest News

କଂଗ୍ରେସ ସାଂସଦ ରାହୁଲ ଗାନ୍ଧିଙ୍କୁ ନୂଆ ଯୁଗର ରାବଣ କହି ତାଙ୍କର ଗୋଟିଏ ବିକୃତ ଫଟୋ ପୋଷ୍ଟ କରିଛି ବିଜେପି। ଦଳ ନିଜର ଅଫିସିଆଲ ଏକ୍ସ ଆକାଉଣ୍ଟରେ ରାହୁଲଙ୍କ ଏକାଧିକ ମୁଣ୍ଡ ଥିବା ଫଟୋ ପୋଷ୍ଟ କରିବା ପରେ ବିବାଦ ସୃଷ୍ଟି ହୋଇଛି।

ଫିଲ୍ମ ପୋଷ୍ଟର ଭଳି ଦିଶୁଥିବା ରାହୁଲଙ୍କ ଏଡିଟେଡ ଫଟୋ ପୋଷ୍ଟ କରି ବିଜେପି ଏହା ଉପରେ ଲେଖିଛି ଯେ ଯେ “ରାବଣ: ଏ କଂଗ୍ରେସ ପାର୍ଟି ପ୍ରଡକ୍ସନ। ଏହାର ନିର୍ଦ୍ଦେଶକ ଜର୍ଜ ସୋରୋସ।”

Also Read

ସୋରୋସ ହେଉଛନ୍ତି ହଙ୍ଗେରୀ-ଆମେରିକାନ ବ୍ୟବସାୟୀ। ସେ ବିଶ୍ୱର ବିଭିନ୍ନ ସଂସ୍ଥାକୁ ଚାନ୍ଦା ଦିଅନ୍ତି ଓ ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ କରନ୍ତି ବୋଲି ବିଜେପି ସର୍ବାଦା ଅଭିଯୋଗ କରି ଆସୁଛି।

ତେଣୁ ରାହୁଲଙ୍କ ସହ ବିଜେପି ସୋରୋସଙ୍କୁ ମଧ୍ୟ ଟାର୍ଗେଟ କରିଛି। ବିଜେପି ଆହୁରି କହିଛି, “ଏଠାରେ ଅଛନ୍ତି ନୂଆ ଯୁଗର ରାବଣ। ସେ ରାକ୍ଷାସ। ଧର୍ମ ବିରୋଧୀ। ରାମ ବିରୋଧୀ। ଭାରତକୁ ଧ୍ୱଂସ କରିବା ତାଙ୍କର ଲକ୍ଷ୍ୟ।”

ଉକ୍ତ ଫଟୋରେ ରାବଣ ଭଳି ରାହୁଲଙ୍କର ଏକାଧିକ ମୁଣ୍ଡ ରହିଛି। ସେହିପରି ସେ ଦେହରେ ଲୁହାର କବଚ ମଧ୍ୟ ପିନ୍ଧିଛନ୍ତି। ବିଜେପି ଏପରି ଫଟୋ ପୋଷ୍ଟ କରିବା ପରେ ଏହାକୁ କଂଗ୍ରେସ ତୀବ୍ର ସମାଲୋଚନା କରିଛି।

କଂଗ୍ରେସ ନେତା ଜୟରାମ ରମେଶ କହିଛନ୍ତି, “ରାହୁଲ ଗାନ୍ଧିଙ୍କୁ ରାବଣ ସଜାଇ ବିକୃତ ଫଟୋ ପୋଷ୍ଟ କରିବା ପଛର ପ୍ରକୃତ ଉଦ୍ଦେଶ୍ୟ କ’ଣ? ଯାହାଙ୍କ ବାପା ଓ ଜେଜେମା’ଙ୍କୁ ଭାରତକୁ ଭାଗଭାଗ କରିବାକୁ ଚାହୁଁଥିବା ଲୋକମାନେ ହତ୍ୟା କରିଥିଲେ, ସେଭଳି ଜଣେ କଂଗ୍ରେସ ସାଂସଦ ଓ ଦଳର ପୂର୍ବତନ ଅଧ୍ୟକ୍ଷଙ୍କ ବିରୋଧରେ ହିଂସାକୁ ଉସକାଇବା ପାଇଁ ଏପରି କରାଯାଇଛି। ଆମେ ଆଦୌ ଭୟଭୀତ ହେବୁ ନାହିଁ।”

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos