ଏକମାସ ଧରି ମୋଦି ସରକାରର ୯ବର୍ଷ ସଫଳତା ପାଳିବ ଓଡ଼ିଶା ବିଜେପି

ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡାଙ୍କୁ ଭେଟି ଫେରିବା ପରେ ଆଜି ଭୁବନେଶ୍ୱର ବିମାନ ବନ୍ଦରରେ ରାଜ୍ୟ ବିଜେପି ସଭାପତି ମନମୋହନ ସାମଲ ଏହି ସୂଚନା ଦେଇଛନ୍ତି ।

BJP

ବିଜେପି ରାଷ୍ଟ୍ରୀୟ ଅଧ୍ୟକ୍ଷଙ୍କୁ ଭେଟିଛନ୍ତି ଓଡ଼ିଶା ବିଜେପି ମୁଖ୍ୟ

Ordigital Desk
  • Published: Wednesday, 17 May 2023
  • Updated: 17 May 2023, 10:41 PM IST

ଆସନ୍ତା ମେ’ ୩୦ରୁ ଜୁନ୍ ୩୦ତାରିଖ ପର୍ଯ୍ୟନ୍ତ ଏକମାସ ଧରି ନରେନ୍ଦ୍ର ମୋଦି ସରକାରଙ୍କ ୯ବର୍ଷ ପୂର୍ତ୍ତିର ସଫଳତାକୁ ଓଡ଼ିଶା ବିଜେପି ପାଳନ କରିବ । ଗାଁ ଗାଁରେ ସଭାସମିତି, ବୈଠକ ଆଦି କରି ଲୋକଙ୍କୁ ମୋଦି ସରକାରର ସଫଳତା ସମ୍ପର୍କରେ ଅବଗତ କରାଯିବ । ଏହାସହିତ ୨୦୨୪ ସାଧାରଣ ନିର୍ବାଚନରେ ବିଜେପି କିଭଳି କ୍ଷମତାକୁ ଆସିବ ତାହା ଉପରେ ମଧ୍ୟ ଗୁରୁତ୍ୱ ଦିଆଯାଉଛି।

ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡାଙ୍କୁ ଭେଟି ଫେରିବା ପରେ ଆଜି ଭୁବନେଶ୍ୱର ବିମାନ ବନ୍ଦରରେ ରାଜ୍ୟ ବିଜେପି ସଭାପତି ମନମୋହନ ସାମଲ ଏହି ସୂଚନା ଦେଇଛନ୍ତି।

ଶ୍ରୀ ସାମଲ କହିଛନ୍ତି ଯେ, ରାଷ୍ଟ୍ରୀୟ ସଭାପତି ଶ୍ରୀ ନଡ୍ଡାଙ୍କ ସହ ସୌଜନ୍ୟମୂଳକ ସାକ୍ଷାତ ହୋଇଛି । ରାଜ୍ୟର ସବୁ ପ୍ରସଙ୍ଗରେ ରାଷ୍ଟ୍ରୀୟ ସଭାପତିଙ୍କୁ ଅବଗତ କରାଇବା ସହ  ବିଶେଷକରି ସଂଗଠନ ସମ୍ପର୍କରେ ମଧ୍ୟ ଆଲୋଚନା ହୋଇଛି। ମୋଦି ସରକାରଙ୍କ ୯ବର୍ଷ ପୂର୍ତ୍ତି ପାଳନ ଓଡ଼ିଶାରେ ବିଜେପି ପକ୍ଷରୁ କରାଯିବ।

Also Read

ଏଥିପାଇଁ ବିଜେପି ନେତାମାନେ ଗାଁ ଗାଁକୁ ଯାଇ ସଭାସମିତି ଓ ବୈଠକ କରି ମୋଦି ସରକାରଙ୍କ ସଫଳତାର ବାର୍ତ୍ତା ଲୋକଙ୍କ ନିକଟରେ ପହଂଚାଇବେ । କେନ୍ଦ୍ରରେ ବିଜେପିର ସରକାର ରହିଛି। ଓଡ଼ିଶାରେ ୨୦୨୪ରେ କିଭଳି ବିଜେପି ସରକାର ଆସିବ ତା’ ଉପରେ କାର୍ଯ୍ୟକ୍ରମ ହାତକୁ ନିଆଯାଉଛି । ମୋଦି ସରକାରଙ୍କ ୯ବର୍ଷ ପୂର୍ତ୍ତିର ସଫଳତା ପାଇଁ ଏକମାସର ଅଭିଯାନକୁ କିଭଳି ସଫଳ କରାଯିବ ସେ ଦିଗରେ ବୈଠକ କରାଯିବ । ଏହି ଅଭିଯାନକୁ ସଫଳ କରିବା ନିମନ୍ତେ କାର୍ଯ୍ୟକ୍ରମ ଘୋଷଣା କରାଯିବ ବୋଲି ସେ କହିଛନ୍ତି।

ସୂଚନାଯୋଗ୍ୟ, ଝାରସୁଗୁଡ଼ା ଉପନିର୍ବାଚନ ପରେ ଶ୍ରୀ ସାମଲ ନୂଆଦିଲ୍ଲୀ ଗସ୍ତରେ ଯାଇ ରାଷ୍ଟ୍ରୀୟ ସଭାପତି ଶ୍ରୀ ନଡ୍ଡାଙ୍କୁ ସାକ୍ଷାତ କରିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos