କଂଗ୍ରେସ କ୍ଷମତାକୁ ଆସିଲେ ପ୍ରତିଟି ଗରିବ ପରିବାର ଜଣେ ମହିଳାଙ୍କୁ ବାର୍ଷିକ ୧ ଲକ୍ଷ ଟଙ୍କା ଦେବ ବୋଲି କରିଥିବା ଘୋଷଣାକୁ ଆଜି ରାହୁଲ ଗାନ୍ଧି ପୁଣି ଦୋହରାଇଛନ୍ତି। ଏକଥା କହିବା ବେଳେ ସେ ଗୋଟିଏ ବଡ଼ ଆକଳନ ବି କରିଛନ୍ତି। କଂଗ୍ରେସ ମହିଳାମାନଙ୍କୁ ୧ ଲକ୍ଷ ଟଙ୍କା ଦେବ। କିନ୍ତୁ ସେମାନଙ୍କ ପରିବାରରେ ଥିବା ପୁରୁଷମାନେ ଉକ୍ତ ଟଙ୍କାରୁ କିଛି ନିଜ ପାଇଁ ନେଇଯିବେ ବୋଲି ରାହୁଲ ଗାନ୍ଧି କହିଛନ୍ତି।
ଝାରଖଣ୍ଡର ଚାଇବାସରେ ଆୟୋଜିତ ନିର୍ବାଚନ ରାଲିରେ ରାହୁଲ ଗାନ୍ଧି କହିଛନ୍ତି ଯେ “୨୧ତମ ଶତାବ୍ବୀରେ ଉଭୟ ପୁରୁଷ ଓ ମହିଳା କାମ କରିବାକୁ ବାହାରକୁ ଯାଉଛନ୍ତି। ସେମାନେ ପ୍ରତିଦିନ ୮ରୁ ୧୦ ଘଣ୍ଟା କାମ କରୁଛନ୍ତି। ଏହାପରେ ସେମାନେ ଘରକୁ ଫେରୁଛନ୍ତି ଓ ମହିଳାମାନେ ଆଉ ୮ ଘଣ୍ଟା କାମ କରୁଛନ୍ତି।
Also Read
ପୁରୁଷମାନେ ୮ରୁ ୧୦ ଘଣ୍ଟା କାମ କରନ୍ତି। ୨୧ତମ ଶତାବ୍ବୀରେ ଆଦିବାସୀ ମହିଳାମାନେ ୧୬ରୁ ୧୮ ଘଣ୍ଟା କାମ କରୁଛନ୍ତି। ସମ୍ଭବତଃ ପୁରୁଷମାନେ ମୋର ଏକଥାକୁ ପସନ୍ଦ କରି ନପାରନ୍ତି। କିନ୍ତୁ ଏହା ସତ। ଖାସ ଏହି କାରଣ ପାଇଁ ଆମେ ମହିଳାଙ୍କ ଆକାଉଣ୍ଟରେ ସିଧା ୧ ଲକ୍ଷ ଟଙ୍କା ଦେବାକୁ ନିଷ୍ପତ୍ତି ନେଇଛୁ।
ଏକଥା ମୁଁ ଜାଣିଛି ଯେ ପୁରୁଷମାନେ ଉକ୍ତ ଟଙ୍କାରୁ କିଛି ଦେବାକୁ ମହିଳାଙ୍କ ଉପରେ ଚାପ ପକାଇବେ। ଏହା ସତ ଯେ ସେମାନଙ୍କର ମଧ୍ୟ ଆବଶ୍ୟକତା ରହିଛି।”
ରାହୁଲ ଗାନ୍ଧି ଘୋଷଣା କରିଛନ୍ତି ଯେ ଯଦି ଇଣ୍ଡିଆ ମେଣ୍ଟ କ୍ଷମତାକୁ ଆସିବ ତା’ହେଲେ ଆଦିବାସୀ, ଦଳିତ, ଓବିସି ଓ ଅନ୍ୟ ପଛୁଆ ବର୍ଗର ତାଲିକା ପ୍ରସ୍ତୁତ କରିବ। ଗରିବୀ ରେଖା ତଳେ ରହୁଥିବା ଲୋକଙ୍କୁ ଚିହ୍ନଟ କରାଯିବ। ବିପିଏଲ ତଳେ ରହିଥିବା ପରିବାରର ଜଣେ ମହିଳାଙ୍କୁ ମାସିକ ୮ ହଜାର ୫୦୦ ଟଙ୍କା ଲେଖାଏ ପ୍ରଦାନ କରାଯିବ ବୋଲି ରାହୁଲ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
