ସକାଳ ୮ଟାରୁ ରାଜସ୍ଥାନର ୧୯୯ ବିଧାନସଭା ଆସନରେ ଭୋଟ ଗଣତି ଆରମ୍ଭ ହୋଇଛି। ବର୍ତ୍ତମାନ ସୁଦ୍ଧା ୨୧ ଟି ଆସନରେ ଭୋଟ ଗଣତି ସହ ଫଳାଫଳ ପ୍ରକାଶ ପାଇ ସାରିଥିବା ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି।
ରେଜଲ୍ଟ ପ୍ରକାଶ ପାଇଥିବା ୨୧ ଟି ଆସନରୁ ବିଜେପି ୧୫ଟିରେ ଜିତିଥିବା ବେଳେ କଂଗ୍ରେସ ୫ ଓ ଅନ୍ୟାନ୍ୟ ଦଳ ଗୋଟିଏ ଆସନରେ ବାଜିମାତ କରିଛନ୍ତି। ଏହାବାଦ ବିଜେପି ଆଉ ୯୯ଟି ଆସନରେ ଲିଡ କରୁଥିବା ବେଳେ କଂଗ୍ରେସ ୬୬ ଓ ଅନ୍ୟାନ୍ୟ ଦଳ ୧୩ଟି ଆସନରେ ଆଗରେ ରହିଛନ୍ତି।
ରାଜସ୍ଥାନରେ ସରକାର ଗଠନ ପାଇଁ ଆବଶ୍ୟକ ମ୍ୟାଜିକ ନମ୍ବର ହେଉଛି ୧୦୦। ତେଣୁ ବିଜେପି ଏଠାରେ କଂଗ୍ରେସକୁ ଗାଦିଚ୍ୟୁତ କରି କ୍ଷମତା ଦଖଲ କରିବ ବୋଲି ଏକ ପ୍ରକାରର ନିଶ୍ଚିତ ହୋଇଛି।