୧୪୮୨ କୋଟି ଟଙ୍କାର ୭ଟି ପ୍ରକଳ୍ପକୁ ସିଙ୍ଗଲୱିଣ୍ଡୋ ମଞ୍ଜୁରୀ

ରାଜ୍ୟରେ ୧୪୮୨.୫୩କୋଟି ଟଙ୍କାର ୭ଟି ପୁଞ୍ଜିନିବେଶ ପ୍ରକଳ୍ପକୁ ଆଜି ରାଜ୍ୟସ୍ତରୀୟ ସିଙ୍ଗଲୱିଣ୍ଡୋ କ୍ଲିଅରାନ୍ସ ଅଥରିଟି ଅନୁମୋଦନ କରିଛନ୍ତି ।
ମୁଖ୍ୟ ସଚିବ ପ୍ରଦୀପ କୁମାର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଟେକ୍ସଟାଇଲ, କେମିକାଲ, ଷ୍ଟିଲ ଉତ୍ପାଦନ, ବାୟୋ ଗ୍ୟାସ୍ ଓ ମାଇନିଂ ଆଦି କ୍ଷେତ୍ରରେ ମୋଟ ୭ଟି ପ୍ରକଳ୍ପକୁ ସିଙ୍ଗଲୱିଣ୍ଡୋ କ୍ଲିଅରାନ୍ସ ମିଳିଛି।

ଏହି ପ୍ରକଳ୍ପଗୁଡ଼ିକ ଖୋର୍ଦ୍ଧା, ଗଞ୍ଜାମ, କେନ୍ଦୁଝର, ବାଲେଶ୍ୱର, ଯାଜପୁର, ସୁନ୍ଦରଗଡ଼ ଓ ରାୟଗଡ଼ା ଆଦି ଜିଲ୍ଲାରେ କାର୍ଯ୍ୟକ୍ଷମ ହେବ । ଏହି ପ୍ରକଳ୍ପ ଯୋଗୁ ୧୧୯୬୯ଜଣଙ୍କୁ ନିଯୁକ୍ତି ସୁଯୋଗ ମିଳିବ ।

ଆଜି ଯେଉଁ ସବୁ ପ୍ରକଳ୍ପକୁ ସିଙ୍ଗଲୱିଣ୍ଡୋ କ୍ଲିଅରାନ୍ସ ମିଳିଛି ସେଥିରେ ୨୧୪.୪୦କୋଟି ଟଙ୍କା ବ୍ୟୟରେ ‘ଏମଏଏସ ଉଦ୍ୟତ ଇଣ୍ଡିଆ ପ୍ରାଃ ଲିମିଟେଡ୍ ଦ୍ୱାରା ଖୋର୍ଦ୍ଧାଠାରେ ଗାରମେଂଟ ଫ୍ୟାକ୍ଟ୍ରି ସ୍ଥାପନ କରାଯିବ । ଏଥିରେ ୮୮୪୪ଜଣଙ୍କୁ ନିଯୁକ୍ତି ସୁଯୋଗ ମିଳିବ ।

ସେହିପରି ଗଞ୍ଜାମରେ ୫୨କୋଟି ଟଙ୍କା ବ୍ୟୟରେ ଭିନର ଲ୍ୟାବ ପ୍ରାଇଭେଟ୍ ଲିମିଟେଡ୍ ଦ୍ୱାରା ଫାଇନ୍ କେମିକାଲ ଉତ୍ପାଦନ ୟୁନିଟ୍ ସ୍ଥାପନ କରାଯିବ । ଏଠାରୁ ବାର୍ଷିକ ୬୦୦ଟନ୍ ଫାଇନ୍ କେମିକାଲ ଉତ୍ପାଦନ ହେବ ଓ ୧୩୦ଜଣଙ୍କୁ ନିଯୁକ୍ତି ସୁଯୋଗ ମିଳିବ ।

ସେହିପରି ଆଲେନ୍ ଷ୍ଟିଲ ଇଣ୍ଡଷ୍ଟ୍ରିଜ୍ ଦ୍ୱାରା କଳିଙ୍ଗନଗରରେ ୧୭୮କୋଟି ଟଙ୍କା ବ୍ୟୟରେ ସିଆର ପ୍ରିକିସନ୍ ପାଇପ୍ ତିଆରି ୟୁନିଟ୍ ସ୍ଥାପନ କରାଯିବ ବୋଲି ଜଣାପଡ଼ିଛି।