ପଞ୍ଜାବ ରାଜନୀତିରୁ ଆସିଛି ଏକ ବଡ଼ ଖବର। ଶିରୋମଣି ଅକାଳୀ ଦଳର ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି ସୁଖବୀର ସିଂହ ବାଦଲ। ସେ ଦଳର କାର୍ଯ୍ୟକାରୀ କମିଟିକୁ ନିଜର ଇସ୍ତଫା ପତ୍ର ପଠାଇଥିବା ଜଣାପଡ଼ିଛି। ଏନେଇ ପଞ୍ଜାବର ପୂର୍ବତନ ଶିକ୍ଷା ମନ୍ତ୍ରୀ ତଥା ଅକାଳୀ ଦଳର ବରିଷ୍ଠ ନେତା ଦଲଜିତ ସିଂହ ଚୀମା ଏକ୍ସରେ ପୋଷ୍ଟ କରି ସୂଚନା ଦେଇଛନ୍ତି।
ଏକ୍ସରେ ସେ ଲେଖିଛନ୍ତି, ଦଳର ନୂଆ ସଭାପତି ନିର୍ବାଚନ ପାଇଁ ବାଟ ଫିଟାଇବାକୁ ଆଜି ଦଳର ସଭାପତି ସୁଖବୀର ସିଂହ ବାଦଲ ତାଙ୍କ ଇସ୍ତଫା ପତ୍ର ଦଳର କାର୍ଯ୍ୟକାରୀ କମିଟିକୁ ଦେଇଛନ୍ତି। ତାଙ୍କ ନେତୃତ୍ୱରେ ବିଶ୍ୱାସ ପ୍ରକାଶ କରି ତାଙ୍କ କାର୍ଯ୍ୟକାଳ ମଧ୍ୟରେ ହୃଦୟରୁ ସମର୍ଥନ ଏବଂ ସହଯୋଗ ଦେଇଥିବାରୁ ସୁଖବୀର ବାଦଲ ଦଳର ସମସ୍ତ ନେତା ତଥା କର୍ମୀଙ୍କୁ କୃତଜ୍ଞତା ଜଣାଇଛନ୍ତି।
Also Read
୨୦୦୮ରୁ ଥିଲେ ଦଳର ଅଧ୍ୟକ୍ଷ
ଉଲ୍ଲେଖଯୋଗ୍ୟ, ୨୦୦୮ ମସିହାରେ ସୁଖବୀର ସିଂହ ବାଦଲ ଶିରୋମଣି ଅକାଳୀ ଦଳର ନେତୃତ୍ୱ ନେଇଥିଲେ। ସେ ଦୀର୍ଘ ୧୬ ବର୍ଷ ଦୁଇ ମାସ ପାଇଁ ଅକାଳୀ ଦଳର ସଭାପତି ଭାବରେ କାର୍ଯ୍ୟ କରିଛନ୍ତି। ସୁଖବୀର ସିଂହ ବାଦଲଙ୍କ ପୂର୍ବରୁ ତାଙ୍କ ପିତା ପ୍ରକାଶ ସିଂହ ବାଦଲ ଦଳର ଅଧ୍ୟକ୍ଷ ଥିଲେ।
ଉପନିର୍ବାଚନ ପୂର୍ବରୁ ଛାଡ଼ିଲେ ଦାୟିତ୍ୱ
ନଭେମ୍ବର ୨୦ରେ ପଞ୍ଜାବର ଚାରୋଟି ବିଧାନସଭା ଆସନରେ ଉପ-ନିର୍ବାଚନ ହେବାକୁ ଯାଉଛି। ଠିକ ଏହା ପୂର୍ବରୁ ୬୨ ବର୍ଷୀୟ ସୁଖବୀର ସିଂହ ବାଦଲ ଦଳର ସଭାପତି ପଦରୁ ଇସ୍ତଫା ଦେଇଛନ୍ତି। ତାଙ୍କ ଇସ୍ତଫା ପରେ ଶିରୋମଣି ଅକାଳୀ ଦଳର ନୂଆ ମୁଖ୍ୟ କିଏ ହେବେ, ତାହା ଦେଖିବାକୁ ବାକି ରହିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
