ବ୍ରଜରାଜନଗର ବିଧାନସଭା ଆସନରୁ ବିଜେପି ଟିକେଟରୁ ପ୍ରାର୍ଥୀ ହୋଇଥିବା ସୁରେଶ ପୂଜାରୀ ଜିତି ଯାଇଥିବା ସୂଚନା ଆସୁଛି। ସେ ୨୬ ହଜାରରୁ ଅଧିକ ଭୋଟରେ ଜିତିଥିବା ଜଣାଯାଇଛି। ଏଠାରୁ ବିଜେଡି ପୁଣି ଥରେ ସ୍ୱର୍ଗତ କିଶୋର ମହାନ୍ତିଙ୍କ ପତ୍ନୀ ଅଳକା ମହାନ୍ତିଙ୍କୁ ପ୍ରାର୍ଥୀ କରିଥିଲା। ମାତ୍ର ତାଙ୍କୁ ପଛରେ ପକାଇ ସୁରେଶ ବାଜି ମାରି ନେଇଥିବା ଜଣାଯାଇଛି। ଏହା ସହିତ ସୁରେଶ ପୂଜାରୀ ପ୍ରଥମ ଥର ପାଇଁ ବିଧାନସଭା ନିର୍ବାଚନରେ ବିଜୟୀ ହୋଇଛନ୍ତି।
ଏହା ପୂର୍ବରୁ ୨୦୧୯ ସାଧାରଣ ନିର୍ବାଚନରେ ସୁରେଶ ପୂଜାରୀ ବିଜେପି ଟିକେଟରୁ ବରଗଡ଼ ଲୋକସଭା ଆସନରୁ ପ୍ରାର୍ଥୀ ହୋଇ ବିଜୟୀ ହୋଇଥିଲେ। ଏଥର ଦଳ ତାଙ୍କୁ ବିଧାନସଭାରୁ ପ୍ରାର୍ଥୀ କରିଥିବା ବେଳେ ସେ ବିଜୟୀ ହୋଇଛନ୍ତି।
Also Read
ବରଗଡ଼ ଲୋକସଭା ଆସନରୁ ବିଜେପି ଏଥର ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଥିବା ବେଳେ ସେ ବି ଆଗରେ ଥିବା ଜଣାଯାଇଛି।
ଚଳିତ ବିଧାନସଭା ନିର୍ବାଚନରେ ବିଜେପି ପ୍ରଦର୍ଶନ ବେଶ୍ ଉତ୍ସାହଜନକ ରହିଛି। ବିଜେପି ୭୪ ସିଟ୍ରେ ଆଗରେ ଥିବା ବେଳେ ବିଜେଡି ୫୫, କଂଗ୍ରେସ ୫ ଓ ଅନ୍ୟାନ୍ୟ ୨ ଆସନରେ ଆଗୁଆ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
