ଓଡ଼ିଆ ଫିଲ୍ମ ପ୍ରିମିୟର ଶୋ’ ଦେଖିବେ ରାଜ୍ୟପାଳ

ରାଜ୍ୟପାଳ ରଘୁବର ଦାସ ଆସନ୍ତା ୨ତାରିଖରେ ଓଡ଼ିଆ ଫିଲ୍ମ ‘ଶାନ୍ତି ଆପାର୍ଟମେଂଟ’ର ପ୍ରିମିୟର ଶୋ’ରେ ଯୋଗ ଦେବେ । ନିର୍ଦ୍ଦେଶକ ଅଶ୍ୱିନୀ ତ୍ରିପାଠୀ ଓ ଅଭିନେତ୍ରୀ ରାଗିଣୀ ଆଜି ରାଜଭବନରେ ରାଜ୍ୟପାଳ ଶ୍ରୀ ଦାସଙ୍କୁ ଭେଟି ଫିଲ୍ମର ପ୍ରଥମ ଶୋ’ ଦେଖିବା ନିମନ୍ତେ ଆମନ୍ତ୍ରଣ କରିଛନ୍ତି । ଆଉ ରାଜ୍ୟପାଳ ମଧ୍ୟ ଏହି ଫିଲ୍ମର ପ୍ରିମିୟର ଶୋ’ ଦେଖିବେ ବୋଲି ସମ୍ମତି ଦେଇଥିବା ଜଣାପଡ଼ିଛି ।

ମିଳିଥିବା ସୂଚନା ଅନୁସାରେ, ଶାନ୍ତି ଆପାର୍ଟମେଂଟ ଫିଲ୍ମର ପ୍ରିମିୟର ଶୋ’ ଦେଖିବା ପାଇଁ ଆଜି ରାଜ୍ୟପାଳଙ୍କୁ ନିମନ୍ତ୍ରଣ କରିବା ସହ ଶ୍ରୀ ତ୍ରିପାଠୀ ଆଜି ଏହି ଫିଲ୍ମର ଟ୍ରେଲରକୁ ରାଜ୍ୟପାଳଙ୍କୁ ଦେଖାଇବା ପାଇଁ ସ୍ୱତନ୍ତ୍ର ବ୍ୟବସ୍ଥା କରିଥିଲେ । ଫିଲ୍ମର ଟ୍ରେଲରକୁ ରାଜ୍ୟପାଳ ପ୍ରଶଂସା କରିବା ସହ ୨ତାରିଖରେ ପ୍ରିମିୟର ଶୋ’କୁ ଆସିବେ ବୋଲି ସମ୍ମତି ଦେଇଥିବା ଜଣାପଡ଼ିଛି ।

ଏହି ଓଡ଼ିଆ ଫିଲ୍ମ ଶାନ୍ତି ଆପାର୍ଟମେଟକୁ ଶ୍ରୀ ତ୍ରିପାଠୀ ନିର୍ଦ୍ଦେଶନା ଦେଇଥିବାବେଳେ ଏହାର ପ୍ରଯୋଜକ ବିକ୍ରମ ଶଙ୍କର ବୋଲି ସୂଚନା ମିଳିଛି ।