OR 
ସ୍ୱର୍ଗତ ବିଜୁ ପଟ୍ଟନାୟକ ନାଁରେ ଗଠିତ ଦଳ ଚଳାଇବାକୁ ସାଢ଼େ ୪ କୋଟି ଓଡ଼ିଆଙ୍କ ଭିତରୁ କେହି ମିଳିଲେନି। ଏହା ଦେଖି ବିଜୁ ବାବୁଙ୍କ ଆତ୍ମା ନିଶ୍ଚିତ ଛାଟିପିଟି ହେଉଥିବ। ଭି.କେ. ପାଣ୍ଡିଆନ ବିଜେଡିରେ ଯୋଗ ଦେବା ପରେ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ଗଣମାଧ୍ୟମକୁ ପ୍ରତିକ୍ରିୟା ଦେଇ ଏହା କହିଛନ୍ତି।
ସେ ଆହୁରି କହିଛନ୍ତି, ପରଦା ପଛରେ ରହି ଆଉ କାହା ନାଁରେ ଶାସନ କରିବା ଗୋଟିଏ କଥା। ପରଦା ବାହାରକୁ ଆସି ସାମ୍ନାରେ ରାଜନୀତି କରିବା ଅଲଗା କଥା। ସମୟ ଆସିଲେ ସବୁ ଜଣାପଡ଼ିବ।
Also Read
ବୈଜୟନ୍ତ କହିଛନ୍ତି, ସ୍ୱର୍ଗତ ବିଜୁ ପଟ୍ଟନାୟକଙ୍କ ନାଁରେ ଯେଉଁ ଦଳ ଗଠନ ହୋଇଥିଲା, ସେହି ଦଳକୁ ଚଳାଇବା ପାଇଁ ସାଢ଼େ ଚାରି କୋଟି ଓଡ଼ିଆଙ୍କ ଭିତରୁ କେହି ମିଳିଲେ ନାହିଁ। ଏହା ଦେଖି ବିଜୁ ବାବୁଙ୍କ ଆତ୍ମା ଛଟପଟ ହେଉଥିବା। ବିଜୁ ବାବୁ ଜଣେ ସ୍ୱାଭିବାନୀ ଓଡ଼ିଆ ଥିଲେ।
ଭି.କେ. ପାଣ୍ଡିଆନ ବିଜେଡିରେ ଯୋଗ ଦେବା ପରେ ରାଜ୍ୟ ରାଜନୀତି ସରଗରମ ରହିଛି। ଆଗକୁ ଶ୍ରୀ ପାଣ୍ଡିଆନଙ୍କୁ କେଉଁ ବଡ଼ ଦାୟିତ୍ୱ ମିଳୁଛି, ବିଜେଡିର ମଙ୍ଗ କିଏ ଧରିବ ତାକୁ ନେଇ ଚର୍ଚ୍ଚା ଜୋର ଧରିଛି। ଏହାସହ ବିଭିନ୍ନ ରାଜନୈତିକ ଦଳ ନେତାମାନେ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି।
ବିଜେପି ରାଜ୍ୟ ସଭାପତି ମନମୋହନ ସାମଲ କହିଛନ୍ତି, ଆଗରୁ ଲୁଚାଛପାରେ ସେହି କାମ କରୁଥିଲେ। ଏବେ ଖୋଲାରେ କରିବେ। କେତେ ଆସିଲେଣି, କେତେ ଗଲେଣି କିଛି ପ୍ରଭାବ ପଡ଼ିବନି।
‘#ବିଜୁ_ବାବୁଙ୍କ_ଆତ୍ମା_ଛାଟିପିଟି_ହେଉଥିବ’
— Odisha Reporter (@OdishaReporter) November 27, 2023
ପାଣ୍ଡିଆନ୍ ବିଜେଡିରେ ଯୋଗ ଦେବା ପରେ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କ ପ୍ରତିକ୍ରିୟା। କହିଲେ, ପରଦା ପଛରେ ରହି ଆଉ କାହା ନାଁରେ ଶାସନ କରିବା ଗୋଟିଏ କଥା। ପରଦା ବାହାରକୁ ଆସି ରାଜନୀତି କରିବା ଅଲଗା କଥା। #Odisha #BaijayantPanda pic.twitter.com/KQyPprApyN
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
