‘ସେମାନଙ୍କ ସେ ଅଭ୍ୟାସ ଯାଇନି, ଭାବୁଛନ୍ତି ଏବେବି ଶାସନରେ ଅଛନ୍ତି’

ବଦ୍ରି ପାତ୍ର ବହୁତ ସିନିୟର ଲୋକ। ସେ ଅଭିଜ୍ଞ ଲୋକ। ଓଡ଼ିଶା ରାଜନୀତିକ ପାଣିପାଗରେ ସେ ବହୁତ ଦିନ ଧରି ଅଛନ୍ତି। ସମସ୍ତଙ୍କୁ ପରୀକ୍ଷା କରିଛନ୍ତି। ସେ ଗତ କଥା ଜାଣିଛନ୍ତି। ବର୍ତ୍ତମାନ କଥା ଜାଣିଛନ୍ତି। ଏପରିକି ଭବିଷ୍ୟତରେ କ’ଣ ହେବ, ତାହା ବଦ୍ରି ପାତ୍ରଙ୍କ ଭଲ ଭାବେ ଜଣା। ଦେବାଶିଷ ସାମନ୍ତରାୟ, ମୁନ୍ନା ଖାଁ ଓ ଅତନୁ ସବ୍ୟସାଚୀ ପ୍ରମୁଖ ନେତାଙ୍କର ଧୈର୍ଯ୍ୟ ନାହିଁ। ଶାସନରେ ଥିଲେ, ଯାହା ଚାହୁଁଥିଲେ, ତାହା କରୁଥିଲେ। ସେମାନଙ୍କ ସେ ଅଭ୍ୟାସ ଯାଇନି। ସେମାନେ ଭାବୁଛନ୍ତି ଯେ ସେମାନେ ଏବେବି ଶାସନରେ ଅଛନ୍ତି। ସେମାନଙ୍କ ଶାସନ ଗଲାଣି, ବିଜେପିର ଶାସନ ଆସିଲାଣି- ଏ କଥା ସେମାନେ ବୁଝିବା ଦରକାର ବୋଲି କହିଛନ୍ତି ବିଜେପି ବିଧାୟକ ସରୋଜ ପାଢ଼ୀ।