ପଶ୍ଚିମବଙ୍ଗରେ ଜାତୀୟ ତଦନ୍ତକାରୀ ସଂସ୍ଥା (ନ୍ୟାସନାଲ ଇନଭେଷ୍ଟିଗେସନ ଏଜେନ୍ସି, NIA)ର କାର୍ଯ୍ୟାନୁଷ୍ଠାନ ରାଜନୈତିକ ଆକ୍ରୋଶର ରୂପ ନେଇଛି। ଏନଆଇଏ ସହ ବିଜେପିର ମେଣ୍ଟ ହୋଇଛି ବୋଲି ଟିଏମସ ଅଭିଯୋଗ କରିଛି।
ଦଳ କହିଛି ଯେ, ନିର୍ବାଚନ ସମୟରେ ବିଜେପି ଟିଏମସର ପୂର୍ବତନ କର୍ମମାନଙ୍କୁ ଗିରଫ କରିବା ପାଇଁ କେନ୍ଦ୍ରୀୟ ତଦନ୍ତକାରୀ ସଂସ୍ଥାର ବ୍ୟବହାର କରୁଛି। ବିଜେପି ଓ ଏନଆଇଏ ମଧ୍ୟରେ ମେଣ୍ଟ ହୋଇଛି। ଏସବୁ ଅଭିଯୋଗକୁ ଖଣ୍ଡନ କରି ତଦନ୍ତକାରୀ ସଂସ୍ଥା କହିଛି, ଏପ୍ରିଲ ୬ରେ ପଶ୍ଚିମବଙ୍ଗ ଭୁପତିନଗରରେ ତଦନ୍ତକାରୀ ଟିମ୍ ଉପରେ ବିନା କାରଣରେ ଆକ୍ରମଣ କରାଯାଇଛି।
Also Read
ପ୍ରକାଶ ଥାଉ କି, ୨୦୨୨ ଡିସେମ୍ବରେ ଏକ ବୋମା ବିସ୍ଫୋରଣ ମାମଲାକୁ ନେଇ ଏପ୍ରିଲ 6ରେ ଏନଆଇଏ ଭୁପତିନଗର ଅଞ୍ଚଳରେ ତଦନ୍ତ କରିଥିଲା। ମଧ୍ୟରାତ୍ରିରେ କିଛି ଲୋକଙ୍କ ଘରେ ପଶି ଚଢାଉ କରିବା ସହ ୨ ଜଣଙ୍କୁ ଗିରଫ କରିଥିଲା ତଦନ୍ତକାରୀ ସଂସ୍ଥା। ଗିରଫ କରି ଫେରିବା ସମୟରେ ଏନଆଇଏ ଅଧିକାରୀଙ୍କୁ ଆକ୍ରମଣ କରିଥିଲେ ସ୍ଥାନୀୟ ଲୋକ।
ଏହାକୁ ନେଇ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏନଆଇଏର କାର୍ଯ୍ୟାନୁଷ୍ଠାନ ଉପରେ ପ୍ରଶ୍ନବାଚୀ ସୃଷ୍ଟି କରିଥିଲେ। ୨୦୨୨ ମାମଲାକୁ ଏବେ ତଦନ୍ତ କରିବାର ଉଦ୍ଦେଶ୍ୟ କ'ଣ, ରାତି ଅଧରେ ତଦନ୍ତକାରୀ ସଂସ୍ଥା ମହିଳାମାନଙ୍କ ଘରକୁ କାହିଁକି ଯାଇଥିଲେ, କଣ ସେମାନେ ପୁଲିସର ଅନୁମତି ଆଣିଥିଲେ କି ବୋଲି ପ୍ରଶ୍ନ କରିଥିଲେ ମମତା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
