ପାରାଦୀପ ବନ୍ଦର ବିକାଶ: ସହଯୋଗ କରୁନି ରାଜ୍ୟ ସରକାର, ଅସନ୍ତୋଷ ଝାଡ଼ିଲେ କେନ୍ଦ୍ରମନ୍ତ୍ରୀ

ଓଡ଼ିଶାରେ ପର୍ଯ୍ୟଟନ ବିକାଶ ପାଇଁ ପର୍ଯ୍ୟାପ୍ତ ସୁଯୋଗ ଅଛି । ରାଜ୍ୟ ସରକାର ପ୍ରସ୍ତାବ ଦେଲେ କେନ୍ଦ୍ର ସରକାର ସବୁ ସହାୟତା ପାଇଁ ଆଗଭର ଅଛନ୍ତି।

BJP

ବିଜେପି ପାର୍ଟି ଅଫିସ୍‌

Ordigital Desk
  • Published: Tuesday, 28 November 2023
  • Updated: 28 November 2023, 10:39 PM IST

Sports

Latest News

ପାରାଦୀପ ବନ୍ଦରକୁ ଦେଶର ଏକ ନମ୍ବର ବନ୍ଦର କରିବାରେ ରାଜ୍ୟର ବିଜେଡି ସରକାର ବାଧକ ସାଜିଛି । ବନ୍ଦରଠୁ ପର୍ଯ୍ୟଟନ ପର୍ଯ୍ୟନ୍ତ କୌଣସି କ୍ଷେତ୍ରରେ ବି ରାଜ୍ୟ ସରକାରଙ୍କ ସହଯୋଗ ମିଳୁନି । ଆଜି ଏଭଳି କିଛି କହି ନିଜର ଅସନ୍ତୋଷ ଝାଡ଼ିଛନ୍ତି ଓଡ଼ିଶାରେ ଗସ୍ତରେ ଆସିଥିବା କେନ୍ଦ୍ର ଜାହାଜ ଚଳାଚଳ, ଜଳପଥ ଓ ପର୍ଯ୍ୟଟନ ରାଷ୍ଟ୍ରମନ୍ତ୍ରୀ ଶ୍ରୀପଦ ନାଏକ ।

ଆଜି ଭୁବନେଶ୍ୱରରେ ସାମ୍ବାଦିକମାନଙ୍କୁ ପ୍ରତିକ୍ରିୟା ଦେଇ କହିଛନ୍ତି ଯେ, ଆଗାମୀ ବର୍ଷକ ମଧ୍ୟରେ ପାରାଦୀପ ବନ୍ଦର ଦେଶର ଏକ ନମ୍ବର ବନ୍ଦର ହେବ। ଯଦି ରାଜ୍ୟ ସରକାର ସହଯୋଗ କରିଥାନ୍ତେ ଏହି ସଫଳତା ବହୁ ବର୍ଷ ତଳୁ ହାସଲ କରାଯାଇ ପାରିଥାନ୍ତା । ବନ୍ଦରକୁ ଭଲ ଗମନାଗମନ ସୁବିଧା ନଥିବାରୁ ତାହା ହୋଇପାରୁନି । ରାସ୍ତା ଠିକ୍ ନାହିଁ । ବହୁତ ଅଣଓସାରିଆ ରାସ୍ତା । ସେଥିପାଇଁ ବନ୍ଦରକୁ ଠିକ୍ ଭାବେ ବ୍ୟବସାୟ ଆସୁନି । ରାସ୍ତା ଚଉଡ଼ା କରିବାକୁ ଅନେକଥର ରାଜ୍ୟ ସରକାରଙ୍କୁ ବନ୍ଦର କର୍ତ୍ତୃପକ୍ଷ ଅନୁରୋଧ କରିଛନ୍ତି । କିନ୍ତୁ ରାଜ୍ୟ ସରକାର ଶୁଣୁନାହାନ୍ତି । ବନ୍ଦରକୁ ଭଲ ରାସ୍ତା ସଂଯୋଗ କରିବା ହେଉଛି ରାଜ୍ୟ ସରକାରଙ୍କ କାମ । ତଥାପି ରାଜ୍ୟ ସରକାରଙ୍କୁ ଆମେ ସାହାଯ୍ୟ-ସହଯୋଗ କରିବାକୁ ରାଜି ଅଛୁ । କିନ୍ତୁ ବହୁତ ବର୍ଷ ହେବ ରାଜ୍ୟ ସରକାର ବନ୍ଦର ରାସ୍ତାର ବିକାଶ କରୁନଥିବାରୁ ଆଶାନୁରୂପ ବ୍ୟବସାୟ ହେଉନି । ଯଦି ରାଜ୍ୟ ସରକାର ସଡ଼କ ଭିତ୍ତିଭୂମିରେ ସୁଧାର କରନ୍ତେ ଆସନ୍ତା ଏକବର୍ଷ ମଧ୍ୟରେ ପାରାଦୀପ ଦେଶର ଏକନମ୍ବର ବନ୍ଦର ହୋଇପାରନ୍ତା ।

Also Read

ସେ ଏହି ଅବସରରେ ପାରାଦୀପ ବନ୍ଦରକୁ ସଂଯୋଗ ରାସ୍ତାର ପ୍ରଶସ୍ତିକରଣ କାର୍ଯ୍ୟ ତୁରନ୍ତ ଆରମ୍ଭ କରିବା ପାଇଁ ଅନୁରୋଧ କରିଛନ୍ତି । ଯଦି ରାଜ୍ୟ ସରକାର କିଛି ସାହାଯ୍ୟ ଚାହିଁବେ ତାହା କେନ୍ଦ୍ର ସରକାର ଦେବାକୁ ପ୍ରସ୍ତୁତ ବୋଲି ସେ କହିଛନ୍ତି । ଏହା ଦ୍ୱାରା ଓଡ଼ିଶାର ଓ ଭାରତର ବିକାଶ ହେବ ବୋଲି ସେ କହିଛନ୍ତି ।

ଓଡ଼ିଶାରେ ପର୍ଯ୍ୟଟନ ବିକାଶ ପାଇଁ ପର୍ଯ୍ୟାପ୍ତ ସୁଯୋଗ ଅଛି । ରାଜ୍ୟ ସରକାର ପ୍ରସ୍ତାବ ଦେଲେ କେନ୍ଦ୍ର ସରକାର ସବୁ ସହାୟତା ପାଇଁ ଆଗଭର ଅଛନ୍ତି। କେନ୍ଦ୍ର ସରକାର ପର୍ଯ୍ୟଟନ ବିକାଶ ପାଇଁ ପ୍ରସାଦ ଓ ସ୍ୱଦେଶ ଦର୍ଶନ ଯୋଜନା ଭଳି ଅନେକ ଯୋଜନା କାର୍ଯ୍ୟକାରୀ କରୁଛନ୍ତି ବୋଲି ଶ୍ରୀ ନାଏକ କହିଛନ୍ତି ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos