ପଞ୍ଜାବର ପୂର୍ବତନ ଉପମୁଖ୍ୟମନ୍ତ୍ରୀ ସୁଖବୀର ସିଂହ ବାଦଲଙ୍କ ଉପରକୁ ହୋଇଥିବା ଗୁଳିମାଡ଼ ଘଟଣାକୁ ସାରା ଦେଶରେ ନିନ୍ଦା କରାଯାଉଛି। ଏହାରି ଭିତରେ ରାଜ୍ୟସଭା ସାଂସଦ ତଥା କେନ୍ଦ୍ରମନ୍ତ୍ରୀ ରବନୀତ ସିଂହ ବିଟ୍ଟୁ ଏଭଳି ଏକ ବୟାନ ଦେଇଛନ୍ତି, ଯାହା ତାଙ୍କୁ ବିବାଦକୁ ଟାଣିଛି। ଶିରୋମଣି ଅକାଳୀ ଦଳକୁ କଟାକ୍ଷ କରି ଗୁଳିମାଡ଼ କରିଥିବା ଅଭିଯୁକ୍ତ ନାରାୟଣ ସିଂହ ଚୌଡାକୁ ସମ୍ମାନିତ କରାଯିବା ଉଚିତ୍ ବୋଲି କହିଛନ୍ତି କେନ୍ଦ୍ରମନ୍ତ୍ରୀ। ଏପରିକି ଆକ୍ରମଣକାରୀକୁ ଦେଶର ରତ୍ନ ବୋଲି କହିଛନ୍ତି ରବନୀତ ବିଟ୍ଟୁ।
କେନ୍ଦ୍ର ରେଳ ରାଷ୍ଟ୍ରମନ୍ତ୍ରୀ ରବନୀତ ସିଂହ ବିଟ୍ଟୁ କହିଛନ୍ତି ଯେ ସୁଖବୀର ସିଂହ ବାଦଲ ଗୁରୁ ଗ୍ରନ୍ଥ ସାହିବଙ୍କୁ ଅସମ୍ମାନ କରିଥିଲେ। ଏହାପରେ ତାଙ୍କ ଉପରେ ଏହି ଆକ୍ରମଣ ଘଟିଛି। ଯେତେବେଳେ ସୁଖବୀର ସିଂହ ବାଦଲ ନିଜେ ଗୁରୁ ଗ୍ରନ୍ଥ ସାହିବଙ୍କୁ ଅପବିତ୍ରୀକରଣ କରିଥିବା ପାପକୁ ସ୍ୱୀକାର କରିଥିଲେ, ସେତେବେଳେ ନାରାୟଣ ସିଂହ ଚୌଡା ଭାବପ୍ରବଣ ହୋଇ ତାଙ୍କ ଉପରକୁ ଗୁଳି ଚଳାଇଛି, ଯାହା ତାଙ୍କ ଦେହରେ ନବାଜି କାନ୍ଥରେ ବାଜିଥିଲା। ବିଟ୍ଟୁ କହିଛନ୍ତି ଯେ ନାରାୟଣ ସିଂହ ଚୌଡା ହେଉଛନ୍ତି 'ରାଷ୍ଟ୍ରର ରତ୍ନ' ଏବଂ ତାଙ୍କ ପରି ବ୍ୟକ୍ତିଙ୍କ ଫଟୋ ଅକାଲ ତଖ୍ତ ସାହିବଙ୍କ ସଂଗ୍ରହାଳୟରେ ସ୍ଥାପନ କରାଯିବା ଉଚିତ। ରବନୀତ ବିଟ୍ଟୁ ଅକାଳୀ ଦଳକୁ କଟାକ୍ଷ କରି କହିଛନ୍ତି ଯେ ଯେପରି ବିଅନ୍ତ ସିଂହଙ୍କ ହତ୍ୟାକାରୀକୁ ବିକ୍ରମ ସିଂହ ମାଜିଥିଆ ଆଲିଙ୍ଗନ କରିଥିଲେ, ସେହିପରି ନାରାୟଣ ସିଂହ ଚୌଡାଙ୍କୁ ମଧ୍ୟ ଆଲିଙ୍ଗନ କରାଯିବା ଉଚିତ୍।
Also Read
ବିଟ୍ଟୁ ଆହୁରି କହିଛନ୍ତି ଯେ ନାରାୟଣ ସିଂହ ଚୌଡା ଗୁରୁଙ୍କ ଅପମାନରେ ଭାବପ୍ରବଣ ହୋଇ ସୁଖବୀର ସିଂହ ବାଦଲଙ୍କ ଉପରକୁ ଗୁଳି ଚଳାଇଥିଲେ। ତେଣୁ ତାଙ୍କ ବିରୋଧରେ କୌଣସି ମାମଲା ପଞ୍ଜିକୃତ ହେବା ଉଚିତ ନୁହେଁ ଏବଂ ଯଦି ପଞ୍ଜୀକୃତ ହେଉଛି, ତେବେ ଶିରୋମଣି ଗୁରୁଦ୍ୱାର ପରିଚାଳନା କମିଟି (SGPC) ମାମଲାର ସମସ୍ତ ଖର୍ଚ୍ଚ ଦେଇ ଚୌଡାଙ୍କୁ ନିର୍ଦ୍ଦୋଷରେ ଖଲାସ କରିବା ଉଚିତ୍।
ସେପଟେ କେନ୍ଦ୍ରମନ୍ତ୍ରୀଙ୍କ ଏଭଳି ବୟାନକୁ ନିନ୍ଦା କରିଛି ଅକାଳୀ ଦଳ। ନିଜେ ଅକାଳି ଦଳର ନେତା ବିକ୍ରମ ସିଂହ ମାଜିଥିଆ କହିଛନ୍ତି, ଡିସେମ୍ବର ୪ରେ କେନ୍ଦ୍ରମନ୍ତ୍ରୀ ବିଟ୍ଟୁ ଏହି ଆକ୍ରମଣକୁ ନିନ୍ଦା କରିଥିଲେ, ଆଉ ଏବେ ସେ ଏହାକୁ ଠିକ ବୋଲି କହୁଛନ୍ତି। ବିଜେପିକୁ ଅନେକ ଉତ୍ତର ଦେବାକୁ ପଡିବ। ସେମାନଙ୍କର ମନ୍ତ୍ରୀ କାହିଁକି ଗୁରୁଦ୍ୱାର ଭିତରେ ହୋଇଥିବା ଆକ୍ରମଣକୁ ଯଥାର୍ଥ ବୋଲି କହୁଛନ୍ତି? ଆଇଏସଆଇ ଏଜେଣ୍ଟ ହୋଇଥିବାରୁ ନାରାୟଣ ସିଂହ ଚୌଡାର ଆଦର୍ଶକୁ ବିଜେପି ସମର୍ଥନ କରେ କି? ତା ଘରୁ ଆରଡିଏକ୍ସ ଏବଂ ଏକେ-୪୭ ରାଇଫଲ ବି ଉଦ୍ଧାର କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
