ଭର୍ତ୍ତୃହରିଙ୍କ ଭଡ଼ ଭଡ଼

ବିଜେଡି ସାଂସଦ ଭର୍ତ୍ତୃହରି ମହତାବଙ୍କ ସମ୍ପାଦକୀୟ ଲେଖାକୁ ନେଇ ଏବେ ଭିନ୍ନ ଏକ ରାଜନୈତିକ ଚର୍ଚ୍ଚା ଆରମ୍ଭ ହୋଇଛି। ପୁଲିସ କଣ କରିବା ଉଚିତ ଏବଂ କଣ ନକରିବା ଉଚିତ ସେନେଇ ଅଲେଖ୍ୟ ଲେଖି କଟକ ସାଂସଦ ବିଜୁ ଜନତା ଦଳର ମରମ ଜାଗା ଉପରେ ମାଡ଼ କରିଛନ୍ତି। କଂଗ୍ରେସ ନେତା ପବନ ଖେଡ଼ାଙ୍କ ଗିରଫଦାରୀଠାରୁ ଆରମ୍ଭ କରି ରାଜଧାନୀର ଲୋୟର ପିଏମଜିରେ ବିଜେପି ଯୁବମୋର୍ଚ୍ଚାର ବିକ୍ଷୋଭ କଥା ସେ ଲେଖିଛନ୍ତି। ଆଜି ଯେ ବିରୋଧୀ କାଲି ସେ ଶାସକ ଆସନରେ ବସିପାରେ ବୋଲି କହି ପରୋକ୍ଷରେ ଆଗାମୀ ନିର୍ବାଚନରେ ବିଜେଡିର ପତନ ଆଡ଼କୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି।