ବିଜେପି ସରକାରକୁ ଆସିଲେ ବାର୍ଦ୍ଧକ୍ୟ ଭତ୍ତା ୩ ହଜାର ଟଙ୍କା ପ୍ରଦାନ କରାଯିବ। ଗତକାଲି ରାଜ୍ୟ ସରକାରଙ୍କ ଭତ୍ତା ବୃଦ୍ଧି ଘୋଷଣାକୁ ଲଲିପପ କହିଛି ବିଜେପି।
ଦଳର ନେତ୍ରୀ ଲେଖାଶ୍ରୀ ସାମନ୍ତସିଂହାର କହିଛନ୍ତି, ୫ ବର୍ଷ ଲୋକେ ଛଟପଟ ହୁଅନ୍ତି କିନ୍ତି ନିର୍ବାଚନର ମାସେ ୧୫ ଦିନ ପୂର୍ବରୁ ସରକାର ଘୋଷଣା କରନ୍ତି। ଏହା ନବୀନ ସରକାରଙ୍କର କାର୍ଯ୍ୟପଦ୍ଧତି। ଏମାନଙ୍କ କୌଣସି ଆନ୍ତରିକତା ନାହିଁ।
ବିଜେପି କ୍ଷମତାକୁ ଆସିଲେ ଭତ୍ତା ୫ ଶହରୁ ୩ ହଜାରକୁ ବୃଦ୍ଧି ହେବ। ସେପଟେ କଂଗ୍ରେସ ମଧ୍ୟ ଭତ୍ତା ବୃଦ୍ଧିକୁ ନେଇ ପ୍ରତିକ୍ରିୟା ରଖିଛି। ପିସିସି ସଭାପତି କହିଛନ୍ତି ଦଳ ସରକାରକୁ ଆସିଲେ ଆମେ ଭତ୍ତା ବୃଦ୍ଧି କରିବୁ। ଏନେଇ ବିଜେଡିର ପ୍ରତିକ୍ରିୟା ମିଳିପାରିନାହିଁ।