୪ ରାଜ୍ୟର ଚାଲିଛି ଭୋଟ ଗଣତି। ଆଉ କିଛି ସମୟ ପରେ ଆସିଯିବ ଫଳାଫଳ। ଏହାରି ଭିତରେ ପୁଣି ଥରେ ସାମ୍ନାକୁ ଆସିଛି 'ପନୌତି' ଶବ୍ଦ। ଏଥର 'ପନୌତି' ଶବ୍ଦ ବ୍ୟବହାର କରି କଂଗ୍ରେସକୁ ଟାର୍ଗେଟ୍ କରିଛି ବିଜେପି।
ତିନି ରାଜ୍ୟରେ ଜିତିଛୁ ବିଜେପି। ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ଼ରେ କଂଗ୍ରେସକୁ ବିଜେପି ମାତ୍ ଦେଉଛି। ଏହାକୁ ନେଇ ଏବେ ବିରୋଧୀ କଂଗ୍ରେସକୁ କରୁଛନ୍ତି ଟାର୍ଗେଟ୍। ବଡ଼ ପନୌତି କିଏ ବୋଲି ବିଜେପି ନେତା ସିଟି ରବି ପ୍ରଶ୍ନ କରିଛନ୍ତି।
Also Read
ବିଜେପି ନେତା ସିଟି ରବି ସୋଶାଲ ମିଡିଆ ପ୍ଲାଟଫର୍ମ 'X'ରେ ବଡ଼ ପନୌତି କିଏ? ଲେଖି ପୋଷ୍ଟ କରିଛନ୍ତି। କେବଳ ସେତିକି ନୁହେଁ ସେ ଏହି ପୋଷ୍ଟକୁ କଂଗ୍ରେସ ସାଂସଦ ରାହୁଲ ଗାନ୍ଧିଙ୍କୁ ମଧ୍ୟ ଟ୍ୟାଗ୍ କରିଛନ୍ତି। ସେ ଏଭଳି ଟ୍ୟାଗ୍ କରି ସେ ରାହୁଲ ଗାନ୍ଧିଙ୍କୁ ସିଧାସଳଖ ଟାର୍ଗେଟ୍ କରିଛନ୍ତି। ବଡ଼ ପନୌତି କିଏ ବୋଲି କଟାକ୍ଷ କରି ସେ ରାହୁଲ ଗାନ୍ଧି କଂଗ୍ରେସକୁ ପ୍ରଶ୍ନ କରିଛନ୍ତି।
Who is the biggest PANAUTI ? ? ?
— C T Ravi 🇮🇳 ಸಿ ಟಿ ರವಿ (@CTRavi_BJP) December 3, 2023
Any idea @RahulGandhi and @INCIndia ?
କେବଳ ସେତିକି ନୁହେଁ ହାରିବା ପରେ ଛୁଟିରେ କଂଗ୍ରେସ ଚାଲିଗଲା କି ବୋଲି ବିଜେପି ନେତା ସୋଶାଲ ମିଡିଆରେ ପୋଷ୍ଟ କରି ପାଚାରିଛନ୍ତି। ଏଥିସହ ଭାରତୀୟଙ୍କ ମୋଦି ଗ୍ୟାରେଣ୍ଟି ଉପରେ ଭରସା ରହିଛି ବୋଲି ସିଟି ରବି କହିଛନ୍ତି।
ଉଲ୍ଲେଖଯୋଗ୍ୟ, କିଛି ଦିନ ତଳେ ଏକ ରାଲିରେ କଂଗ୍ରେସ ନେତା ରାହୁଲ ଗାନ୍ଧି ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ୍ କରି 'ପନୌତି' ବୋଲି କହିଥିଲେ। ଭାରତ ବିଶ୍ୱକପ୍ ହାରିବା ପରେ ସେ ଏଭଳି ଶବ୍ଦ ବ୍ୟବହାର କରି ମୋଦିଙ୍କୁ ଟାର୍ଗେଟ୍ କରିଥିଲେ। ଟିମ୍ ଇଣ୍ଡିଆରେ ଖେଳାଳି ଜିତିଥିଲେ କିନ୍ତୁ ପନୌତି ସେଠାରେ ପହଞ୍ଚି ସେମାନଙ୍କୁ ହରାଇଦେଲେ ବୋଲି ରାହୁଲ କହିଥିଲେ। ଏହାକୁ ନେଇ ରାଜନୀତି ଜୋର ଧରିଥିଲା।
ରାହୁଲଙ୍କ ଏଭଳି ବୟାନ ସାମ୍ନାକୁ ଆସିବା ପରେ କଂଗ୍ରେସର ଅଧିକାଂଶ ବରିଷ୍ଠ ନେତା ମୋଦିଙ୍କ ପାଇଁ 'ପନୌତି' ଶବ୍ଦ ପ୍ରୟୋଗ କରିବା ଆରମ୍ଭ କରିଦେଇଥିଲେ। ଏହାପରେ ବିଜେପିର ଅଭିଯୋଗ ପରେ ନିର୍ବାଚନ କମିଶନ ରାହୁଲଙ୍କୁ ନୋଟିସ ପଠାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
