ଓ୍ୱାଶିଂଟନ: ନଭେମ୍ୱର ୩ରେ ଆମେରିକାର ରାଷ୍ଟ୍ରପତି ନିର୍ବାଚନ ରହିଛି। ଏହାର ଠିକ୍ ଗୋଟିଏ ଦିନ ପୂର୍ବରୁ ଅର୍ଥାତ୍ ନଭେମ୍ୱର ଦୁଇ ତାରିଖରେ ପୃଥିବୀ ଗ୍ରହ ପାଖକୁ ଆସିବ ଗୋଟିଏ ଛୋଟିଆ ତାରା। ନାସା ଏଭଳି ଆକଳନ କରିଛି। ଏହି ଛୋଟିଆ ତାରାକୁ ବିଜ୍ଞାନ ଭାଷାରେ ଆଷ୍ଟ୍ରୋଏଡ କୁହାଯାଉଛି। ଏହାର ନାମ ୨୦୧୮VP1। ଏହି ଆଷ୍ଟ୍ରୋଏଡ କିନ୍ତୁ ପୃଥିବୀ ସହିତ ଧକ୍କା ହେବାର ସମ୍ଭାବନା ୦.୪୧ ପ୍ରତିଶତ ବୋଲି ନାସା କହିଛି।
ନାସାର ବୈଜ୍ଞାନିକମାନେ କହିଛନ୍ତି ଯେ ଏହି ଆଷ୍ଟ୍ରୋଏଡର ଲମ୍ୱା ପ୍ରାୟ ୬.୫ ଫୁଟ। ଏହା ପ୍ରଥମେ ୨୦୧୮ରେ କାଲିଫର୍ଣ୍ଣିଆର ପାଲୋମାର ଅବଜରଭେଟୋରୀରେ ଚିହ୍ନଟ ହୋଇଥିଲା।
ନାସା କହିଛି ଯେ ଆଷ୍ଟେରଏଡ୍ ୨୦୧୮VP1 ବହୁତ ଛୋଟ ଏବଂ ଏହା ପୃଥିବୀ ପାଇଁ କୌଣସି ବିପଦ ନାହିଁ। ଯଦି ଏହା ପୃଥିବୀ ପୃଷ୍ଠକୁ ଧକ୍କା ଦିଏ, ତା’ହେଲେ ଏହାର ଆକାର ପାଇଁ ଗ୍ରହଟି ବିଚ୍ଛିନ୍ନ ହୋଇଯିବ।
ଏହାପୂର୍ବରୁ ଅଗଷ୍ଟ ମାସରେ ନାସା ପୃଥିବୀଠାରୁ କିଛି ହଜାର କିଲୋମିଟର ଦୂରରେ ଏକ କ୍ଷୁଦ୍ର ଗ୍ରହକୁ ଦେଖିଥଲା। ନାସା କହିଛି ଯେ ଆଷ୍ଟ୍ରୋଏଡର ଆକାର ୨୦୨୦ QG। ଏଭଳି ଶହ ଶହ ଛୋଟିଆ ଆଷ୍ଟେରଏଡ ରହିଛି। କିନ୍ତୁ ସେମାନେ ପୃଥିବୀର ଅତି ନିକଟତର ନହେବା ପର୍ଯ୍ୟନ୍ତ ଆବିଷ୍କାର କରିବା ଅତ୍ୟନ୍ତ କଷ୍ଟକର।