ମହାକାଶରେ ସେଲଫି ନେଲା, ଚନ୍ଦ୍ର ଓ ପୃଥିବୀର ବିରଳ ଦୃଶ୍ୟ ପଠାଇଲା ଆଦିତ୍ୟ-L1

ମହାକାଶରେ ସେଲଫି ନେଲା ଆଦିତ୍ୟ-L1। ଇସ୍ରୋର ଏହି ଉଚ୍ଚାଭିଳାଷୀ ସୂର୍ଯ୍ୟ ମିଶନ ଲକ୍ଷ୍ୟପଥ L1କୁ ଯିବା ସମୟରେ ନିଜର ସେଲଫି ନେବା ସହ ପୃଥିବୀ ଓ ଚନ୍ଦ୍ରର ଫଟୋ କ୍ଲିକ୍ କରିଛି। ଏହି ସମୟର କିଛି ଦୃଶ୍ୟ ଶେଆର୍ କରିଛି ଇସ୍ରୋ।

Aditya-L1 Mission:
👀Onlooker!

Aditya-L1,
destined for the Sun-Earth L1 point,
takes a selfie and
images of the Earth and the Moon.#AdityaL1pic.twitter.com/54KxrfYSwy

— ISRO (@isro) September 7, 2023

ଇସ୍ରୋ ଏନେଇ ଏକ୍ସ(ପୂର୍ବର ଟ୍ୱିଟର)ରେ ପୋଷ୍ଟ କରି ସୂଚନା ଦେଇଛି। ଇସ୍ରୋ ପୋଷ୍ଟ କରିଥିବା ଭିଡିଓରେ ଆଦିତ୍ୟ-L1ର ନିଜର ସେଲଫି ଫଟୋ ସହ ପୃଥିବୀ ଓ ଚନ୍ଦ୍ରକୁ ଦେଖିବାକୁ ମିଳୁଛି। ଚଳିତ ମାସ 2 ତାରିଖରେ ସତୀଶ ଧାବନ ଲଞ୍ଚ ପ୍ୟାଡରୁ ଉତକ୍ଷେପଣ ହୋଇଥିଲା ଆଦିତ୍ୟ-L1। ଏହା ସୂର୍ଯ୍ୟଙ୍କ ଉପରେ ଅନୁଧ୍ୟାନ କରିବାର ଇସ୍ରୋର ପ୍ରଥମ ମିଶନ।

ଆଦିତ୍ୟ-L1 ସୂର୍ଯ୍ୟଙ୍କ ସମ୍ପୂର୍ଣ୍ଣ ନିକଟକୁ ନଗଲେ ମଧ୍ୟ ଏକି ନିର୍ଦ୍ଦିଷ୍ଟ L1, ଯାହାକୁ ଲାଗ୍ରାଞ୍ଜ କୁହାଯାଏ ଏହି ପଏଣ୍ଟରେ ରହି ଅନୁଧ୍ୟାନ କରିବ। ଲକ୍ଷ୍ୟପଥ L1ରେ ପହଞ୍ଚିବା ପାଇଁ ସୂର୍ଯ୍ୟ ମିଶନକୁ ଉତକ୍ଷେପଣଠାରୁ 125 ଦିନ ସମୟ ଲାଗିବ। ପୃଥିବୀଠୁ ସୂର୍ଯ୍ୟଙ୍କ ଦୂରତା 15 କୋଟି କିଲୋମିଟର ଦୂର ହୋଇଥିବା ବେଳେ ଏହା 15 ଲକ୍ଷ କିଲୋମିଟର ଦୂର ଲାଗ୍ରାଞ୍ଜ ପଏଣ୍ଟରେ ରହି ସୂର୍ଯ୍ୟଙ୍କ ବାବଦରେ ଇସ୍ରୋକୁ ଟିକନିଖ ଖବର ପଠାଇବ। ଏହି ସମୟ ମଧ୍ୟରେ ମହାକାଶର ଏହି ବିରଳ ଦୃଶ୍ୟ ପଠାଇଛି ଆଦିତ୍ୟ-L1।