Isro: ଲଞ୍ଚ ପରେ ନିୟନ୍ତ୍ରଣ ହରାଇଲା ଇସ୍ରୋର PSLV-C62, ହଜିଗଲା ୧୬ ସ୍ୟାଟେଲାଇଟ୍‌

ଭାରତର ମହାକାଶ ଅଭିଯାନକୁ ଶକ୍ତ ଝଟକା। ଫେଲ ମାରିଛି ଇସ୍ରୋ(ISRO)ର PSLV-C62 ମିଶନ। ଆନ୍ଧ୍ରର ଶ୍ରୀହରିକୋଟାରୁ ଐତିହାସିକ ଲଞ୍ଚ ସତ୍ତ୍ୱେ ମିଶନକୁ ସଫଳତା ମିଳିନି। ଫଳ ସ୍ୱରୂପ ସମସ୍ତ ୧୬ଟି ଯାକ ସ୍ୟାଟେଲାଇଟ ମହାକାଶରେ ହଜି ଯାଇଛି। 

ସକାଳ ୧୦.୧୭ରେ ୨୬୦ ଟନ ଓଜନ ବିଶିଷ୍ଟ ପିଏସଏଲଭି-ଡିଏଲ ଠିକ ଭାବେ ଲଞ୍ଚ ହୋଇଥିଲା। ପ୍ରଥମ ଦୁଇ ପର୍ଯ୍ୟାୟ ଓ ସ୍ୟାଟେଲାଇଟକୁ ସଫଳତା ପୂର୍ବକ ଅଲଗା ମଧ୍ୟ କରାଯାଇଥିଲା। ହେଲେ ତୃତୀୟ ପର୍ଯ୍ୟାୟ ଇଗନିସିନ ପରେ ମିଶନ ଫେଲ ମାରିଥିଲା। ଟେଲେମେଟ୍ରୀରୁ କୌଣସି ଅପଡେଟ ମିଳି ନଥିଲା। ଗତବର୍ଷ ପିଏସଏଲଭି-ସି୬୧ ବିଫଳତାର ପୁନରାବୃତ୍ତି ଘଟିଥିଲା। 

ଇସ୍ରୋ ମୁଖ୍ୟ ଭି ନାରାୟଣ କହିଛନ୍ତି ଯେ “ମହାକାଶ ଯାନର ପ୍ରଦର୍ଶନ ତୃତୀୟ ପର୍ଯ୍ୟାୟ ଶେଷ ଯାଏ ଠିକଠାକ ରହିଥିଲା। ଏହାପରେ ରୋଲ ରେଟ୍ସ ଓ ବିମାନ ପଥରେ ଡେଭିଏସନ ନୋଟିସ କରାଯାଇଥିଲା। ଆମେ ତଥ୍ୟର ବିଶ୍ଲେଷଣ କରୁଛୁ। ଆମେ ଖୁବଶୀଘ୍ର ଅଧିକ ତଥ୍ୟ ସାର୍ବଜନୀନ କରିବୁ।” 

ସାମୁଦ୍ରିକ ସର୍ଭେଲାନ୍ସ ପାଇଁ ଡିଆରଡିଓର ଇଓଏସ୍‌-ଏନ୧ ( ଅନ୍ୱେଷ) ପ୍ରାଥମିକ ଉପଗ୍ରହ ସମେତ ଭାରତୀୟ ଛାତ୍ର ପେଲୋଡ, ଘରୋଇ ଫାର୍ମର ପ୍ରୟୋଗ ଓ ସ୍ପେନର କିଡ ରି-ଏଣ୍ଟ୍ରି ଭଳି ୧୫ଟି ସ୍ୟାଟେଲାଇଟକୁ ନେଇ ଯାଉଥିବା ଏହି ମିଶନର ଲକ୍ଷ୍ୟ ଥିଲା ୫୦୫ କିମି ଦୂର ସୂର୍ଯ୍ୟ-ସ୍ନିକୋରନୋସ କକ୍ଷ ପଥରେ ପହଞ୍ଚାଇବା।

ଯାନଟି ସଲିଡ ବୁଷ୍ଟର ସ୍ପେପାରସନ ଠିକ ଭାବେ କରିଥିଲା। କିନ୍ତୁ ହେଲେ ଉତକ୍ଷେପଣର ୮ ମିନିଟ ପରେ ଆରମ୍ଭ ହୋଇଥିଲା ତୃତୀୟ ପର୍ଯ୍ୟାୟରେ ତ୍ରୁଟି ଦେଖାଯାଇଥିଲା। ସି୬୧ର ଚ୍ୟାମ୍ବର ପ୍ରେସର ହ୍ରାସ ପାଇବାରୁ ଇଓଏସ୍‌-୦୯ରେ ତ୍ରୁଟି ପରିଲ୍ଲିଖ ହୋଇଥିଲା। 

୮ ମାସ ମଧ୍ୟରେ ଏହା ଇସ୍ରୋର ଦ୍ୱିତୀୟ ପିଏସଏଲଭି ବିଫଳତା। ଚନ୍ଦ୍ରଯାନ ୧ ଓ ଆଦିତ୍ୟ –ଏଲ୧ ମିଶନ ପୂର୍ବରୁ ଏପରି ବିଫଳି ଇସ୍ରୋକୁ ଶକ୍ତ ଝଟକା ସଦୃଶ ହୋଇଛି। କିନ୍ତୁ ଇସ୍ରୋ ନିଜର ତ୍ରୁଟିକୁ ସମାଧାନ କରି ପୁଣି ପିଏସଏଲଭିର ସଫଳ ଉତକ୍ଷେପଣ ପାଇଁ ଯୋଜନା ଆରମ୍ଭ କରି ଦେଇଥିବା ଜଣାପଡ଼ିଛି।