ମହାକାଶରେ ବ୍ୟାଟେରୀ ମରାମତି କଲେ ମହାକାଶଚାରୀ

ଓ୍ୱାଶିଂଟନ: ମହାକାଶରେ ଥିବା ଅନ୍ତର୍ଜାତୀୟ ସ୍ପେସ ଷ୍ଟେସନ (ଆଇଏସଏସ)ର ବ୍ୟାଟେରୀ ମରାମତି ହୋଇଛି। ନାସାର ମହାକାଶଚାରୀ କ୍ରିସ କ୍ୟାସିଡି ଏବଂ ରବର୍ଟ ବେହନକେନ ଏହି ମରାମତି କରିଛନ୍ତି। ଚଳିତ ସପ୍ତାହରେ ଦ୍ୱିତୀୟ ଥର ପାଇଁ ସ୍ପେସ ଓ୍ୱାକ କରି ଆଇଏସଏସରେ ଖରାପ ହୋଇଯାଇଥିବା ବ୍ୟାଟେରୀର ମରାମତି କରିଛନ୍ତି।

କ୍ୟାସିଡି ଟୁଇଟ୍ କରି ବ୍ୟାଟେରୀ ବଦଳ କରିବାର ଫଟୋ ସହିତ ମହାକାଶର କିଛି ଫଟୋ ଶେୟାର କରିଛନ୍ତି। ପାଖାପାଖି ଛଅ ଘଣ୍ଟା ଧରି ମହାକାଶଚାରୀ ମାନେ ଆଇଏସଏସରେ ଥିବା ପୁରୁଣା ନିକେଲ-ହାଇଡ୍ରୋଜେନ ବ୍ୟାଟେରୀଟିରକୁ ବଦଳ କରି ଲିଥିଅମ ଆଇଅନ ବ୍ୟାଟେରୀ ଲଗାଇଛନ୍ତି।

କିଛି ଦିନ ତଳେ ନାସାର ଏହି ମହାକାଶଚାରୀ ଅନ୍ତର୍ଜାତୀୟ ସ୍ପେସ୍ ଷ୍ଟେସନରୁ ବାହାରି ବ୍ୟାଟେରୀ ବଦଳାଇବା ପାଇଁ ବାହାରିଥିଲେ। ଆଉ ଏହି ସମୟରେ ସ୍ପେସସୁଟରେ ଥିବା ଏକ ଆଇନା ବା କାଚ ଭାଙ୍ଗିଯାଇଥିଲା। ଏବେ ସେହି ଆଇନା ମହାକାଶରେ ନୂତନ ବର୍ଜ୍ୟବସ୍ତୁର ସାମିଲ୍ ହୋଇଛି। ତେବେ ଏହି ଆଇନା ପାଇଁ ଆଗାମୀ ଦିନରେ ମହାକାଶଚାରୀ କି ସ୍ପେସ ଷ୍ଟେସନରେ କୌଣସି ଅସୁବିଧା ହେବନି ବୋଲି କ୍ୟାସିଡି କହିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।