ଭାରତୀୟ ବଂଶୋଦ୍ଭବ ମହାକାଶଚାରୀ ସୁନୀତା ୱିଲିୟମ୍ସଙ୍କ ମହାକାଶ ଯାତ୍ରା ଅଟକି ଯାଇଛି। ଉଡ଼ାଣ ସମୟରେ ଯାନ୍ତ୍ରିକ ତ୍ରୁଟି ପରିଲକ୍ଷିତ ହେବାରୁ ଯାତ୍ରା ସ୍ଥଗିତ ରଖାଯାଇଛି। ଏନେଇ ନାସା ପକ୍ଷରୁ ସୂଚନା ଦିଆଯାଇଛି।
ସୂଚନା ଅନୁସାରେ, ସକାଳ ୮ଟା ୪ ମିନିଟରେ ସୁନୀତା ୱିଲିୟମ୍ସ ମହାକାଶକୁ ଯାତ୍ରା କରିଥାନ୍ତେ। ତାଙ୍କ ସହ ବଚ ୱିଲମୋର ମଧ୍ୟ ଯିବାର କାର୍ଯ୍ୟକ୍ରମ ଥିଲା। କେନେଡ଼ି ସ୍ପେଶ୍ ସେଣ୍ଟରରୁ ୟୁନାଇଟେଡ୍ ଲଞ୍ଚ ଆଲାଏନ୍ସ ଆଟଲାସ୍ ଭି ରକେଟ୍ ଏବଂ ବୋଇଙ୍ଗ ଷ୍ଟାରଲିନର୍ ମହାକାଶଯାନରେ ଉଡ଼ାଣ ଭରିଥାନ୍ତେ ଏହି ଦୁଇ ମହାକାଶଚାରୀ। କିନ୍ତୁ ଅନ୍ତିମ ପର୍ଯ୍ୟାୟରେ ଯାନରେ ତ୍ରୁଟି ଦେଖାଯିବାରୁ ଯାତ୍ରାକୁ ସ୍ଥଗିତ ରଖାଯାଇଛି।
Also Read
ନାସା ପକ୍ଷରୁ ଏକ ଏକ୍ସ ପୋଷ୍ଟରେ କୁହାଯାଇଛି ଯେ, ପରବର୍ତ୍ତୀ ଉଡ଼ାଣ କେବେ ହେବ, ସେନେଇ ଆଜି ସନ୍ଧ୍ୟାରେ ନିଷ୍ପତ୍ତି ନିଆଯିବ। କିନ୍ତୁ ଯାନରେ ତ୍ରୁଟି କେତେ ରହିଛି ଏବଂ ଶୀଘ୍ର ସଂଶୋଧନ ହୋଇପାରିବ କି ନାହିଁ ତୁରନ୍ତ ସ୍ପଷ୍ଟ ହୋଇପାରିନି। ଆଗକୁ ଏନେଇ ଅପଡେଟ୍ ଦିଆଯିବ।
ସେପଟେ ଯାତ୍ରା ସ୍ଥଗିତ ହେବା ପରେ ନାସା ମୁଖ୍ୟ ବିଲ୍ ନେଲସନ ମଧ୍ୟ ଏକ ଏକ୍ସ ପୋଷ୍ଟ କରିଛନ୍ତି। ସେ କହିଛନ୍ତି, "ଆମର ପ୍ରଥମ ପ୍ରାଥମିକତା ହେଉଛି ସୁରକ୍ଷା, ଯେତେବେଳେ ଆମେ ସମ୍ପୂର୍ଣ୍ଣ ପ୍ରସ୍ତୁତ ହୋଇଯିବୁ ଉଡ଼ାଣ ଭରିବୁ।"
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
