ଧ୍ୟାନ ଆକର୍ଷଣ କରୁଛି ପେଚାର ହଳଦିଆ ଆଖି

ସୋଶାଲ ମିଡିଆରେ ସବୁବେଳେ କିଛି ନା କିଛି ଭାଇରାଲ ହେଉଥାଏ। ଏବେ ନେଟିଜେନଙ୍କ ଧ୍ୟାନ ଆକର୍ଷଣ କରୁଛି ଏକ ପେଚା। ତେବେ ଆପଣ ଏ ଯାଏଁ ସୋଶାଲ ମିଡିଆରେ ଚର୍ଚ୍ଚା ସାଉଁଟୁଥିବା ଏହି ପେଚାକୁ ଦେଖିଲେଣି ନା ନାହିଁ ? ତେବେ ଏହି ସୁନ୍ଦର ଦୃଶ୍ୟକୁ କିଏ କ୍ୟାମେରାରେ କଏଦ କରିଛନ୍ତି ଆସନ୍ତୁ ଜାଣିବା…

ଟ୍ୱିଟରରେ ଭାରତୀୟ ବନ ଅଧିକାରୀ ସୁଶାନ୍ତ ନନ୍ଦଙ୍କ ଏକ ପୋଷ୍ଟ ଆଜିକାଲି ସୋଶାଲ ମିଡିଆରେ ଖୁବ୍ ଚର୍ଚ୍ଚାରେ ରହିଛି ଓ ଭାଇରାଲ ହେଉଛି। ନନ୍ଦ ଏକ ପେଚା ଫଟୋ ଶେୟାର କରି ଲେଖିଛନ୍ତି, ଫଟୋରେ ‘ଦି ଗ୍ରେଟ୍’ ପେଚା ଅଛି, ଯିଏ ଗଛ କଡ଼ରେ ଲୁଚିଛି।

ପ୍ରକୃତରେ ଫଟୋଟି 2019 ମସିହାର। ଏହାକୁ ବ୍ରିଟେନର ଜଣେ ଓ୍ୱାଇଲ୍ଡ ଲାଇଫ ଫଟୋଗ୍ରାଫର ଉତ୍ତୋଳନ କରିଥିଲେ। କୋଲମ୍ବିଆର ଘଞ୍ଚ ଜଙ୍ଗଲ ପରିଦର୍ଶନ କରିବା ସମୟରେ ଫଟୋଟିକୁ ନିଜ କ୍ୟାମେରା ଲେନ୍ସରେ କଏଦ କରିଥିଲେ। ଫଟୋରେ ଗୋଟିଏ ଗଛ କଡ଼ରେ ପେଚା ବସିଥିବା ଦେଖିବାକୁ ମିଳିଛି। ବିଶେଷକରି ପେଚାଟିର ହଳଦିଆ ରଙ୍ଗର ଆଖି ଲୋକଙ୍କ ଧ୍ୟାନ ଆକର୍ଷଣ କରୁଛି।

ଫଟୋଟିକୁ ନିଜ କ୍ୟାମେରାରେ କଏଦ କରିଥିଲେ ଓ୍ୱାଇଲ୍ଡ ଲାଇଫ୍ ଫଟୋଗ୍ରାଫର ଏଲନ ମର୍ଫି। ସୁଶାନ୍ତ ନନ୍ଦ ଶେୟାର କରିବା ପରେ ଫଟୋଟି ସୋଶାଲ ମିଡିଆରେ ପୁଣି ଭାଇରାଲ ହେଉଛି। ଆପଣବି ଟିକେ ନଜର ପକାନ୍ତୁ ଏହି ଅଭୂତ ପୂର୍ବ ଫଟୋଗ୍ରାଫିକୁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।