ଭୁବନେଶ୍ୱର(ଓଡ଼ିଶା ରିପୋର୍ଟର ): ସ୍କୁଲରେ ପିଲାଙ୍କ ପାଠପଢା ଚାପ କମ୍ କରିବା ସହ ଶାରୀରିକ ଓ ମାନସିକ ରୂପେ ସେମାନଙ୍କୁ ଫିଟ୍ ରଖିବାକୁ ରହିଛି ପିଇଟି କ୍ଲାସ୍। ଏଥିରେ ପିଲାଙ୍କୁ ବିଭିନ୍ନ ପ୍ରକାର ଏକ୍ସରସାଇଜ ଶିଖାଯାଇଥାଏ। ଏଥିରେ ସବୁ ଛାତ୍ରଛାତ୍ରୀ ସାମିଲ ହେବା ବାଧ୍ୟତାମୂଳକ। ହେଲେ ଚିନ୍ରେ ହୋଇଥିବା ଏକ ପିଇଟି କ୍ଲାସ୍ରେ ପିଇଟି ଶିକ୍ଷକ ଏପରି କିଛି କାମ କରିଛନ୍ତି ଯାହାର ଭିଡ଼ିଓ ସୋଶାଲ ମିଡ଼ିଆରେ ଭାଇରାଲ ହେବାରେ ଲାଗିଛି।
ପିଇଟି ଶିକ୍ଷକଜଣକ ପ୍ଲେ ଗ୍ରାଉଣ୍ଡରେ ୪୦୦ ପିଲାଙ୍କୁ ଛିଡ଼ା କରାଇ ତାଙ୍କ ପିଇଟି କ୍ଲାସ୍ ନେଉଛନ୍ତି। ଯାହାକି ଖୁବ୍ ମଜାଦାର ଲାଗୁଛି। ଏଥିରେ ପିଲାମାନେ ଏକ୍ସରସାଇଜ କରିବା ପରିବର୍ତ୍ତେ ନିଜ ଶିକ୍ଷକଙ୍କ ସହ ତାଳରେ ତାଳ ମିଶାଇ ଡ୍ୟାନ୍ସରେ ମାତି ଯାଇଛନ୍ତି। ପିଲାମାନେ ବି ଏହାର ଭରପୁର ମଜା ଉଠାଉଛନ୍ତି। ଶିକ୍ଷକଜଣକ ‘DaddyYankee Dura’ ଭଳି ପପୁଲାର ଗୀତରେ ନୃତ୍ୟ ପରିବେଷଣ କରୁଛନ୍ତି।
ଏହି ଗୀତ ଏତେ ପପୁଲାର ଯେ, ଏହା ଉପରେ ପୂର୍ବରୁ ମଧ୍ୟ ବହୁତ ଟିକ୍ଟକ୍ ଭିଡ଼ିଓ ଓ ଅନ୍ୟ ଭିଡ଼ିଓ ହୋଇ ଇନ୍ଷ୍ଟାଗ୍ରାମ୍ରେ ପୋଷ୍ଟ ହେଉଛି। ଏହାର କ୍ରେଜ୍ କମିବା ନାଁ ଧରୁନି। ଏହା ପ୍ରଥମ ଥର ନୁହେଁ ଯେ, ଜଣେ ଟିଚର୍ ପିଲାଙ୍କ ସହ ମଜାଦାର ଡ୍ୟାନ୍ସ କରିଥିବେ। ଏହା ପୂର୍ବରୁ ମଧ୍ୟ ଚିନ୍ରେ ଜଣେ ପ୍ରିନ୍ସିପାଲ ପିଲାଙ୍କ ସହ ଡ୍ୟାନ୍ସ କରୁଥିବାର ମଜାଦାର ଭିଡ଼ିଓ ବେଶ୍ ଭାଇରାଲ ହୋଇଥିଲା।
https://youtu.be/L5NZKplfNZI
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
