ନୂଆଦିଲ୍ଲୀ: କୋରନା ଭାଇରସ୍କୁ ନେଇ ସବୁଠି ଚର୍ଚ୍ଚା। ମାରାତ୍ମକ କରୋନା ଭାଇରସ୍ ସଂକ୍ରମଣ ଯୋଗୁଁ ଚୀନରେ ଏଯାବତ ୧୭୦ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଚୀନ କରୋନା ଭାଇରସ ସଂକ୍ରମଣକୁ ଅଟକାଇବା ପାଇଁ ଯାତ୍ରୀଙ୍କ ଯାତ୍ରା ଉପରେ ବି ପ୍ରତିବନ୍ଧକ ଲଗାଇ ଦେଇଛି।
ଚୀନର ଉହାନ୍ ସହରରେ ମାରାତ୍ମକ କରୋନା ଭାଇରସ୍ ସଂକ୍ରମଣ ଆମେରିକାରେ ପହଞ୍ଚି ଯାଇଛି। ଏହି ଭାଇରସ୍ରେ ସଂକ୍ରମିତ ହୋଇଥିବା ରୋଗୀଙ୍କୁ ଚିକିତ୍ସା କରିବା ପାଇଁ ଡାକ୍ତରମାନେ ଦିନ ରାତି ଏକ କରିଦେଉଛନ୍ତି। ନିକଟରେ ଏମିତି ଏକ ଭିଡିଓ ଭାଇରାଲ୍ ହୋଇଛି।
ଭାଇରାଲ ଭିଡିଓରେ ଦେଖିବାକୁ ମିଳୁଛି, ଜଣେ ଡାକ୍ତର ଭୋ ଭୋ ହୋଇ ହସ୍ପିଟାଲ୍ରେ କାନ୍ଦୁଛନ୍ତି। ତାଙ୍କର ଜଣେ ସହଯୋଗୀ ଡାକ୍ତରଙ୍କୁ ବୁଝାଉଛନ୍ତି। ଏହି ଡାକ୍ତର ଜଣକ ଅଧିକ କ୍ଲାନ୍ତ ହେବା ସହିତ ନ ଶୋଇ ଭୋକ ଉପବାସରେ ୨୪ ଘଣ୍ଟା ରୋଗୀଙ୍କ ସେବା କରି ଥକି ପଡ଼ିଥିବା କାରଣରୁ କାନ୍ଦୁଥିବା ଜଣାପଡ଼ିଛି।
ଡାକ୍ତର କ୍ଲାନ୍ତ ହୋଇ କାନ୍ଦୁଥିବା ଏହି ଭିଡିଓକୁ ଏଯାବତ ୩୨୫ ହଜାର ଥର ଦେଖା ଯାଇ ସାରିଲାଣି। ଚୀନ ସୋସିଆଲ ମିଡିଆରେ ଏହି ଭିଡିଓକୁ ଶେୟାର କରିବାର କିଛି ସମୟ ପରେ ହଟାଇ ଦିଆଯାଇଥିଲା, କିନ୍ତୁ ପରେ ଟୁଇଟରରେ ଏହାକୁ ଅପଲୋଡ କରାଯାଇଥିଲା।
ସୂଚନା ଅନୁଯାୟୀ, ଏହି ଭିଡିଓ କ୍ଲିପ୍ ଉହାନ୍ ସହରର ଏକ ହସ୍ପିଟାଲ ଭିତରର ବୋଲି କୁହାଯାଉଛି। ଚୀନର ଏହି ସହରରେ ଯାତାୟାତ ପାଇଁ ଥିବା ଆକାଶପଥ, ରେଳପଥ ଓ ସଡ଼କପଥକୁ ବନ୍ଦ କରି ଦିଆଯାଇଛି।
【医护人员崩溃了】
【武汉医护在求救！】武汉各大医院的一万多医护人员连日来超负荷工作，也见不到亲人，加上医院内物资缺乏，在休息室内情绪终于崩溃了。#武汉#闻者心酸 pic.twitter.com/FuWQG9DDlU
— 自由亚洲电台 (@RFA_Chinese) January 24, 2020
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
