ନୂଆଦିଲ୍ଳୀ: ସଜେଇ ହୋଇଥିଲା ବିବାହ ମଣ୍ଡପ। ଚାଲିଥିଲା ବିବାହ। ପୂରା ଅତିଥି ଗଣ ମଧ୍ୟ ଉପସ୍ଥିତ ଥିଲେ। ମଣ୍ଡପକୁ ଆସୁଥିଲେ କନିଆଁ। ଠିକ୍ ଏତିକି ବେଳେ କନିଆଁକୁ ଦେଖି ଭୋ ଭୋ ହୋଇ କାନ୍ଦିଲେ ବର। ଏପରିକି ସେ ଚାହିଁଲେ ବି ନିଜ କାନ୍ଦ ଆଉ ଅଟକାଇ ପାରିଲେ ନାହିଁ। ବିବାହ ବେଳର ଏଭଳି କିଛି ଭିଡିଓ ଏବେ ସାମ୍ନାକୁ ଆସିଛି ଯାହା ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି।
ବର ବେଶରେ ଥିଲେ ଡେମୋଟ୍ରିସ କ୍ୟାଶରିସ୍। ନିଜ ପ୍ରେମିକା ଆଲେକଜେଣ୍ଡ୍ରିଆଙ୍କୁ କନିଆଁ ବେଶରେ ଦେଖି ଭାବୁକ ହୋଇପଡିଥିଲେ। ବର ବେଶରେ ଡେମୋଟ୍ରିସ ବିବାହର ସବୁ ରୀତିନୀତି ପାଳନ କରିବାକୁ ନିଜ ସାଙ୍ଗମାନଙ୍କ ସହ ପୂରା ପ୍ରସ୍ତୁତ ଅଛନ୍ତି। ଏତିକି ବେଳେ ନିଜ ବାପାଙ୍କ ସହ କନିଆଁ ବେଶରେ ଧଳା ଗାଉନ୍ ପିନ୍ଧି ଆଲୋକଜେଣ୍ଡ୍ରିଆ ମଣ୍ଡପରେ ପହଞ୍ଚିଥିଲେ। ବର ନିଜ ପ୍ରମିକାକୁ ପ୍ରଥମଥର ବିବାହର ଧଳା ଗାଉନରେ ଦେଖି ଅତ୍ୟନ୍ତ ଭାବୁକ ହୋଇପଡିଥିଲେ। ଏହାପରେ ସମସ୍ତଙ୍କ ସାମ୍ନାରେ ହିଁ କାନ୍ଦି ପକାଇଥିବା ଭିଡିଓରେ ଦେଖିବାକୁ ମିଳିଛି।
ଏହି ଭିଡିଓକୁ ତାଙ୍କ ୱେଡିଂ ଭିଡିଓଗ୍ରାଫର ମ୍ୟାଗନୋଲିଆ ରେଡ୍ ନିଜ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ବର-କନିଆଁଙ୍କ ଏହି ଭିଡିଓ ଏବେ ସୋଶାଲ ମିଡିଆରେ ହଇଚଇ ସୃଷ୍ଟି କରିଛି। ଏହାକୁ ବର୍ତ୍ତମାନ ଯାଏଁ ୩୬ ହଜାରରୁ ଅଧିକ ଲୋକ ଦେଖିସାରିଲେଣି।
ଏହି ଭିଡିଓକୁ ଚାରିଆଡୁ ପ୍ରଶଂସା ମିଳୁଛି। ଜଣେ ୟୁଜର୍ସ ଏହି ଭିଡିଓ ନେଇ କମେଣ୍ଟ କରି କହିଛନ୍ତି, 'ଏହା ପ୍ରକୃତ ପ୍ରେମର ପ୍ରଦର୍ଶନ। ଆପଣ ବାସ୍ତବରେ ପରସ୍ପରକୁ ବେଶ୍ ଭଲ ପାଆନ୍ତି। ମୁଁ ଆପଣଙ୍କୁ ଜାଣି ନଥିଲେ ବି ମୁଁ ମୋର ଶୁଭକାମନା ଜଣାଉଛି ବଲି ଲେଖିଛନ୍ତ।'
View this post on Instagram
View this post on Instagram
View this post on Instagram
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
