ଭାଗ୍ୟ ହବ ତ ଏମିତି! ଲଟେରୀରେ ୪୦ କୋଟି ଟଙ୍କା ଜିତିଲେ ଟ୍ୟାକ୍ସି ଡ୍ରାଇଭର୍

କଥାରେ ଅଛି, ଯେତେବେଳେ ଭାଗ୍ୟ ଫିଟେ, ସେତେବେଳେ ଦିନ ରାତି କିମ୍ବା ଦେଶ ଦେଖେ ନାହିଁ। ଏଭଳି କିଛି ଦୁବାଇରେ କାମ କରୁଥିବା ଜଣେ ଭାରତୀୟ ବ୍ୟକ୍ତିଙ୍କ ସହ ଘଟିଛି, ଯାହାଙ୍କ ହାତରେ ୪୦ କୋଟି ଟଙ୍କାର ଲଟେରୀ ଲାଗିଛି। ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ହେଁ, ଏହା ସତ। ଦୁବାଇରେ ଏହି ବ୍ୟକ୍ତି ଜଣକ ଅନେକ ବର୍ଷ ଧରି ଟ୍ୟାକ୍ସ ଡ୍ରାଇଭର୍ ଭାବେ କରୁଥିଲେ। ଏବେ ସେ ନିଜ ସାଙ୍ଗମାନଙ୍କ ସହ ମିଶି ୪୦ କୋଟି ଟଙ୍କା ଜିତିଛନ୍ତି। ଜ୍ୟାକପଟ୍ ପରେ ଏହି ବ୍ୟକ୍ତିଙ୍କ ସହ ତାଙ୍କର ୯ଜଣ ସାଙ୍ଗଙ୍କ ଭାଗ୍ୟ ମଧ୍ୟ ବଦଳି ଯାଇଛି।

ସେହି ବ୍ୟକ୍ତି ଜଣକ ହେଉଛନ୍ତି ରଞ୍ଜିତ ସୋମରାଜନ, ଯିଏ କେରଳର କୋଲ୍ଲମ ଜିଲ୍ଲାରେ ନିଜ ଘର ଛାଡ଼ି ଦୁବାଇ ଚାଲିଯାଇଥିଲେ। ସେଠାରେ ସେ ଟ୍ୟାକ୍ସି ଓ ଅନ୍ୟ କମ୍ପାନୀରେ କାମ କରୁଥିଲେ। ଏକ ଦଶନ୍ଧିରୁ ଅଧିକ ସମୟ ଧରି ସଂଘର୍ଷପୂର୍ଣ୍ଣ ଜୀବନ ବିତାଇବା ପରେ ତାଙ୍କୁ ଏଭଳି ଚମତ୍କାର ଆଶା ନଥିଲା। କିନ୍ତୁ ସୋମରାଜନ ଶନିବାର ଯେତେବେଳେ ନିଜ ଜିତିବା କଥା ଶୁଣିଲେ, ସେତେବେଳେ ସେ ମସଜିଦରେ ଥିଲେ। ଆବୁଧାବି ବିଗ୍ ଟିକେଟ୍ ଡ୍ର'ରେ ପ୍ରଥମ ପୁରସ୍କାର ଜିତିବା ପରେ ଦୁବାଇର ଏହି ଡ୍ରାଇଭର୍ ବହୁତ ଖୁସି ହୋଇଯାଇଥିଲେ, ଯାହା ୨୦ ମିଲିୟନ୍ ଦିରହମ୍ କିମ୍ବା ଭାରତୀୟ ଟଙ୍କା ଅନୁଯାୟୀ ୪୦ କୋଟି ଟଙ୍କା ଥିଲା।

ଖଲୀଜ ଟାଇମ୍ସ ଅନୁଯାୟୀ, ଶ୍ରୀ ସୋମରାଜ ଗତ ତିନି ବର୍ଷ ଧରି ଜ୍ୟାକପଟ୍ ଟିକେଟ୍ କିଣୁଥିଲେ। ସେ କହିଛନ୍ତି ଯେ ସେ କେବେ ଭାବି ନଥିଲେ ଯେ ଦିନେ ସେ ଜ୍ୟାକପଟ୍ ଜିତିବ। ୩୭ ବର୍ଷୀୟ କହିଛନ୍ତି, 'ମୁଁ ସବୁବେଳେ ଦ୍ୱିତୀୟ ଏବଂ ତୃତୀୟ ପାଇବା ନେଇ ଆଶା କରିଥିଲି।' ଏଥର ଦ୍ୱିତୀୟ ଏବଂ ତୃତୀୟ ପୁରସ୍କାର ଯଥାକ୍ରମେ ୩ ମିଲିୟନ୍ ଦିରହମ୍ ଓ ୧ ମିଲିୟନ୍ ଦିରହମ୍ ଥିଲା।

ଶନିବାର ସୋମରାଜନ ନିଜ ପତ୍ନୀ ସଞ୍ଜିବନୀ ପରେରା ଓ ପୁଅ ନିରଞ୍ଜନା ସହ ହାଟରୁ ଫେରୁଥିବା ବେଳେ ଟ୍ରାଫିକ୍ ସିଗନାଲରେ ତାଙ୍କ ଗାଡ଼ି ଅଟକିଥିଲା। ସେହି ସମୟରେ ଦ୍ୱିତୀୟ ଓ ତୃତୀୟ ସ୍ଥାନର ପୁରସ୍କାର ଘୋଷଣା ହେଉଥିଲା। ସୋମରାଜନ କହିଛନ୍ତି, ମୁଁ ଆଗକୁ ବଢ଼ିଲି ଏବଂ ବାଟରେ ଏକ ମସଜିଦ୍ ଦେଖିଲି। ମୁଁ କେବଳ ଏତିକି କହିଲି ହେ ଭଗବାନ, ମୁଁ ପୁଣିଥରେ ହାରିଗଲି। କିନ୍ତୁ ଯେତେବେଳେ ମୁଁ ଗାଡ଼ିରେ ପରିବା ହାଟକୁ ଯାଉଥିଲି, ମୋ ମନ ବିଚଳିତ ହେଉଥିଲା। ମୁଁ ମସଜିଦ୍ ଫେରି ଆସିଲି ଏବଂ ମୋ ହଠାତ୍ ମୋ ଟିକେଟ୍ ନମ୍ବରରେ ଫୋନ୍ କଲ୍ ଆସିଥିଲା। ମୋ ୮ ବର୍ଷର ପୁଅ ଖୁସିରେ ଝୁମି ଉଠିଥିଲା।

ଏବେ ସୋମରାଜନଙ୍କୁ ତାଙ୍କ ବନ୍ଧୁ ଓ ସମ୍ପର୍କୀୟ ବଧେଇ ଜଣାଇଛନ୍ତି। ଆୟୋଜକମାନେ ଫେସବୁକରେ ସୋମରାଜନଙ୍କୁ ଉତ୍ସର୍ଗୀକୃତ ଏକ ପୋଷ୍ଟ ମଧ୍ୟ ସେୟାର କରିଛନ୍ତି। ଏଥିରେ ଲେଖା ଯାଇଛି, ଭାରତ ପକ୍ଷରୁ ରଞ୍ଜିତ ସୋମରାଜନଙ୍କୁ ଟିକେଟ୍ ନମ୍ବର ୩୪୯୮୮୬ ଜିତିବା ପାଇଁ ବଧେଇ। ସେ ଦି ମାଇଟି ୨୦ ମିଲିୟନ୍ ସିରିଜ୍-୨୨୯ରେ ଏଇଡି ୨୦ ମିଲିୟନ୍ ଜିତିଛନ୍ତି।

ସୋମରାଜନ୍ ଅନ୍ୟ ୯ ଜଣଙ୍କ ସହିତ ପୁରସ୍କାର ରାଶି ବାଣ୍ଟିବେ, ଯେଉଁମାନେ ଟିକେଟ୍ କିଣିବା ପାଇଁ ପ୍ରତ୍ୟେକ ୧୦୦ ଦିରହମ୍ ଜମା କରିଥିଲେ। ତାଙ୍କର ଅନ୍ୟ ବନ୍ଧୁମାନେ, ଯେଉଁମାନେ ସେମାନଙ୍କ ଟଙ୍କା ଜମା କରିଥିଲେ, ସେମାନେ ଏକ ହୋଟେଲର ଭାଲେଟ୍ ପାର୍କିଂ ବିଭାଗ ସହିତ କାମ କରନ୍ତି। ସେ କହିଛନ୍ତି ଯେ ଜୁନ୍ ୨୯ ତାରିଖରେ ସମସ୍ତେ ତାଙ୍କ ନାମରେ ଟିକେଟ୍ କିଣିବାକୁ ନିଷ୍ପତ୍ତି ନେଇଥିଲେ।