ଅନ୍‌ଲାଇନ୍‌ ଶପିଂ ନିଶା ଉତୁରିଗଲା, ଲକ୍ଷେ ଟଙ୍କିଆ ଫୋନ୍‌ ବଦଳରେ ଆସିଲା…

ନୂଆଦିଲ୍ଲୀ: ଆଜିକାଲି ଲୋକେ ବଜାରକୁ ଯିବା ବଦଳରେ ଅନ୍‌ଲାଇନ୍‌ ଶପିଂ କରିବାକୁ ବେଶ୍‌ ଭଲପାଆନ୍ତି। ଘରେ ବସି ଅନ୍‌ଲାଇନ୍‌ରେ ଅର୍ଡର କରି ଲୋକେ ନିଜ ମନପସନ୍ଦର ଜିନିଷ ହାତ ପାଆନ୍ତରେ ପାଇଯାଉଛନ୍ତି। ସେହିପରି ଅନ୍‌ଲାଇନ୍‌ରେ ବଜାର ଦାମ୍‌ ଠାରୁ ଡିସକାଉଣ୍ଟ ବି ମିଳୁଛି। କିନ୍ତୁ ବେଳେ ବେଳେ ଏହି ଅନ୍‌ଲାଇନ୍‌ ଶପିଂ ଅନେକ ଭାରି ପଡୁଛି। ନିକଟରେ ଏଭଳି ହିଁ ଏକ ଘଟଣା ସାମ୍ନାକୁ ଆସିଛି, ଯାହା ସମସ୍ତଙ୍କ ହୋସ୍‌ ଉଡାଇ ଦେଇଛି।

ଜଣେ ଗ୍ରାହକ ଅନ୍‌ଲାଇନ୍‌ରେ ଲକ୍ଷେ ଟଙ୍କାର ଆଇଫୋନ୍-୧୩ ଅର୍ଡର କରିଥିଲେ। କିନ୍ତୁ ଆଇଫୋନ୍‌  ବଦଳରେ ତାଙ୍କୁ ଚକିତ କଲା ଭଳି ଜିନିଷ ମିଳିଥିଲା। ଇଂଲଣ୍ଡର ଲିଡ୍ସରୁ ଏଭଳି ଏକ ମାମଲା ସାମ୍ନାକୁ ଆସିଛି। ଏଠାକାର ଡାନିଏଲ୍ କାରୋଲ ନାମକ ଜଣେ ଗ୍ରାହକ ଅନ୍‌ଲାଇନ୍‌ରେ ଆଇଫୋନ୍‌-୧୩ ଅର୍ଡର କରିଥିଲେ। ସେ ଉତ୍ସାହର ସହିତ ତାଙ୍କ ଆଇଫୋନ୍ ୧୩ ପ୍ରୋ ମ୍ୟାକ୍ସକୁ ଅପେକ୍ଷା କରିଥିଲେ, କାରଣ ଏହି ଅର୍ଡର ପହଞ୍ଚିବା ପାଇଁ ଦୁଇ ସପ୍ତାହ ବିଳମ୍ବ ହୋଇଥିଲା।

Man Receives Two Cadbury Chocolates Instead Of iPhone 13

ଯେତେବେଳେ ତାଙ୍କୁ ଅର୍ଡରର ପ୍ୟାକେଜ୍ ମିଳିଥିଲା, ସେତେବେଳେ ସେ ଫୋନ୍ ବଦଳରେ ଟଏଲେଟ୍ ପେପର୍‌ରେ ଗୁଡ଼ା ହୋଇଥିବା ଦୁଇଟି କ୍ୟାଡବରୀର ହ୍ୱାଇଟ୍ ଓରିଓ ଚକୋଲେଟ୍ ବାର୍ ପାଇ ଆଶ୍ଚର୍ଯ୍ୟ ହୋଇଯାଇଥିଲେ।

ଡାନିଏଲ୍ କହିଛନ୍ତି, ‘ମୁଁ ଆପଲ୍ ୱେବସାଇଟ୍ ମାଧ୍ୟମରେ ଡିସେମ୍ବର ୨ରେ ଫୋନ୍ ଅର୍ଡର କରିଥିଲି। କିନ୍ତୁ ଅଧିକ ଷ୍ଟକ୍ ହେତୁ ଡେଲିଭରିର ପ୍ରଥମ ଦିନ ୧୭ ଡିସେମ୍ବର ଥିଲା। ଗତ ଶୁକ୍ରବାର, ଯେଉଁ ଦିନ ଏହା ଡେଲିଭରୀ ହେବାର ଥିଲା, ମୁଁ DHL ରୁ ଅନେକ ଆଶ୍ଚର୍ଯ୍ୟଜନକ ଅପଡେଟ୍ ପାଇଥିଲି। ଅର୍ଡରରେ ବିଳମ୍ବ ଦେଖି ମୁଁ ନିଜେ ଗୋଦାମରେ ପହଞ୍ଚିଥିଲି। ମୁଁ ଟ୍ରାକିଂକୁ ଯାଇ ସେମାନଙ୍କ ଡିପୋରୁ ପାର୍ସଲ ଗ୍ରହଣ କରିବାକୁ ପହଞ୍ଚିଥିଲି ଏବଂ ସେଠାରେ ଶନିବାର ଦିନ ଏହା ଉପଲବ୍ଧ ହେବ ବୋଲି କୁହାଯାଇଥିଲା।

‘ସୋମବାର, ମୁଁ ପାର୍ସଲ ନେବାକୁ ୨୪ କିଲୋମିଟର ଚକ୍କର ଲଗାଇଥିଲି। ଯେତେବେଳେ ମୁଁ ଘରେ ପହଞ୍ଚିଥିଲି, ମୁଁ ଜାଣିଲି ଯେ ବାକ୍ସ ସହିତ କିଛି ଗଡବଡ ହୋଇଛି। କାରଣ ଟେପ୍ ବହୁତ ଢିଲା ଥିଲା। ମୁଁ ପ୍ୟାକେଜ୍ ଖୋଲିବା ପରେ ଭିତରେ ଶସ୍ତା ଟଏଲେଟ ପେପରର ରୋଲ୍ ଥିଲା, ଯାହା ଦୁର୍ଗନ୍ଧିତ ହେଉଥିଲା ଏବଂ ଏଥିରେ ଦୁଇଟି ଡେରିମିଲ୍କ ଓରିଓ ଚକୋଲେଟ ଥିଲା।’ ଡାନିଏଲ୍‌ ଟ୍ୱିଟର ମାଧ୍ୟମରେ ପୂରା ଘଟଣା ବର୍ଣ୍ଣନା କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।