ସୁରଟ: ଅତିଷ୍ଠ ହୋଇପଡିଲା ସ୍ୱାମୀର ଅତ୍ୟାଚାର। ଆଉ ସହି ହେଲାନି, ଭୁଲିଗଲେ ସ୍ତ୍ରୀର ଧର୍ମ। ଶେଷରେ ସ୍ୱାମୀକୁ ଟେମ୍ପୋ ପଛପଟେ ବାନ୍ଧି ଘୋଷାଡି ନେଲେ। ଏଭଳି ଏକ ଅଭାବନୀୟ ଘଟଣା ଘଟିଛି ସୁରଟର କଦୋଦରା ଅଞ୍ଚଳରେ। ସୋଶାଲ ମିଡିଆରେ ପୁରା ଘଟଣା ଭିଡିଓ ଭାଇରାଲ ହୋଇଛି। ଏହି ଘଟଣାରେ ପୁଲିସ ଉକ୍ତ ସ୍ତ୍ରୀ ଓ ତାଙ୍କ ଭାଇଙ୍କୁ ଅଟକ ରଖିଛି।
ମହାରାଷ୍ଟ୍ର ଜଳଗାଓଁ ଅଞ୍ଚଳର ବାଳକୃଷ୍ଣ ରାଥୋଡ। ସେ ଏକ ମିଲରେ ଶ୍ରମିକ ଭାବେ କାମ କରନ୍ତି। ଶୁକ୍ରବାର ମଧ୍ୟାହ୍ଣରେ ମିଲରୁ କାମ ସାରି ବାଳକୃଷ୍ଣ ମଦ୍ୟପ ଅବସ୍ଥାରେ ଦୁର୍ଗାନଗରରେ ଥିବା ତାଙ୍କ ଘରକୁ ଫେରିଥିଲେ। ଘରକୁ ଫେରିବା ପରେ ନିଶାସକ୍ତ ଅବସ୍ଥାରେ ସ୍ତ୍ରୀ ଶୀତଲଙ୍କୁ ଗାଳିଗୁଲଜ କରିବା ସହ ମାରପିଟ ମଧ୍ୟ କରିଥିଲେ। ସ୍ୱାମୀର ଅତ୍ୟାଚାର ଓ ମାଡ ସହି ନ ପାରି ଶୀତଲ ଫୋନ କରି ତାଙ୍କ ଭାଇ ଅନିଲ ଚୌହାନଙ୍କୁ ଡାକିଥିଲେ।
ଅନିଲ ନିଜ ମିନି ଟେମ୍ପୋ ଧରି ଭଉଣୀ ଘରକୁ ଆସିଥିଲେ ଏବଂ ଭିଣେଇଙ୍କୁ ବୁଝାସୁଝା କରିଥିଲେ। ତାଙ୍କ ଭଉଣୀଙ୍କୁ ମାରପିଟ ନକରିବା ପାଇଁ ସେ କହିଥିଲେ । କିନ୍ତୁ ବାଳକୃଷ୍ଣ କିଛି ବୁଝି ନଥିଲେ। ଓଲଟି ତାଙ୍କୁ ମଧ୍ୟ ସେ ଗାଳିଗୁଲଜ କରିଥିଲେ। ଶେଷରେ ଶଳା ଏବଂ ସ୍ତ୍ରୀ ମିଶି ବାଲକୃଷ୍ଣଙ୍କୁ ଏକ ଦଉଡିରେ ଟେମ୍ପୋ ପଛପଟେ ବାନ୍ଧି ଅଧ କିଲୋମିଟର ଯାଏଁ ରାସ୍ତାରେ ଘୋଷାଡି ନେଇଥିଲେ। ଏହି ସମସ୍ତ ଘଟଣାର ଭିଡିଓ ସିସିଟିଭିରେ କଏଦ ହୋଇଛି। ସୋଶାଲ ମିଡିଆରେ ଭିଡିଓଟି ଭାଇରାଲ ମଧ୍ୟ ହୋଇଛି।
ଭିଡିଓ ସମ୍ନାକୁ ଆସିବା ପରେ ପୁଲିସ ଆତ୍ମହତ୍ୟା ଉଦ୍ୟମ ଅଭିଯୋଗରେ ମାମଲା ରୁଜୁ କରି ଶୀତଲ ଏବଂ ତାଙ୍କ ଭାଇ ଅନିଲଙ୍କୁ ଗିରଫ କରିଛି। ଉକ୍ତ ଟେମ୍ପୋଟିକୁ ମଧ୍ୟ ପୁଲିସ ଜବତ କରିଛି। ସପଟେ ସ୍ୱାମୀ ବାଳକୃଷ୍ଣଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଛି।
https://twitter.com/timesofindia/status/1365911691301703681?s=20
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
