ପ୍ରସବ ଯନ୍ତ୍ରଣାରେ ନିଜେ ସାଇକେଲ୍‌ ଚଲାଇ ହସ୍ପିଟାଲ ଗଲେ ସାଂସଦ

ୱେଲିଂଟନ୍‌: ପ୍ରବସ ଯନ୍ତ୍ରଣା ବେଳେ ବି ସାହସ ଦେଖାଇଲେ ମହିଳା ସାଂସଦ। ନିଜେ ସାଇକେଲ ଚଢ଼ି ଗଲେ ହସ୍ପିଟାଲ। ନେଲେ ନି କାହାର ବି ସହାୟତା। ବିଳମ୍ବିତ ରାତିରେ ସାଇକେଲ ଚଲାଇ ହସ୍ପିଟାଲରେ ପହଞ୍ଚି ନବଜାତକୁ ଜନ୍ମ ଦେଲେ।

ଏଭଳି କିଛି ଦୃଶ୍ୟ ନ୍ୟୁଜିଲାଣ୍ଡରେ ଦେଖିବାକୁ ମିଳିଛି। ସେଠାକାର ଜଣେ ମହିଳା ସାଂସଦ ଜୁଲି ଏନ୍‌ ଜେଣ୍ଟର ପ୍ରୱ ଯନ୍ତ୍ରଣାରେ ନିଜେ ସାଇକେଲ ଚଳାଇ ହସ୍ପିଟାଲରେ ପହଞ୍ଚିଛନ୍ତି। ବିଳମ୍ବିତ ରାତିରେ ହସ୍ପିଟାଲରେ ପହଞ୍ଚିବା ପରେ ଭୋର ୩ଟାରେ ସେ ନବଜାତକୁ ଜନ୍ମ ଦେଇଛନ୍ତି। ଏ ନେଇ ସେ ନିଜେ ଫେସ୍‌ବୁକ୍‌ ଜାରିଆରେ ଫଟୋ ପୋଷ୍ଟ କରି ସୂଚନା ଦେଇଛନ୍ତି।

ତେବେ ପ୍ରସବ ଯନ୍ତ୍ରଣା ବେଳେ ଏଭଳି ସାଇକେଲ ଚଳାଇବା ତାଙ୍କ ପାଇଁ ସହଜ ନଥିଲା। ଅତ୍ୟନ୍ତ କଷ୍ଟଦାୟକ ଥିଲା। ୨ରୁ ୩ ମିନିଟ୍‌ର ରାସ୍ତା ପାର୍‌ ହେବା ପାଇଁ ତାଙ୍କୁ ୧୦ ମିନିଟ୍‌ ସମୟ ଲାଗିଥିଲା ବୋଲି କହିଛନ୍ତି ଏହି ମହିଳା ସାଂସଦ। ତେବେ ଡେଲିଭରୀ ପରେ ସେ ଏବଂ ତାଙ୍କ ଶିଶୁ ସୁସ୍ଥ ଥିବା କହିଛନ୍ତି।

ସାଂସଦ ଜୁଲିଙ୍କ ସାଇକେଲ ଚଳାଇବାର ଫଟୋ ସାମ୍ନାକୁ ଆସିବା ପରେ ସମସ୍ତେ ଚକିତ ହୋଇପଡିଛନ୍ତି। ଚାରୁଆଡୁ ତାଙ୍କୁ ପ୍ରଶଂସା କରାଯାଉଛି। ସମସ୍ତେ ତାଙ୍କ ସାହସିକତାକୁ ସଲମା କରୁଛନ୍ତି। ଏଥିସହ ନବଜାତର ଜନ୍ମ ପାଇଁ ଶୁଭକାମନା ଜଣାଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।